الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔

 
بلوغ المرام کل احادیث 1359 :حدیث نمبر
بلوغ المرام
نماز کے احکام
नमाज़ के नियम
2. باب الأذان
2. اذان کا بیان
२. “ अज़ान के बारे में ”
حدیث نمبر: 144
پی ڈی ایف بنائیں مکررات اعراب Hindi
عن عبد الله بن زيد بن عبد ربه قال: طاف بي وانا نائم رجل فقال: تقول: الله اكبر الله اكبر فذكر الاذان بتربيع التكبير بغير ترجيع والإقامة فرادى إلا قد قامت الصلاة قال: فلما اصبحت اتيت رسول الله صلى الله عليه وآله وسلم فقال:«‏‏‏‏إنها لرؤيا حق» الحديث. اخرجه احمد وابو داود. وصححه الترمذي وابن خزيمة.وزاد احمد في آخره،‏‏‏‏ قصة قول بلال في اذان الفجر: الصلاة خير من النوم. ولابن خزيمة عن انس رضي الله عنه قال: من السنة إذا قال المؤذن في الفجر: حي على الفلاح قال: الصلاة خير من النوم.عن عبد الله بن زيد بن عبد ربه قال: طاف بي وأنا نائم رجل فقال: تقول: الله أكبر الله أكبر فذكر الأذان بتربيع التكبير بغير ترجيع والإقامة فرادى إلا قد قامت الصلاة قال: فلما أصبحت أتيت رسول الله صلى الله عليه وآله وسلم فقال:«‏‏‏‏إنها لرؤيا حق» الحديث. أخرجه أحمد وأبو داود. وصححه الترمذي وابن خزيمة.وزاد أحمد في آخره،‏‏‏‏ قصة قول بلال في أذان الفجر: الصلاة خير من النوم. ولابن خزيمة عن أنس رضي الله عنه قال: من السنة إذا قال المؤذن في الفجر: حي على الفلاح قال: الصلاة خير من النوم.
سیدنا عبداللہ بن زید بن عبدربہ رضی اللہ عنہ نے فرمایا کہ خواب میں مجھے ایک آدمی ملا جس نے مجھے کہا کہ کہو «الله أكبر الله أكبر» پھر اس نے ساری اذان کہی، چار مرتبہ «الله أكبر» کہا۔ بغیر ترجیع کے اور اقامت میں صرف ایک ایک مرتبہ کہا، مگر «قد قامت الصلاة» کو دو مرتبہ کہا۔ صبح جب میں بیدار ہوا تو میں رسول اللہ صلی اللہ علیہ وسلم کی خدمت میں حاضر ہوا (اور اپنا خواب آپ صلی اللہ علیہ وسلم کو سنایا) آپ صلی اللہ علیہ وسلم نے فرمایا یقیناً یہ خواب سچا ہے۔
اس حدیث کو احمد اور ابوداؤد نے روایت کیا ہے۔ ترمذی اور ابن خزیمہ نے صحیح قرار دیا ہے۔ احمد نے اس روایت کے آخر میں سیدنا بلال رضی اللہ عنہ کی فجر کی اذان میں «الصلاة خير من النوم» کا قصہ بھی مزید بیان کیا ہے اور ابن خزیمہ میں سیدنا انس رضی اللہ عنہ سے ہے کہ انہوں نے فرمایا سنت ہے کہ جب مؤذن صبح کی اذان میں «حي على الفلاح» کہے تو وہ کہے «الصلاة خير من النوم» ۔
हज़रत अब्दुल्लाह बिन ज़ैद बिन अब्दरबा रज़ि अल्लाहु अन्ह ने कहा कि सपने में मुझे एक व्यक्ति मिला जिस ने मुझ से कहा कि कहो अल्लाहु अकबर, अल्लाहु अकबर « الله أكبر الله أكبر » फिर उस ने सारी अज़ान कही, चार मर्तबा अल्लाहु अकबर « الله أكبر » कहा। बिना दोहराए और इक़ामत में केवल एक एक मर्तबा कहा, मगर “क़द क़ामतिस सलाह” « قد قامت الصلاة » को दो मर्तबा कहा। सुबह जब मैं जागा तो में रसूल अल्लाह सल्लल्लाहु अलैहि वसल्लम के पास गया (और अपना सपना आप सल्लल्लाहु अलैहि वसल्लम को सुनाया) आप सल्लल्लाहु अलैहि वसल्लम ने फ़रमाया ! “बेशक ये सपना सच्चा है।”
इस हदीस को अहमद और अबू दाऊद ने रिवायत किया है। त्रिमीज़ी और इब्न ख़ुज़ैमा ने सहीह ठहराया है। अहमद ने इस रिवायत के अंत में हज़रत बिलाल रज़ि अल्लाहु अन्ह की फ़जर की अज़ान में “अस्सलातु ख़ेरुम मीनन नौम” « الصلاة خير من النوم » का क़िस्सा भी बयान किया है और इब्न ख़ुज़ैमा में हज़रत अनस रज़ि अल्लाहु अन्ह से है कि उन्हों ने कहा सुन्नत है कि जब मुअज़्ज़न सुबह की अज़ान में “हई अलल-फ़लाह” « حي على الفلاح » कहे तो वह कहे “अस्सलातु ख़ेरुम मीनन नौम” « الصلاة خير من النوم »

تخریج الحدیث: «أخرجه أبوداود، الصلاة، باب كيف الأذان، حديث:499، وأحمد:4 /43، والترمذيٰ، الصلاة، حديث:189، وابن خزيمة: 1 /198، بالأسانيد، وحديث بلال أخرجه أحمد:4 /43 وهو حديث حسن، ابن إسحاق والزهري عنعنا، وللحديث شواهد صحيحة، وحديث أنس أخرجه ابن خزيمة:1 /202، حديث:386.»

Narrated 'Abdullah bin Zaid bin Abd-Rabbihi (RA): A man appeared to me while I was asleep and told me to say, "Allahu Akbar, Allahu Akbar (Allah is the Most Great, Allah is the Most Great)" and he mentioned the Adhan with Allahu Akbar four times without Tarji', and the Iqama once except Qad qamat-is-Salah (the prayer stood ready to begin), (he repeated it twice). He ('Abdullah) said when it was morning I went to Allah's Messenger (ﷺ) and he said, "It is a true vision..." [Reported by Ahmad and Abu Dawud; at-Tirmidni and Ibn Khuzaimah graded it Sahih (authentic)]. Ahmad added to the end of the above Hadith, the story of BIlal's statement in the Fajr Adhan (morning prayer call): as-Salatu khairun minan-nawm - "Prayer is better than sleep".
USC-MSA web (English) Reference: 0


حكم دارالسلام: حسن

   سنن أبي داود499عبد الله بن زيدالله أكبر الله أكبر الله أكبر الله أكبر أشهد أن لا إله إلا الله أشهد أن لا إله إلا الله أشهد أن محمدا رسول الله أشهد أن محمدا رسول الله حي على الصلاة حي على الصلاة حي على الفلاح حي على الفلاح الله أكبر الله أكبر لا إله إلا الله قال ثم استأخر عني غير بعي
   بلوغ المرام144عبد الله بن زيدالله اكبر الله اكبر فذكر الاذان بتربيع التكبير بغير ترجيع والإقامة فرادى إلا قد قامت الصلاة

تخریج الحدیث کے تحت حدیث کے فوائد و مسائل
  حافظ نديم ظهير حفظ الله، فوائد و مسائل، تحت الحديث سنن ابي داود 499  
´فرشتے کا خواب میں آ کر تعلیم دینا `
«. . . لَمَّا أَمَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِالنَّاقُوسِ يُعْمَلُ لِيُضْرَبَ بِهِ لِلنَّاسِ لِجَمْعِ الصَّلَاةِ، طَافَ بِي وَأَنَا نَائِمٌ رَجُلٌ يَحْمِلُ نَاقُوسًا فِي يَدِهِ، فَقُلْتُ: يَا عَبْدَ اللَّهِ، أَتَبِيعُ النَّاقُوسَ؟ قَالَ: وَمَا تَصْنَعُ بِهِ؟ . . .»
۔۔۔ جب رسول اللہ صلی اللہ علیہ وسلم نے ناقوس کی تیاری کا حکم دینے کا ارادہ کیا تاکہ لوگوں کو نماز کی خاطر جمع ہونے کے لیے اسے بجایا جا سکے تو ایک رات میں نے خواب دیکھا کہ ایک شخص ۱؎ کے ہاتھ میں ناقوس ہے، میں نے اس سے پوچھا: اللہ کے بندے! کیا اسے فروخت کرو گے؟ اس نے کہا: تم اسے کیا کرو گے؟ میں نے کہا: ہم اس کے ذریعے لوگوں کو نماز کے لیے بلائیں گے، اس شخص نے کہا: کیا میں تمہیں اس سے بہتر چیز نہ بتا دوں؟۔۔۔ [سنن ابي داود/كِتَاب الصَّلَاةِ: 499]

فوائد:
حدیث جبریل [مسلم: 8] نماز کے بعد ذکر کے سلسلے میں حدیث زيد بن ثابت [سنن نسائي: 1351] اور مذکورہ حدیث سے معلوم ہوتا ہے کہ تعلیم کی غرض سے فرشتے انسانی شکل میں آیا کرتے تھے اور بعد میں نبی صلی اللہ علیہ وسلم (بذریعہ وحی) اس کی تصدیق فرما دیتے تھے۔ لیکن واضح رہے کہ شریعت میں غیر نبی کے خواب قطعاً حجت نہیں ہیں، اِلاَّ یہ کہ دور نبوی میں جن خوابوں کی نبی کریم صلی اللہ علیہ وسلم نے خود تصدیق فرمائی ہو، علاوہ ازیں کسی خواب سے کوئی شرعی مسئلہ اخذ نہیں کیا جا سکتا جبکہ بعض الناس کے مسالک و مذاہب کی بنیاد ہی خوابوں پر ہے جو صریحاً باطل ہے۔
   ماہنامہ الحدیث حضرو ، شمارہ 24، حدیث\صفحہ نمبر: 6   
  علامه صفي الرحمن مبارك پوري رحمه الله، فوائد و مسائل، تحت الحديث بلوغ المرام 144  
´اذان کا بیان`
«. . . عن عبد الله بن زيد بن عبد ربه قال: طاف بي وأنا نائم رجل فقال: تقول: الله أكبر الله أكبر فذكر الأذان بتربيع التكبير بغير ترجيع والإقامة فرادى إلا قد قامت الصلاة . . .»
. . . سیدنا عبداللہ بن زید بن عبدربہ رضی اللہ عنہ نے فرمایا کہ خواب میں مجھے ایک آدمی ملا جس نے مجھے کہا کہ کہو «الله أكبر الله أكبر» پھر اس نے ساری اذان کہی، چار مرتبہ «الله أكبر» کہا۔ بغیر ترجیع کے اور اقامت میں صرف ایک ایک مرتبہ کہا، مگر «قد قامت الصلاة» کو دو مرتبہ کہا . . . [بلوغ المرام/كتاب الطهارة: 144]

لغوی تشریح:
«بِتَرْبِيع التَّكْبِيرِ» اللہ اکبر چار مرتبہ کہنا۔
«بِغَيْرِ تَرْجِيعٍ» ترجیع کے معنی ہیں کہ اذان میں شہادتین کو پہلے دو مرتبہ پست (آہستہ) آواز سے ادا کرنا، پھر دوبارہ دو مرتبہ بآواز بلند ادا کرنا۔
«وَالْإِقَامَةَ» اس سے مراد کلمات اقامت ہیں۔
«فُرَاديٰ» اقامت میں ہر کلمہ صرف ایک ایک مرتبہ ادا کرنا، البتہ «قَدْ قَامَتِ الصَّلَاةُ» دو مرتبہ ادا کرنا۔
«لرُؤْيَا حقّ» لام اس میں برائے تاکید ہے اور «رُؤيَا»، حقّ کی طرف مضاف ہے، «رؤيا» سے مراد خواب ہے۔ خواب سے مراد وہ چیز ہے جسے آدمی نیند کی حالت میں دیکھتا ہے۔
«اَلْحَدِيث» اس کی تین اعرابی حالتیں ممکن ہیں: ایک یہ کہ اسے مرفوع پڑھا جائے، تو اس صورت میں یہ مبتدا ہو گا اور اس کی خبر «بِتَمَامِهِ» محذوف ہو گی۔ یا پھر دوسری صورت میں اسے منصوب پڑھا جائے، تو اس صورت میں عبارت «اِقْرَأَ الْحَدِيثَ وَتَمِّمْهُ» ہو گی اور تیسری صورت میں اسے مجرور بھی پڑھا جا سکتا ہے، اس صورت میں عبارت «إِليٰ آخِرِ الْحَدِيثِ» ہو گی۔
«زَادَ أَحْمَدُ فِي آخِرِهٖ» حدیث کے ظاہر الفاظ سے یہ وہم پیدا ہوتا ہے کہ امام أحمد نے سیدنا عبداللہ بن زید رضی اللہ عنہ کی مذکورہ بالا حدیث میں ان الفاظ کا اضافہ نقل کیا ہے، حالانکہ یہ اضافہ سیدنا بلال رضی اللہ عنہ کی حدیث میں ہے، نہ کہ عبداللہ بن زید رضی اللہ عنہ کی حدیث میں، اس لیے مراد یہ ہے کہ امام احمد رحمہ اللہ نے اذان کے بارے میں سیدنا بلال رضی اللہ عنہ کی حدیث بیان کرتے ہوئے صبح کی اذان میں «اَلصَّلَاةُ خَيْرٌ مِّنَ النَّوْم» کا اضافہ نقل کیا ہے۔

فوائد و مسائل:
➊ اس حدیث کا پس منظر یہ ہے کہ مدینہ طیبہ میں ہجرت کے پہلے سال آپ صلی اللہ علیہ وسلم نے صحابہ کرام سے مشورہ کیا کہ نماز باجماعت کے لئے بلانے کا کیا طریقہ ہونا چاہیئے۔ بعض نے کہا: نماز کے لئے ناقوس (گھڑیال) بجایا جائے۔ بعض نے بلندی پر آگ روشن کرنے کا مشورہ دیا۔ بعض نے بوق (بگل) سے کام لینے کا مشورہ دیا لیکن یہ سب مشورے رد کر دیے گئے کیونکہ گھڑیال بجانا عیسائیوں کا، بگل بجانا یہودیوں کا اور آگ جلانا مجوسیوں کا شعار ہے۔ اسی دوران میں سیدنا عمر رضی اللہ عنہ نے مشورہ دیا کہ نمازوں کی طرف بلانے کے لیے اذان دی جائے، چنانچہ آپ صلی اللہ علیہ وسلم نے سیدنا بلال رضی اللہ عنہ کو بآواز بلند «اَلصَّلَاةُ جَامِعَةٌ» کہنے کا حکم دیا۔ اسی اثناء میں عبداللہ بن زید رضی اللہ عنہ جو مذکورہ بالا حدیث کے راوی ہیں، میں نے خواب میں دیکھا کہ ایک آدمی ناقوس اٹھائے ہوئے ہے۔ سیدنا عبداللہ بن زید رضی اللہ عنہ نے اس سے دریافت کیا: اللہ کے بندے! کیا تم ناقوس فروخت کرتے ہو؟ اس نے پوچھا: کہ تم اس سے کیا کرو گے؟ سیدنا سیدنا عبداللہ بن زید رضی اللہ عنہ نے کہا: ہم اس کے ذریعے سے (لوگوں کو) نماز باجماعت کے لئے بلائیں گے۔ اس شخص نے کہا: میں تمہیں اس سے بہتر طریقے سے نہ آگاہ کر دوں؟ سیدنا عبداللہ بن زید رضی اللہ عنہ نے کہا: ہاں، (ضرور بتائیں) تو اس نے (موجودہ) اذان اور اقامت کے الفاظ انہیں سکھائے۔ یہی خواب سیدنا عبداللہ رضی اللہ عنہ نے نبی اکرم صلی اللہ علیہ وسلم کے سامنے بیان کیا جسے آپ نے سچا اور صادق قرار دیا۔
➋ اذان میں ترجیع مسنون ہے یا نہیں؟ اس بارے میں ائمہ کی آراء مختلف ہیں: ایک رائے یہ ہے کہ ترجیع ثابت ہے۔ اہلحدیث حضرات کی رائے یہی ہے۔ اور ایک رائے یہ ہے کہ ترجیع جس صحابی سے ثابت کی جاتی ہے اس صحابی کو تعلیم دینا مقصود تھا، اس لیے کہ سیدنا ابومحذورہ رضی اللہ عنہ جنہیں آپ نے یہ تعلیم دی، نے پہلی مرتبہ اذان میں شہادتین «أَشْهَدُ أَنْ لاَ إِلَهَ إِلاَّ اللَّهُ» اور «أَشْهَدُ أَنْ مُحَمَّدًا رَسُولُ اللهِ» کو دھیمی اور پست آواز میں ادا کیا تھا، چنانچہ نبی اکرم صلی اللہ علیہ وسلم نے انہیں دوبارہ یہ کلمات کہنے کا حکم دیا۔ لیکن یہ تاویل درست نہیں۔ نبی اکرم صلی اللہ علیہ وسلم نے محض سکھلانے کے لیے شہادتین کے الفاظ دوبارہ نہیں کہلوائے بلکہ آپ نے انہیں اذان دینے کا طریقہ ہی یہی سکھلایا۔ یہی وجہ ہے کہ سیدنا ابومحذورہ رضی اللہ عنہ اور ان کے بعد بھی مکہ مکرمہ میں اذان ترجیع سے ہوتی رہی۔ اس لیے اس کا انکار محض مجادلہ ہے۔ درست بات یہ ہے کہ اذان ترجیع اور بغیر ترجیع دونوں طرح ثابت ہے۔ اور صحیحین کی روایات کی بنا پر راجح یہ ہے کہ ترجیع والی اذان کے ساتھ اقامت دوہری اور عام اذان کے ساتھ اقامت اکہری کہی جائے۔

راویٔ حدیث:
(سیدنا عبد اللہ بن زید بن عبد ربہ رضی اللہ عنہ) ابومحمد ان کی کنیت ہے۔ انصار کے قبیلہ خزرج سے تعلق کی وجہ سے انصاری خزرجی کہلائے۔ عقبہ اور غزوہ بدر میں شریک ہوئے، نیز ان کے علاوہ باقی غزوات میں بھی شریک رہے۔ ہجرت مدینہ کے پہلے سال انہوں نے خواب میں موجود اذان کی کیفیت دیکھی تھی۔ اور یہ واقعہ مسجد نبوی کی تعمیر کے بعد کا ہے۔ انہوں نے 32 ہجری میں 64 برس کی عمر میں وفات پائی۔
(سیدنا بلال بن رباح رضی اللہ عنہ) قبیلہ تیم کے آزاد کردہ غلام تھے۔ قدیم الاسلام ہیں۔ ان کو راہ حق میں بہت اذیتیں اور تکالیف دی گئیں۔ انہیں بھی غزوات بدر و احد اور احزاب وغیرہ سبھی میں شرکت کا شرف حاصل ہے۔ رسول اللہ صلی اللہ علیہ وسلم کے مؤذن تھے۔ آپ کی وفات کے بعد انہوں نے اذان کہنا بند کر دی تھی اور مدینہ طیبہ چھوڑ کر دمشق میں سکونت اختیار کر لی تھی۔ ایک دفعہ وہاں سے مدینے آئے اور لوگوں کے اصرار پر اذان شروع کی تو کہا جاتا ہے کہ وہ اسے پورا نہ کر سکے۔ اس قدر ان پر رقت طاری ہو گئی کہ روتے روتے ہچکی بندھ گئی۔ 17 یا 18 یا 20 ہجری میں ساٹھ سال سے اوپر عمر پاکر فوت ہوئے۔ ان کی کوئی اولاد نہیں تھی۔
   بلوغ المرام شرح از صفی الرحمن مبارکپوری، حدیث\صفحہ نمبر: 144   
  الشيخ عمر فاروق سعيدي حفظ الله، فوائد و مسائل، تحت الحديث سنن ابي داود 499  
´اذان کس طرح دی جائے؟`
عبداللہ بن زید رضی اللہ عنہ کہتے ہیں کہ جب رسول اللہ صلی اللہ علیہ وسلم نے ناقوس کی تیاری کا حکم دینے کا ارادہ کیا تاکہ لوگوں کو نماز کی خاطر جمع ہونے کے لیے اسے بجایا جا سکے تو ایک رات میں نے خواب دیکھا کہ ایک شخص ۱؎ کے ہاتھ میں ناقوس ہے، میں نے اس سے پوچھا: اللہ کے بندے! کیا اسے فروخت کرو گے؟ اس نے کہا: تم اسے کیا کرو گے؟ میں نے کہا: ہم اس کے ذریعے لوگوں کو نماز کے لیے بلائیں گے، اس شخص نے کہا: کیا میں تمہیں اس سے بہتر چیز نہ بتا دوں؟ میں نے کہا: کیوں نہیں، ضرور بتائیے، تو اس نے کہا: تم اس طرح کہو «الله أكبر الله أكبر الله أكبر الله أكبر أشهد أن لا إله إلا الله أشهد أن لا إله إلا الله أشهد أن محمدا رسول الله أشهد أن محمدا رسول الله حى على الصلاة حى على الصلاة حى على الفلاح حى على الفلاح الله أكبر الله أكبر لا إله إلا الله» اللہ سب سے بڑا ہے، اللہ سب سے بڑا ہے، اللہ سب سے بڑا ہے، اللہ سب سے بڑا ہے، میں گواہی دیتا ہوں کہ اللہ کے سوا کوئی معبود برحق نہیں، میں گواہی دیتا ہوں کہ اللہ کے سوا کوئی معبود برحق نہیں، میں گواہی دیتا ہوں کہ محمد صلی اللہ علیہ وسلم اللہ کے رسول ہیں، میں گواہی دیتا ہوں کہ محمد صلی اللہ علیہ وسلم اللہ کے رسول ہیں، نماز کے لیے آؤ، نماز کے لیے آؤ، کامیابی کی طرف آؤ، کامیابی کی طرف آؤ، اللہ سب سے بڑا ہے، اللہ سب سے بڑا ہے، اللہ کے سوا کوئی معبود برحق نہیں۔ عبداللہ بن زید رضی اللہ عنہ کہتے ہیں: پھر وہ شخص مجھ سے تھوڑا پیچھے ہٹ گیا، زیادہ دور نہیں گیا پھر اس نے کہا: جب تم نماز کے لیے کھڑے ہو تو اس طرح کہو: «الله أكبر الله أكبر أشهد أن لا إله إلا الله أشهد أن محمدا رسول الله حى على الصلاة حى على الفلاح قد قامت الصلاة قد قامت الصلاة الله أكبر الله أكبر لا إله إلا الله» ۔‏‏‏‏ پھر جب صبح ہوئی تو میں رسول اللہ صلی اللہ علیہ وسلم کی خدمت میں حاضر ہوا اور جو کچھ میں نے دیکھا تھا اسے آپ سے بیان کیا۔ آپ صلی اللہ علیہ وسلم نے فرمایا: ان شاءاللہ یہ خواب سچا ہے، پھر فرمایا: تم بلال کے ساتھ اٹھ کر جاؤ اور جو کلمات تم نے خواب میں دیکھے ہیں وہ انہیں بتاتے جاؤ تاکہ اس کے مطابق وہ اذان دیں کیونکہ ان کی آواز تم سے بلند ہے ۲؎۔ چنانچہ میں بلال کے ساتھ اٹھ کھڑا ہوا، میں انہیں اذان کے کلمات بتاتا جاتا تھا اور وہ اسے پکارتے جاتے تھے۔ وہ کہتے ہیں: تو عمر بن خطاب رضی اللہ عنہ نے اسے اپنے گھر میں سے سنا تو وہ اپنی چادر گھسیٹتے ہوئے نکلے اور کہہ رہے تھے: اللہ کے رسول! اس ذات کی قسم! جس نے آپ کو حق کے ساتھ بھیجا ہے، میں نے بھی اسی طرح دیکھا ہے جس طرح عبداللہ رضی اللہ عنہ نے دیکھا ہے، اس پر رسول اللہ صلی اللہ علیہ وسلم نے فرمایا: الحمدللہ۔‏‏‏‏ ابوداؤد کہتے ہیں: اسی طرح زہری کی روایت ہے، جسے انہوں نے سعید بن مسیب سے، اور سعید نے عبداللہ بن زید رضی اللہ عنہ سے روایت کیا ہے، اس میں ابن اسحاق نے زہری سے یوں نقل کیا ہے: «الله أكبر الله أكبر الله أكبر الله أكبر» (یعنی چار بار) اور معمر اور یونس نے زہری سے صرف «الله أكبر الله أكبر» کی روایت کی ہے، اسے انہوں نے دہرایا نہیں ہے۔ [سنن ابي داود/كتاب الصلاة /حدیث: 499]
499۔ اردو حاشیہ:
سچے خوابوں کے متعلق احادیث میں آتا ہے کہ یہ نبوت کا چھیالیسواں حصہ ہوتے ہیں، اور بالعموم انسان کے اعمال و افکار اور خوابوں میں مطابقت ہوا کرتی ہے۔ یہ خواب حضرت عبداللہ بن زید اور حضرت عمر رضی اللہ عنہما کی فطری سعادت کی دلیل ہے۔
➋ چاہیے کہ موذن بلند و شیریں آواز اور عمدہ لہجے والا ہو۔
➌ بہتر ہے کہ اذان اور اقامت کی جگہیں مختلف ہوں۔
➍ حضرت بلال رضی اللہ عنہ کی اذان میں اذان دہری اور اقامت اکہری ذکر ہوئی ہے۔
   سنن ابی داود شرح از الشیخ عمر فاروق سعدی، حدیث\صفحہ نمبر: 499   

http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.