سیدنا امیمہ بنت رقیقہ رضی اللہ عنہا بیان کرتی ہیں کہ میں نے مسلمان خواتین کے ہمراہ رسول اللہ صلی اللہ علیہ وسلم کی بیعت کی، ہم نے حضور صلی اللہ علیہ وسلم سے عرض کی: یا رسول اللہ صلی اللہ علیہ وسلم ہم آپ کی خدمت اس چیز کی بیعت کرنے کے لئے حاضر ہوئی ہیں کہ ہم اللہ تعالیٰ کے ساتھ کسی چیز کو شریک نہیں ٹھہرائیں گی، چوری نہیں کریں گی، زنا نہیں کروائیں گی، اپنی اولادوں کو قتل نہیں کریں گی، کسی پاک باز پر بہتان نہیں لگائیں گی، نیکی کے کام میں آپ کی نافرمانی نہیں کریں گی، رسول اللہ صلی اللہ علیہ وسلم نے فرمایا: اپنی (یوں کہو کہ ہم اپنی) استطاعت کے مطابق (ان تمام گناہوں سے بچتی رہیں گی)، ہم نے کہا: اللہ اور اس کا رسول ہم پر ہم سے بھی زیادہ رحیم ہیں۔ ہم نے عرض کی: یا رسول اللہ صلی اللہ علیہ وسلم ، آپ ہماری بیعت لے لیجئے، آپ صلی اللہ علیہ وسلم نے فرمایا: ٹھیک ہے اب تم جاؤ، تمہاری بیعت ہو چکی ہے، میرا کسی ایک خاتون کو بات سمجھا دینا ایسا ہی ہے کہ میں نے سو عورتوں کو سمجھا دیا۔ رسول اللہ صلی اللہ علیہ وسلم نے ہم میں سے کسی کے ساتھ بھی ہاتھ نہیں ملایا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7123]