ابوالبداح بن عاصم انصاری رضی اللہ عنہ اپنے والد کا یہ بیان نقل کرتے ہیں کہ ہم نے رسول اللہ صلی اللہ علیہ وسلم سے پوچھا: دو واقعے کب رونما ہوں گے؟ آپ صلی اللہ علیہ وسلم نے فرمایا: حبس سیل کہاں ہے؟ ہم نے کہا: ہم نہیں جانتے، اسی اثناء میں بنی سلیم کا ایک آدمی وہاں سے گزرا، میں نے اس سے پوچھا: تم کہاں سے آئے ہو؟ اس نے کہا: حبس سیل سے۔ میں نے اپنے جوتے منگوائے، اور (ان کو پہن کر) جلدی جلدی رسول اللہ صلی اللہ علیہ وسلم کی بارگاہ میں حاضر ہوا، میں نے عرض کی: یا رسول اللہ صلی اللہ علیہ وسلم آپ نے ہم سے ” حبس سیل “ کے بارے میں پوچھا تھا، ہمیں اس وقت اس کے بارے میں کچھ علم نہ تھا، ایک آدمی میرے پاس سے گزرا، میں نے اس سے پوچھ لیا ہے، شاید اس کے گھر والے وہیں رہتے ہیں، رسول اللہ صلی اللہ علیہ وسلم نے اس سے پوچھا: تیرے گھر والے کہاں رہتے ہیں؟ اس نے کہا: حبس سیل میں۔ آپ صلی اللہ علیہ وسلم نے فرمایا: اپنے گھر والوں کو وہاں سے (کسی اور جگہ) منتقل کر دے، کیونکہ ہو سکتا ہے کہ وہاں سے آگ نمودار ہو اور وہ آگ بصریٰ میں اونٹوں کی گردنوں کو روشن کر دے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ سیدنا ابوہریرہ رضی اللہ عنہ سے مروی حدیث [المستدرك على الصحيحين/كتاب الفتن والملاحم/حدیث: 8573]