حبیب بن شہید نے سیدنا انس بن سیرین کے واسطے سے سیدنا انس بن مالک رضی اللہ عنہ سے روایت کیا ہے کہ رسول اللہ صلی اللہ علیہ وسلم کی بارگاہ میں عرق النساء کا تذکرہ ہوا، آپ صلی اللہ علیہ وسلم نے فرمایا: عربی مینڈھے کی چکتی لو، جو نہ بہت زیادہ بڑی ہو، اور نہ زیادہ چھوٹی ہو، اس کو پگھلا لو، اور تین دن تک مریض کو پلاؤ۔ سیدنا انس بن مالک رضی اللہ عنہ فرماتے ہیں: میں نے یہ نسخہ 300 سے زائد مریضوں کو بتایا، اللہ کے حکم سے سب ٹھیک ہو گئے۔ ٭٭ یہ تمام اسانید امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے۔ حماد بن سلمہ نے انس بن سیرین کے حوالے سے یہ حدیث معضلاً بیان کی ہے۔ یوں بیان کیا ” عن اخیہ معبد عن رجل من الانصار عن ابیہ “ اس سلسلے میں ہمارے نزدیک معتمر بن سلیمان اور ولید بن مسلم کا قول معتبر ہے۔ [المستدرك على الصحيحين/كتاب الطب/حدیث: 7649]