محمد بن واسع سے روایت ہے، انہوں نے کہا کہ میں بلال بن ابوبردہ کے پاس گیا اور ان سے کہا: ”اے بلال! بے شک تمہارے والد نے تمہارے دادا کے واسطے سے مجھے رسول اللہ صلی اللہ علیہ وسلم کی یہ حدیث بیان کی ہے کہ آپ صلی اللہ علیہ وسلم نے فرمایا: ”بے شک جہنم میں ایک وادی ہے۔ اس وادی میں ایک کنواں ہے جسے ہبہب کہا جاتا ہے، اللہ تعالیٰ کے ذمے یہ حق ہے کہ وہ ہر جابر شخص کو اس میں ٹھہرائے گا۔“ تو اے بلال! اس بات سے بچنا کہ تم بھی ان میں سے ہو جاؤ۔“
یہ حدیث روایت کرنے میں ازہر بن سنان نے محمد بن واسع سے تفرد اختیار کیا ہے، ہم نے اسے صرف اسی سند سے عالی (کم واسطوں سے) لکھا ہے۔ [المستدرك على الصحيحين/كتاب : الأهوال/حدیث: 8980]