سیدنا شفاء بنت عبداللہ فرماتی ہیں: میں ایک دن نبی اکرم صلی اللہ علیہ وسلم کی بارگاہ میں حاضر ہوئی، میں نے حضور صلی اللہ علیہ وسلم سے مسئلہ دریافت کیا، اور آپ کی بارگاہ میں (اپنی بیماری کی) شکایت پیش کی، آپ صلی اللہ علیہ وسلم میرے لئے عذر بتاتے رہے اور میں مسلسل شکایت کرتی رہی، آپ فرماتی ہیں: پھر نماز کا وقت ہو گیا، میں اپنی بیٹی کے گھر چلی گئی، وہ اس وقت شرحبیل بن حسنہ رضی اللہ عنہ کے نکاح میں تھی، اس وقت ان کے شوہر گھر میں تھے، میں اس کو ملامت کرنے لگ گئی کہ نماز کا وقت ہو گیا اور تم ابھی گھر میں ہو، اس نے کہا: پھوپھی جان مجھے ملامت مت کیجئے، کیونکہ میرے پاس صرف دو ہی کپڑے ہیں، ان میں سے بھی ایک کپڑا رسول اللہ صلی اللہ علیہ وسلم نے مجھ سے ادھار لے لیا ہے، میں نے کہا: میرے ماں باپ قربان ہو جائیں، میں بلاوجہ ان کو شکایت کرتی رہی، حالانکہ حقیقت یہ ہے کہ ان کے پاس کپڑے ہی نہیں تھے (تو وہ جماعت کے لئے کیسے جاتے) سیدنا شرحبیل بن حسنہ نے کہا: ان میں سے ایک گھر میں پہننے کی بڑی چادر تھی (جو پھٹی ہوئی تھی اس وجہ سے ہم نے) اسے پیوند لگائے ہوئے تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7066]