´کثرت سے سجدہ کرنے کا بیان۔`
ابوفاطمہ رضی اللہ عنہا کہتے ہیں کہ میں نے عرض کیا: اللہ کے رسول! مجھے ایسا عمل بتائیے جس پر میں جما رہوں اور اس کو کرتا رہوں؟ آپ صلی اللہ علیہ وسلم نے فرمایا: ”تم اپنے اوپر سجدے کو لازم کر لو، اس لیے کہ جب بھی تم کوئی سجدہ کرو گے تو اللہ تعالیٰ اس کی وجہ سے تمہارا ایک درجہ بلند کرے گا، اور ایک گناہ مٹا دے گا۔‏‏‏‏“ [سنن ابن ماجه/كتاب إقامة الصلاة والسنة/حدیث: 1422]

اردو حاشہ:
فوائد و مسائل:
(1)
  نماز کے تمام اعمال ہی اللہ کے قرب کا باعث ہیں۔
لیکن سجدے کو ایک خاص اہمیت حاصل ہے۔
کیونکہ یہ اللہ کے سامنے عاجزی کا سب سے بڑا مظہر ہے۔
اور یہ عجز ہی عبادت کی روح ہے۔

(2)
طویل قیام کی فضیلت تلاوت قرآن کی وجہ سے ہے۔
اورسجدے کی فضیلت عجزو نیاز کی وجہ سے اس لئے طویل سجدہ بھی ایک عظیم عمل ہے۔
جیسے کہ احادیث میں ر سول اللہﷺ کے طویل سجدوں کا بھی ذکر ہے۔
دیکھئے: (سنن نسائي، التطبیق، باب ھل یجوز أن تکون سجدۃ أطول من سجدۃ، حدیث: 1142)

(3)
سجدے سے درجات بھی بلند ہوتے ہیں۔
اور گناہ بھی معاف ہوتے ہیں۔