حضرت سفیان رحمہ اللہ سے مروی ہے کہ ایک مخزومی عورت لوگوں سے سامان مانگ کر لے جاتی، پھر (واپس کرنے سے) مکر جایا کرتی تھی۔ اسے رسول اللہ صلی اللہ علیہ وسلم کی عدالت میں پیش کیا گیا، نیز اس کے بارے میں (معافی کی) سفارش بھی کی گئی۔ آپ صلی اللہ علیہ وسلم نے فرمایا: ”اگر (میری بیٹی) فاطمہ ہوتی تو میں اس کا بھی ہاتھ کاٹ دیتا۔“ سفیان رحمہ اللہ سے پوچھا گیا: (یہ روایت) کس نے بیان کی ہے؟ انہوں نے کہا: ایوب بن موسیٰ نے زہری رحمہ اللہ سے، انہوں نے عروہ رحمہ اللہ سے اور انہوں نے سیدتنا عائشہ رضی اللہ عنہا سے، «إِنْ شَاءَ اللَّهُ عَزَّ وَجَلَّ» ”اگر اللہ عزوجل نے چاہا۔“ [سنن نسائي/كتاب قطع السارق/حدیث: 4898]