عبداللہ بن حارث کہتے ہیں: سیدنا عبداللہ بن عباس رضی اللہ عنہما چاشت نہ پڑھتے، یہاں تک کہ ہم ان کو سیدہ ام ہانی کے پاس لے جاتے۔ میں نے سیدہ ام ہانی رضی اللہ عنہا سے کہا: ابن عباس رضی اللہ عنہما کو بھی وہ بتاؤ جو آپ ہمیں بتایا کرتی ہو، سیدہ ام ہانی رضی اللہ عنہا نے کہا: رسول اللہ صلی اللہ علیہ وسلم میرے گھر میں داخل ہوئے اور چاشت کی 8 رکعتیں پڑھیں۔ سیدنا عبداللہ بن عباس رضی اللہ عنہما وہاں سے نکلے تو یہ فرما رہے تھے ” میں نے پورا قرآن پڑھا ہے میں تو اشراق کی نماز صرف ایک ساعت سمجھتا ہوں، قرآن کریم میں ہے۔ {يُسَبِّحْنَ بِالْعَشِيِّ وَالْإِشْرَاقِ} [ص: 18] ” تسبیح کرتے شام کو اور سورج چمکتے “ پھر سیدنا عبداللہ بن عباس رضی اللہ عنہما نے فرمایا: (اس سے مراد) ” نماز اشراق ہی ہے “۔ سیدہ ام ہانی رضی اللہ عنہا کے حوالے سے سیدنا عبداللہ بن عباس رضی اللہ عنہما کی ایک اور حدیث بھی مروی ہے۔ (وہ حدیث درج ذیل ہے) [المستدرك على الصحيحين/كتاب معرفة الصحابة رضي الله تعالى عنهم/حدیث: 7047]