سیدنا ابوہریرہ رضی اللہ عنہ فرماتے ہیں: میں رسول اللہ صلی اللہ علیہ وسلم کی صاحبزادی اور سیدنا عثمان رضی اللہ عنہ کی زوجہ سیدہ رقیہ رضی اللہ عنہا کی خدمت میں حاضر ہوا، ان کے ہاتھ میں کنگھی تھی، انہوں نے کہا: رسول اللہ صلی اللہ علیہ وسلم میرے پاس سے ابھی گئے ہیں، میں ان کے سر میں کنگھی کر رہی تھی، حضور صلی اللہ علیہ وسلم نے مجھ سے پوچھا تھا کہ تم ” ابوعبداللہ “ کو کیسا پاتی ہو؟ میں نے کہا سب ٹھیک ہے، ابا جان نے مجھے فرمایا: اس کی عزت و تکریم کیا کرو، کیونکہ اخلاق کے لحاظ سے وہ تمام صحابہ سے زیادہ میرے ساتھ مشابہت رکھتا ہے۔ ٭٭ امام حاکم فرماتے ہیں: مجھے اس بارے میں کوئی شک نہیں ہے کہ سیدنا ابوہریرہ رضی اللہ عنہ نے یہ حدیث اپنے سے پہلے اسلام لانے والے کسی ایسے صحابی سے سنی ہو گی جو سیدہ رقیہ رضی اللہ عنہا کی خدمت میں حاضر ہوا ہو گا۔ لیکن میں نے اس کو بہت ڈھونڈا اور ابھی تک وہ حدیث نہیں مل سکی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7028]