صحيح مسلم, حدیث نمبر 1485, باب: نماز باجماعت کی فضیلت اور اس کے ترک پر ندامت اور اس کے فرض کفایہ ہونے کا بیان۔

الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔

روٹ ورڈز - الفاظ وضاحت - سورہ فہرست - لفظ بہ لفظ ترجمہ - مترادفات

صحيح مسلم

كِتَاب الْمَسَاجِدِ وَمَوَاضِعِ الصَّلَاة

مسجدوں اور نماز کی جگہ کے احکام

42. باب فَضْلِ صَلاَةِ الْجَمَاعَةِ وَبَيَانِ التَّشْدِيدِ فِي التَّخَلُّفِ عَنْهَا:

42. باب: نماز باجماعت کی فضیلت اور اس کے ترک پر ندامت اور اس کے فرض کفایہ ہونے کا بیان۔

اس باب میں 14 احادیث آئی ہیں، باب سے متعلقہ تمام احادیث دیکھیں۔

حدیث نمبر: 1485

پی ڈی ایف بنائیں اعراب

وحدثنا احمد بن عبد الله بن يونس ، حدثنا زهير ، حدثنا ابو إسحاق ، عن ابي الاحوص سمعه منه عن عبد الله ، ان النبي صلى الله عليه وسلم، قال لقوم يتخلفون عن الجمعة: " لقد هممت ان آمر رجلا يصلي بالناس، ثم احرق على رجال يتخلفون عن الجمعة بيوتهم ".

پروفیسر سلطان محمود جلالپوری
مولانا عبد العزیز علوی

حضرت عبداللہ بن مسعود رضی اللہ عنہ سے روایت ہے کہ نبی صلی اللہ علیہ وسلم نے ان لوگوں سے جو جمعے سے پیچھے رہ جاتے ہیں، فرمایا: ”میں نے ارادہ کیا کہ کسی آدمی کو حکم دو ں وہ لوگوں کو نماز پڑھائے، پھر ان لوگوں کے گھروں کو ان پر (اس سمیت) جلادوں جو جمعے سے پیچھے رہتے ہیں

حضرت عبداللہ بن مسعود رضی اللہ تعالیٰ عنہ بیان کرتے ہیں کہ رسول اللہ صلی اللہ علیہ وسلم نے ان لوگوں کے بارے میں جو پیچھے رہے تھے جاتے ہیں۔ فرمایا: میں نے ارادہ کیا کہ کسی آدمی کو لوگوں کی جماعت کرانے کا حکم دوں، پھر ان لوگوں کو جو جمعہ سے پیچھے رہتے ہیں، ان کے گھروں سمیت جلا دوں۔“

ترقیم فوادعبدالباقی: 652

● صحيح مسلم	1485	عبد الله بن مسعود	هممت أن آمر رجلا يصلي بالناس ثم أحرق على رجال يتخلفون عن الجمعة بيوتهم
● سنن أبي داود	1657	عبد الله بن مسعود	نعد الماعون على عهد رسول الله عارية الدلو والقدر

تخریج الحدیث کے تحت حدیث کے فوائد و مسائل

الشیخ عمر فاروق سعیدی حفظ اللہ

شیخ الحدیث مولانا عبد العزیز علوی حفظ اللہ

الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 1657

´مال کے حقوق کا بیان۔`
عبداللہ بن مسعود رضی اللہ عنہ کہتے ہیں کہ رسول اللہ صلی اللہ علیہ وسلم کے زمانے میں ہم ڈول اور دیگچی عاریۃً دینے کو «ماعون» ۱؎ میں شمار کرتے تھے۔ [سنن ابي داود/كتاب الزكاة /حدیث: 1657]

1657. اردو حاشیہ:
➊ سورت الماعون میں ہے۔(فَوَيْلٌ لِّلْمُصَلِّينَ ﴿٤﴾ الَّذِينَ هُمْ عَن صَلَاتِهِمْ سَاهُونَ ﴿٥﴾ الَّذِينَ هُمْ يُرَاءُونَ ﴿٦﴾ وَيَمْنَعُونَ الْمَاعُونَ) ہلاکت ہے ان نمازیوں کےلئے جو اپنی نمازوں سے غافل ہیں۔ دکھلاوا کرتے ہیں اور برتنے کی چیزیں نہیں دیتے۔ یقیناً عام استعمال کی چیزیں لینا دینا معاشرتی زندگی کا لازمہ ہیں۔ اور صحابہ کرام رضوان اللہ عنہم اجمعین اسے مال کا شرعی حق سمجھتے تھے۔
➋ کھلے دل سے عام چیزیں عاریتاًدے دینا عمدہ اخلاق کی دلیل ہے۔مگر اس میں یہ نہیں کہ کوئی مانگے تانگے ہی سے گزر بسر شروع کردے۔ یہ سوچ ار عمل از حد پستی کا غماز ہے۔ہاں کبھی کوئی ضرورت پڑے تو عیب نہیں۔

سنن ابی داود شرح از الشیخ عمر فاروق سعدی، حدیث\صفحہ نمبر: 1657

الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 1485

1

حدیث حاشیہ:
فوائد ومسائل:
(1)
احادیث مذکورہ بالا سے ثابت ہوتا ہے کہ رسول اللہ صلی اللہ علیہ وسلم نے ان لوگوں کے بارے میں جو بلاسبب اور عذر نماز میں حاضر نہیں ہوتے فرمایا:
یہ مفاد پرست لوگ ہیں کیونکہ آپ صلی اللہ علیہ وسلم کے دور میں صرف منافق ہی عشاء اور فجر کی نمازوں میں خصوصی طور پر شریک نہیں ہوتے تھے کیونکہ اس دور میں نماز میں روشنی کا انتظام نہ ہونے کی بنا پر اندھیرے میں ہوتی تھیں اور ان کا پوشیدہ رہ جانا ممکن تھا ان کے نفاق کی طرف اشارہ کرتے ہوئے فرمایا اگر ان کو ان نمازوں کی خیرو برکت اور اجرو ثواب کا یقینی ہو یا ان کو اس بات کا علم ہو کہ ان کو گوشت سے بھر پور ہڈی ملے گی تو یہ نماز میں مشقت اور دشواری برداشت کرتے ہوئے گھٹنوں کے بل چل کر آئیں۔
(2)
جو لوگ جماعت میں حاضر نہیں ہوتے تھے آپ صلی اللہ علیہ وسلم نے ان کے بارے میں پختہ ارادہ فرمایا کہ ان سمیت ان کےگھروں کو آگ سے جلا دیں لیکن پھر آپ صلی اللہ علیہ وسلم نے اپنے ارادہ پر صرف اس لیے عمل نہ کیا کہ گھروں میں عورتیں اور بچے بھی ہوتے ہیں اور ان کے لیے جماعت ضروری نہیں ہے اور نہ یہ مسجد میں آنے کے پابند ہیں۔
(3)
وہ روایات جن سے یہ بات ثابت ہوتی ہے کہ منفرد کو ایک درجہ ثواب ملتا ہے ان سے ثابت ہوتا ہے۔
بلا عذر اور بلا سبب جماعت ترک کرنے والے کی نماز تو ہو جائے گی لیکن وہ گناہ گار ہو گا اس کو نماز دہرانے کی ضرورت نہیں ہے۔
(4)
جماعت کے فرض عین ہونے کے بارے میں اختلاف ہے حنفیوں،
مالکیوں اور شافعیوں کی اکثریت نماز باجماعت کو سنت مؤکدہ قرار دیتی ہے لیکن ان حضرات میں سے کچھ لوگ جماعت کو فرض کفایہ قرار دیتے ہیں کہ اگر کچھ لوگ اس فرض کو ادا کر لیں تو باقی کے ذمہ سے یہ ساقط ہو جائے گا۔
اس وجہ سے احناف اور شوافع کے نزدیک اگر کسی بستی کے سارے باشندے باجماعت نماز نہ پڑھیں تو ان سے جنگ کی جائے گی حنابلہ اور محدثین کے نزدیک باجماعت نماز پڑھنا فرض عین ہے یعنی ہر شخص کی انفرادی اور شخصی ذمہ داری ہے کہ وہ جمعہ اور جماعت میں شریک ہو۔
ظاہریوں اور امام ابن تیمیہ رحمۃ اللہ علیہ کے نزدیک نماز کی صحت و درستگی کے لیے جماعت شرط ہے جو جماعت میں شریک نہیں ہوتا اس کی نماز نہیں ہوتی۔
احادیث کا تقاضا یہی ہے کہ انسان کو جماعت میں شریک ہونا چاہیے بلا سبب اور بلا عذر جماعت سے محروم ہونا عملی نفاق کی نشانی ہے خیرو برکت اور اجروثواب سے محرومی ہے اور اس کو عادت اور وطیرہ بنا لینے کی صورت میں خطرہ ہے کہ شاید ایسے انسان کی نماز ہی نہ ہو۔

تحفۃ المسلم شرح صحیح مسلم، حدیث\صفحہ نمبر: 1485

1482 1483 148414851486 1487 1488

http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.