سیدنا عبداللہ بن عباس رضی اللہ عنہما سیدہ ام ہانی بنت ابی طالب رضی اللہ عنہا کا یہ بیان نقل کرتے ہیں۔ (وہ فرماتی ہیں) رسول اللہ صلی اللہ علیہ وسلم نے مجھے فریایا: تمہارے پاس کوئی کھانے کی چیز ہے، (نبی اکرم صلی اللہ علیہ وسلم کو اس وقت بھوک لگی ہوئی تھی) میں نے کہا: میرے پاس خشک گوشت ہے، اور یہ آپ کو پیش کرتے ہوئے مجھے تو شرم آتی ہے، حضور صلی اللہ علیہ وسلم نے فرمایا: لے آؤ، میں نے اس کو توڑا، اس پر نمک چھڑکا، حضور صلی اللہ علیہ وسلم نے پوچھا: کوئی سالن وغیرہ نہیں ہے؟ انہوں نے کہا: یا رسول اللہ صلی اللہ علیہ وسلم میرے پاس اس وقت سرکہ کے سوا کوئی چیز نہیں ہے، حضور صلی اللہ علیہ وسلم نے فرمایا: وہی لے آؤ، میں نے سرکہ آپ صلی اللہ علیہ وسلم کو پیش کر دیا، حضور صلی اللہ علیہ وسلم نے وہ سرکہ کھانے پر انڈیلا، اس کو کھایا اور اللہ کا شکر ادا کیا، پھر فرمایا: اے ام ہانی، سرکہ بہت اچھا سالن ہوتا ہے، وہ گھر کبھی برباد نہیں ہوتا جس گھر میں سرکہ موجود ہو۔ سیدہ ام ہانی رضی اللہ عنہا سے سیدنا عبداللہ بن عمر بن خطاب رضی اللہ عنہما نے بھی روایت کی ہے۔ (جیسا کہ درج ذیل ہے) [المستدرك على الصحيحين/كتاب معرفة الصحابة رضي الله تعالى عنهم/حدیث: 7049]