تخریج الحدیث:
[وأخرجه ابوداود 3519، من حديث مالك به ورواه البخاري 2402، ومسلم 1559، من حديث يحييٰ بن سعيد الانصاري به]

تفقه:
➊ حدیث کا مفہوم واضح ہے کہ اگر کسی شخص کا مال ایسے شخص کے پاس ہو جو دیوالیہ ہو چکا ہے تو مال کا اصل مالک اپنا مال واپس لے سکتا ہے۔
➋ اپنا حق وصول کرنا ہر مسلمان کا بنیادی حق ہے۔
➌ سعید بن المسیب رحمہ اللہ سے روایت ہے کہ ام حبیبہ (رضی اللہ عنہا) کا ایک غلام دیوالیہ ہو گیا تو (سیدنا) عثمان رضی اللہ عنہ کے پاس اس کا مقدمہ لایا گیا، عثمان (رضی اللہ عنہ) نے فیصلہ کیا کہ جس نے (اس کے) دیوالیہ ہونے سے پہلے اپنا حق لے لیا ہے تو وہ اسی کا ہے اور جو شخص اپنا سامان پہچان لے تو وہ اسی کا ہے۔ [السنن الكبريٰ للبيهقي 6 / 46 وسنده صحيح، صحيح البخاري قبل ح2402]