محمد بن عمر نے ان کا نسب یوں بیان کیا ہے ” صفیہ بنت عبدالمطلب بن ہاشم “ ان کی والدہ ” ہالہ بنت وہیب بن عبد مناف بن زہرہ بن کلاب “ ہیں۔ آپ سیدنا حمزہ بن عبدالمطلب رضی اللہ عنہ کی اخیافی (ماں شریک) بہن ہیں۔ زمانہ جاہلیت میں انہوں نے حارث بن حرب بن امیہ بن عبدشمس “ سے نکاح کیا تھا، ان کے ہاں ” صفی “ (بیٹا) پیدا ہوا، اس کے بعد عوام بن خویلد بن اسید سے ان کا نکاح ہوا، یہاں زبیر، سائب اور عبدالکعبہ (تین بچے) پیدا ہوئے، سیدہ صفیہ رضی اللہ عنہا اسلام لائیں، اور رسول اللہ صلی اللہ علیہ وسلم کی بیعت کی، اور مدینہ منورہ کی طرف ہجرت کی، اس کے بعد سیدنا عمر بن خطاب رضی اللہ عنہ کی خلافت تک زندہ رہیں، رسول اللہ صلی اللہ علیہ وسلم سے احادیث بھی روایت کی ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7038]