حضرت طارق بن شہاب رضی اللہ عنہ سے روایت ہے کہ ایک آدمی جنبی ہو گیا (اسے پانی نہ ملا) تو اس نے نماز نہ پڑھی، پھر وہ نبی صلی اللہ علیہ وسلم کے پاس آیا اور آپ صلی اللہ علیہ وسلم سے اس بات کا ذکر کیا تو آپ صلی اللہ علیہ وسلم نے فرمایا: ”تو نے ٹھیک کیا۔“ ایک اور آدمی جنبی ہوا (اسے پانی نہ ملا) تو اس نے تیمم کر کے نماز پڑھ لی اور نبی صلی اللہ علیہ وسلم کے پاس آیا، آپ صلی اللہ علیہ وسلم نے اسے بھی وہی الفاظ کہے جو دوسرے سے کہے تھے، یعنی ”تو نے ٹھیک کیا۔“ [سنن نسائي/كتاب الغسل والتيمم/حدیث: 435]