الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔
المعجم الكبير للطبراني سے متعلقہ
تمام کتب
ترقیم شاملہ
عربی
اردو
236. يزيد بن الأصم، عن ابن عباس
یزید بن اصم کی سیدنا ابن عباس رضی اللہ عنہما سے روایات
حدیث نمبر: 12952
حَدَّثَنَا مُحَمَّدُ بْنُ النَّضِرِ الْأَزْدِيُّ، ثَنَا مُعَاوِيَةُ بْنُ عَمْرٍو، ثَنَا زَائِدَةُ، ثَنَا سُلَيْمَانُ الشَّيْبَانِيُّ، عَنْ يَزِيدَ بْنِ الْأَصَمِّ، قَالَ: دَعَانَا رَجُلٌ وَأَتَانَا بِثَلَاثَةَ عَشَرَ ضَبًّا فَلَمَّا أَصْبَحْتُ أَتَيْتُ ابْنَ عَبَّاسٍ فَذَكَرْتُ ذَلِكَ لَهُ فَأَكْثَرَ جُلَسَاؤُهُ فِي ذَلِكَ الْقَوْلَ حَتَّى قَالَ بَعْضُهُمْ: إِنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: " لَا أُحِلُّهُ وَلَا أُحَرِّمُهُ "، فَقَالَ ابْنُ عَبَّاسٍ: بِئْسَمَا قُلْتُمْ إِنَّ رَسُولَ اللهِ صَلَّى اللهُ عَلَيْهِ وَسَلَّمَ إِنَّمَا بُعِثَ مُحِلًّا وَمُحَرِّمًا، إِنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ عِنْدَ مَيْمُونَةَ وَمَعَهُ الْفَضْلُ بْنُ الْعَبَّاسِ، وَخَالِدُ بْنُ الْوَلِيدِ، وَامْرَأَةٌ، وَمَيْمُونَةُ، فَأُتِيَ بِخِوَانٍ عَلَيْهِ خُبْزٌ وَلَحْمُ ضَبٍّ فَأَمْسَكَ يَدَهُ وَقَالَ: هَذَا لَحْمٌ لَمْ آكُلْهُ، وَلَكِنْ كُلُوا فَأَكَلَ خَالِدُ بْنُ الْوَلِيدِ، وَالْفَضْلُ بْنُ الْعَبَّاسِ وَالْمَرْأَةُ، فَقَالَتْ مَيْمُونَةُ: لَا آكُلُ طَعَامًا لَمْ يَأْكُلْ مِنْهُ النَّبِيُّ صَلَّى اللهُ عَلَيْهِ وَسَلَّمَ، فَلَمْ تَأْكُلْ مَيْمُونَةُ.
یزید بن اصم رحمہ اللہ کہتے ہیں: ایک شخص نے ہمیں دعوت دی اور ہمارے پاس تیرہ سانڈے لے کر آیا۔ جب صبح ہوئی تو میں سیدنا ابن عباس رضی اللہ عنہما کے پاس گیا اور انہیں یہ بات بتائی، تو ان کے پاس بیٹھے لوگوں نے اس بارے میں بہت گفتگو کی یہاں تک کہ ان میں سے کسی نے کہا: رسول اللہ صلی اللہ علیہ وسلم نے فرمایا تھا: ”میں نہ اسے حلال کہتا ہوں اور نہ حرام۔“ اس پر ابن عباس رضی اللہ عنہما نے فرمایا: تم نے بری بات کہی، رسول اللہ صلی اللہ علیہ وسلم تو حلال و حرام بتانے کے لیے ہی مبعوث کیے گئے تھے۔ بیشک رسول اللہ صلی اللہ علیہ وسلم سیدہ میمونہ رضی اللہ عنہا کے ہاں تھے اور آپ صلی اللہ علیہ وسلم کے ساتھ فضل بن عباس رضی اللہ عنہما، خالد بن ولید رضی اللہ عنہ، ایک عورت اور میمونہ رضی اللہ عنہا بھی موجود تھیں، تو ایک دستر خوان لایا گیا جس پر روٹی اور سانڈے کا گوشت تھا، آپ صلی اللہ علیہ وسلم نے اپنا ہاتھ روک لیا اور فرمایا: ”یہ ایسا گوشت ہے جو میں نہیں کھاتا، لیکن تم کھاؤ۔“ چنانچہ خالد بن ولید، فضل بن عباس اور اس عورت نے کھایا، جبکہ میمونہ رضی اللہ عنہا نے کہا: میں وہ کھانا نہیں کھاؤں گی جو نبی کریم صلی اللہ علیہ وسلم نے نہیں کھایا، تو سیدہ میمونہ رضی اللہ عنہا نے نہیں کھایا۔ [المعجم الكبير للطبراني/باب العين/حدیث: 12952]
تخریج الحدیث: «المعجم الكبير للطبراني (مطبوعہ): جلد 12، صفحہ 245، حدیث 13008»
Al-Mu'jam al-Kabir (Tabarani) Hadith 12952 in Urdu