سیدنا ابی بن کعب رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: میری امت کو بارشوں سے سیرابی، دین کی سربلندی اور زمین میں حکومت کی خوشخبری دو، جب تک کہ وہ آخرت کے عمل کے بدلے دنیا طلب نہیں کریں گے، جس نے آخرت والے کسی عمل کے بدلے دنیا طلب کی، اس کو آخرت میں کوئی حصہ نہیں ملے گا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الرقاق/حدیث: 8093]