سیدنا سعید بن مسیب رضی اللہ عنہ فرماتے ہیں: سیدہ حفصہ بنت عمر بن خطاب رضی اللہ عنہا کا شوہر فوت ہو گیا اور سیدنا عثمان رضی اللہ عنہ کی زوجہ سیدہ رقیہ بنت رسول اللہ صلی اللہ علیہ وسلم فوت ہو گئیں۔ سیدنا عمر رضی اللہ عنہ، سیدنا عثمان رضی اللہ عنہ کے پاس گئے اور ان سے کہا: کیا آپ کو حفصہ میں کوئی دلچسپی ہے؟ سیدنا عثمان رضی اللہ عنہ نے مجھ سے اعراض کیا اور میرے بارے میں کوئی خاطر خواہ جواب نہ دیا، سیدنا عمر رضی اللہ عنہ رسول اللہ صلی اللہ علیہ وسلم کے پاس آئے اور سیدنا عثمان رضی اللہ عنہ کی شکایت کی۔ نبی اکرم صلی اللہ علیہ وسلم نے سیدنا عمر رضی اللہ عنہ سے فرمایا: اس سے بھی بہتر حل موجود ہے۔ حفصہ سے میں نکاح کر لیتا ہوں اور عثمان کے ساتھ میں اپنی بیٹی ” ام کلثوم “ کا نکاح کر دیتا ہوں۔ چنانچہ نبی اکرم صلی اللہ علیہ وسلم نے سیدہ حفصہ رضی اللہ عنہا سے خود نکاح فرمایا اور سیدنا عثمان رضی اللہ عنہ کے ہمراہ اپنی صاحبزادی ام کلثوم رضی اللہ عنہا کا نکاح کر دیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6900]