´انکار حدیث کرنے والے`
«. . . ‏‏‏‏وَعَن الْعِرْبَاض بن سَارِيَة قَالَ: قَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَقَالَ: «أيحسب أحدكُم متكأ عَلَى أَرِيكَتِهِ يَظُنُّ أَنَّ اللَّهَ لَمْ يُحَرِّمْ شَيْئًا إِلَّا مَا فِي هَذَا الْقُرْآنِ أَلَا وَإِنِّي وَاللَّهِ قَدْ أَمَرْتُ وَوَعَظْتُ وَنَهَيْتُ عَنَ أَشْيَاءَ إِنَّهَا لَمِثْلُ الْقُرْآنِ أَوْ أَكْثَرُ وَإِنَّ اللَّهَ لَمْ يُحِلَّ لَكُمْ أَنْ تَدْخُلُوا بُيُوتَ أَهْلِ الْكِتَابِ إِلَّا بِإِذْنٍ وَلَا ضَرْبَ نِسَائِهِمْ وَلَا أَكْلَ ثِمَارِهِمْ إِذَا أَعْطَوْكُمُ الَّذِي عَلَيْهِمْ» رَوَاهُ أَبُو دَاوُدَ وَفِي إِسْنَادِهِ: أَشْعَثُ بْنُ شُعْبَة المصِّيصِي قد تكلم فِيهِ . . .»
”. . . سیدنا عرباض بن ساریہ رضی اللہ عنہ فرماتے ہیں کہ رسول اللہ صلی اللہ علیہ وسلم ایک روز خطبہ دینے کے لیے کھڑے ہوئے تو آپ صلی اللہ علیہ وسلم نے خطبہ میں فرمایا کہ تم میں سے کوئی شخص اپنے تخت یا چھپرکھٹ پر گاؤ تکیہ لگائے ہوئے یہ خیال کرے گا کہ اللہ نے جو کچھ حرام کیا ہے وہ صرف اسی قرآن مجید ہی میں موجود ہے ہوشیار اور آگاہ ہو جاؤ اللہ کی قسم یقیناً میں نے حکم یہی دیا ہے اور نصیحت یہی کی ہے اور بہت سی چیزوں سے میں نے منع بھی کیا ہے وہ قرآن مجید کے مثل ہیں بلکہ اس سے بھی زیادہ ہیں اور اللہ تعالیٰ نے تمہارے لیے بغیر اجازت کے اہل کتاب کے گھروں میں داخل ہونے کی اجازت نہیں دی ہے اور نہ تمہارے لیے ان کی عورتوں کو مارنا حلال کیا ہے اور نہ باغوں کے پھلوں کا تمہارے لیے کھانا جائز ہے جبکہ تمہارے حقوق ادا کرتے ہیں جو ان کے ذمہ ہیں۔ اس حدیث کو ابوداؤد نے روایت کیا ہے۔ . . .“ [مشكوة المصابيح/كِتَاب الْإِيمَانِ: 164]

تحقیق الحدیث
اس روایت کی سند ضعیف ہے۔
اس روایت کا راوی اشعث بن شعبہ قول راجح میں ضعیف ہے، اسے صرف ابن حبان نے ثقہ قرار دیا اور ابوزرعہ وغیرہ نے ضعیف کہا ہے۔
امام ابوداود سے اس کی توثیق ثابت نہیں ہے، کیونکہ اس توثیق کا راوی مجہول الحال ہے۔
◄ حافظ ذہبی نے اشعث بن شعبہ کے بارے میں کہا:
«ليس بقوي» ”وہ قوی نہیں ہے۔“ [ديوان الضعفاء: 473]
◄ تحریر تقریب التہذیب [ج1 ص146 ت525] میں توثیق ابی داود اور توثیق ابن حبان کی وجہ سے اسے «صدوق حسن الحديث» قرار دیا گیا ہے جو کہ غلط ہے۔ نیز دیکھئے: [كشف الإبهام لما تضمنه تحرير التقريب من الأوهام ص256]

تنبیہ ①:
اشعث بن شعبہ کے علاوہ باقی سند حسن ہے۔

´ذمی مال تجارت لے کر پھریں تو ان سے عشر (دسواں حصہ) وصول کیا جائے گا۔`
عرباض بن ساریہ سلمی رضی اللہ عنہ کہتے ہیں ہم نے نبی اکرم صلی اللہ علیہ وسلم کے ساتھ خیبر میں پڑاؤ کیا، جو لوگ آپ کے اصحاب میں سے آپ کے ساتھ تھے وہ بھی تھے، خیبر کا رئیس سرکش و شریر شخص تھا وہ رسول اللہ صلی اللہ علیہ وسلم کے پاس آیا اور کہنے لگا: محمد! کیا تمہارے لیے روا ہے کہ ہمارے گدھوں کو ذبح کر ڈالو، ہمارے پھل کھاؤ، اور ہماری عورتوں کو مارو پیٹو؟ (یہ سن کر) رسول اللہ صلی اللہ علیہ وسلم غصہ ہوئے، اور عبدالرحمٰن بن عوف رضی اللہ عنہ سے فرمایا: ”عبدالرحمٰن! اپنے گھوڑے پر سوار ہو کر اعلان کر دو کہ جنت سوائے مو۔۔۔۔ (مکمل حدیث اس نمبر پر پڑھیے۔) [سنن ابي داود/كتاب الخراج والفيء والإمارة /حدیث: 3050]

فوائد ومسائل:
یہ روایت سندا ضعیف ہے۔
ان روایات میں لفظ (عشور) غالباً مشابہت کی وجہ سے استعمال کیا گیا ہے۔
ورنہ مسلمانوں کی زرعی آمدنی پر بھی عشر لگتا ہے۔
ملحوظہ۔
یہ روایت سندا ضعیف ہے۔
مگر سنت کے حجت ہونے پر دال ہے۔
اور یہی مضمون دیگر صحیح احادیث سے مثلا ً دیکھئے۔
(سنن ابی دائود۔
فی لزوم السنۃ۔
حدیث۔
4604، وما بعد) اور سب سے بڑھ کر خود قرآن مجید کی بھی یہی دعوت ہے۔
مثلا: (مَّن يُطِعِ الرَّسُولَ فَقَدْ أَطَاعَ اللَّـهَ) (النساء:80) (وَمَن يُطِعِ اللَّـهَ وَرَسُولَهُ فَقَدْ فَازَ فَوْزًا عَظِيمًا) (الأحزاب:71) (وَمَن يُطِعِ اللَّـهَ وَرَسُولَهُ وَيَخْشَ اللَّـهَ وَيَتَّقْهِ فَأُولَـٰئِكَ هُمُ الْفَائِزُونَ) (النور:52) (قُل أَطِيعُوا اللَّـهَ وَرَسُولَهُ) (آل عمران:32) (يَا أَيُّهَا الَّذِينَ آمَنُوا أَطِيعُوا اللَّـهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ) (محمد:33) (وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا) (النساء:115) (وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا ۚ) (الحشر:7)