سیدنا ابوہریرہ رضی اللہ عنہ فرماتے ہیں: میں نے عرض کی: یا رسول اللہ صلی اللہ علیہ وسلم مجھے کوئی ایسا عمل بتا دیجئے کہ اگر میں اس پر پابندی سے عمل کر لوں تو جنت میں چلا جاؤں، حضور صلی اللہ علیہ وسلم نے فرمایا: سلام کو عام کر، کھانا کھلا، صلہ رحمی کر، رات کو عبادت کر جس وقت لوگ سو رہے ہوتے ہیں، تو سلامتی کے ساتھ جنت میں جائے گا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الأطعمة/حدیث: 7351]