الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔

 
سنن ابي داود کل احادیث 5274 :حدیث نمبر
سنن ابي داود
کتاب: جنازے کے احکام و مسائل
Funerals (Kitab Al-Janaiz)
30. باب صَنْعَةِ الطَّعَامِ لأَهْلِ الْمَيِّتِ
30. باب: اہل میت کے لیے کھانا تیار کرنا۔
Chapter: Preparing Food For The Family Of The Deceased.
حدیث نمبر: 3132
پی ڈی ایف بنائیں اعراب English
(مرفوع) حدثنا مسدد، حدثنا سفيان، حدثني جعفر بن خالد، عن ابيه، عن عبد الله بن جعفر، قال: قال رسول الله صلى الله عليه وسلم:"اصنعوا لآل جعفر طعاما، فإنه قد اتاهم امر شغلهم".
(مرفوع) حَدَّثَنَا مُسَدَّدٌ، حَدَّثَنَا سُفْيَانُ، حَدَّثَنِي جَعْفَرُ بْنُ خَالِدٍ، عَنْ أَبِيهِ، عَنْ عَبْدِ اللَّهِ بْنِ جَعْفَرٍ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:"اصْنَعُوا لِآلِ جَعْفَرٍ طَعَامًا، فَإِنَّهُ قَدْ أَتَاهُمْ أَمْرٌ شَغَلَهُمْ".
عبداللہ بن جعفر رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: جعفر کے گھر والوں کے لیے کھانا تیار کرو کیونکہ ان پر ایک ایسا امر (حادثہ و سانحہ) پیش آ گیا ہے جس نے انہیں اس کا موقع نہیں دیا ہے ۱؎۔

تخریج الحدیث: «‏‏‏‏سنن الترمذی/الجنائز 21 (998)، سنن ابن ماجہ/الجنائز 59 (1610)، (تحفة الأشراف: 5217)، وقد أخرجہ: مسند احمد (1/205) (حسن)» ‏‏‏‏

وضاحت:
۱؎: اس سے معلوم ہوا کہ رشتہ داروں کو میت کے گھروالوں کے پاس کھانا پکوا کر بھجوانا چاہئے۔

Narrated Abdullah ibn Jafar: The Messenger of Allah ﷺ said: Prepare food for the family of Jafar for there came upon them an incident which has engaged them.
USC-MSA web (English) Reference: Book 20 , Number 3126


قال الشيخ الألباني: حسن

قال الشيخ زبير على زئي: حسن
مشكوة المصابيح (1739)
أخرجه الترمذي (998 وسنده حسن) وابن ماجه (1610 وسنده حسن) سفيان بن عيينة صرح بالسماع عند الحميدي والحاكم (1/372)

   جامع الترمذي998عبد الله بن جعفراصنعوا لأهل جعفر طعاما فإنه قد جاءهم ما يشغلهم
   سنن أبي داود3132عبد الله بن جعفراصنعوا لآل جعفر طعاما فإنه قد أتاهم أمر شغلهم
   سنن ابن ماجه1610عبد الله بن جعفراصنعوا لآل جعفر طعاما فقد أتاهم ما يشغلهم أو أمر يشغلهم
   بلوغ المرام479عبد الله بن جعفراصنعوا لآل جعفر طعاما فقد اتاهم ما يشغلهم
   مسندالحميدي547عبد الله بن جعفراصنعوا لآل جعفر طعاما؛ فقد جاءهم ما يشغلهم

تخریج الحدیث کے تحت حدیث کے فوائد و مسائل
  مولانا عطا الله ساجد حفظ الله، فوائد و مسائل، سنن ابن ماجه، تحت الحديث1610  
´میت کے گھر والوں کے یہاں کھانا بھیجنے کا بیان۔`
عبداللہ بن جعفر رضی اللہ عنہما کہتے ہیں کہ جعفر کی موت کی جب خبر آئی تو رسول اللہ صلی اللہ علیہ وسلم نے فرمایا: جعفر کے گھر والوں کے لیے کھانا تیار کرو، اس لیے کہ ان کے پاس ایسی خبر آئی ہے جس نے ان کو مشغول کر دیا ہے، یا ان کے پاس ایسا معاملہ آ پڑا ہے جو ان کو مشغول کئے ہوئے ہے۔‏‏‏‏ [سنن ابن ماجه/كتاب الجنائز/حدیث: 1610]
اردو حاشہ:
فوائد و مسائل:
(1)
غزوہ موتہ عیسائی رومی سلطنت کے خلاف جمادی الاولیٰ 8 ہجری (اگست یا ستمبر 629ء)
میں پیش آیا۔

(2)
اس جنگ میں مسلمانوں کے تین عظیم قائد حضرت زید بن حارثہ حضرت جعفر طیار بن ابی طالب اور حضرت عبد اللہ بن رواحہ رضی اللہ تعالیٰ عنہ یکے بعد دیگرے شہید ہوئے۔
آخر کار حضرت خالد بن ولید رضی اللہ تعالیٰ عنہ کی قیادت میں مسلمانوں نے عیسایئوں کو واپس ہونے پر مجبور کردیا۔
اور خود مسلمان بھی بڑی حکمت سے کام لے کر سلامتی سے واپس آگئے۔
تفصیل کےلئے دیکھئے: (الرحیق المختوم، ص: 526)

(3)
میت کے اقارب اور ہمسایئوں کا فرض ہے کہ میت کے گھر والوں کےلئے کھانا تیار کریں۔
یہ نہیں کےمیت والوں کے ہاں خود مہمان بن کر کھانے کےلئے جمع ہوجایئں۔
میت والوں کے ہاں جمع ہونے کی ممانعت حدیث (1612)
میں آرہی ہے۔
   سنن ابن ماجہ شرح از مولانا عطا الله ساجد، حدیث\صفحہ نمبر: 1610   
  علامه صفي الرحمن مبارك پوري رحمه الله، فوائد و مسائل، تحت الحديث بلوغ المرام 479  
´جن کا کوئی عزیز وفات پا جائے تو انہیں کھانا کھلانا`
سیدنا عبداللہ بن جعفر رضی اللہ عنہ سے روایت ہے کہ جب جعفر بن ابی طالب رضی اللہ عنہ کی شہادت کی خبر موصول ہوئی تو رسول اللہ صلی اللہ علیہ وسلم نے فرمایا کہ جعفر کے گھر والوں کے لئے کھانا تیار کرو۔ ان کو ایسی تکلیف دہ اطلاع ملی ہے جو ان کو کھانا پکانے سے مشغول رکھے گی۔ [بلوغ المرام /كتاب الجنائز/حدیث: 479]
فوائد و مسائل:
➊ اس حدیث سے معلوم ہوا کہ جن کا کوئی عزیز وفات پا جائے تو انہیں کھانا کھلانا مسنون ہے۔
➋ ہمسائے کا حق سب سے پہلے اور سب سے زیادہ ہے۔
➌ کھانا صرف میت کے گھر والوں اور ان کے دور سے آئے ہوئے اعزہ و اقرباء کے لیے سنت ہے، باقی محلے دار اور تدفین میں شریک لوگ اس کے مستحق نہیں ہیں۔
➍ اہل خانہ کا کھانا پکانا اور ان کے ہاں لوگوں کو جمع ہونا درست نہیں۔ حدیث میں اس کی ممانعت ثابت ہے۔ دیکھیے: [مسند احمد: 402/2۔ واسنن ابن ماجه، الجنائز، حديث: 1612]
وضاحت:
حضرت جعفر بن ابی طالب رضی اللہ عنہ، حضرت جعفر رضی اللہ عنہ ابوطالب کے بیٹے اور حضرت علی رضی اللہ عنہ کے بھائی تھے اور ان سے دس برس بڑے تھے۔ حبشہ کی طرف ہجرت کی۔ وہیں قیام پذیر ہوئے۔ نجاشی اور اس کے متبعین نے انھی کے ہاتھ پر اسلام قبول کیا، پھر انہوں نے مدینہ بھی ہجرت فرمائی اور خیبر میں اس وقت پہنچے جب یہ فتح ہو چکا تھا۔ نبی صلی اللہ علیہ وسلم نے ان کی دونوں آنکھوں کے درمیان بوسہ دیا اور فرمایا: مجھے معلوم نہیں کہ جعفر کی آمد پر مجھے زیادہ مسرت ہے یا خیبر کے فتح ہونے پر۔ [المعجم الكبير للطبراني: 108/2]
بہت ہی زیادہ سخی انسان تھے۔ ۸ ہجری میں موتہ کے معرکے میں جام شہادت نوش کیا اور جنت بریں کو سدھار گئے۔ اس معرکے میں لشکر اسلام کی کمان ان کے ہاتھ میں تھی۔ دونوں بازو جنگ میں بدن سے کٹ کر جدا ہو گئے تھے۔ نبی صلی اللہ علیہ وسلم نے فرمایا: اللہ تعالیٰ نے ان کے دونوں بازووں کے بدلے میں ان کے دو پر لگائے ہیں جن سے وہ جنت میں جہاں چاہیں پرواز کرتے پھرتے ہیں۔ [المعجم الكبير للطبراني: 107/3]
اسی وجہ سے انہیں جعفر طیار کہا جاتا ہے اور جعفر ذوالجناحین بھی انہی کا لقب ہے۔
   بلوغ المرام شرح از صفی الرحمن مبارکپوری، حدیث\صفحہ نمبر: 479   
  الشیخ ڈاکٹر عبد الرحمٰن فریوائی حفظ اللہ، فوائد و مسائل، سنن ترمذی، تحت الحديث 998  
´میت کے گھر والوں کے لیے کھانا پکانے کا بیان۔`
عبداللہ بن جعفر رضی الله عنہما کہتے ہیں کہ جب جعفر طیار کے مرنے کی خبر آئی ۱؎ تو نبی اکرم صلی اللہ علیہ وسلم نے فرمایا: جعفر کے گھر والوں کے لیے کھانا پکاؤ، اس لیے کہ آج ان کے پاس ایسی چیز آئی ہے جس میں وہ مشغول ہیں ۲؎۔ [سنن ترمذي/كتاب الجنائز/حدیث: 998]
اردو حاشہ: 1؎:
جعفربن ابی طالب رضی اللہ عنہ کی شہادت 8ھ؁ میں غزوئہ موتہ میں ہوئی تھی،
ان کی موت یقینا سب کے لیے خاص کر اہل خانہ کے لیے رنج وغم لے کرآئی۔ 2؎:
اس میں اس بات کی دلیل ہے کہ رشتہ داروں اورپڑوسیوں کے لیے مستحب ہے کہ وہ 'اہل میت کے لیے کھانا بھیج دیں۔
مگرآج کے مبتدعین نے معاملہ اُلٹ دیا،
تیجا،
قُل،
ساتویں اورچالیسویں جیسی ہندوانہ رسمیں ایجادکرکے میت کے ورثاء کو خوب لوٹا جاتاہے،
العیاذ باللہ من ہذہ الخرافات۔
   سنن ترمذي مجلس علمي دار الدعوة، نئى دهلى، حدیث\صفحہ نمبر: 998   
  الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 3132  
´اہل میت کے لیے کھانا تیار کرنا۔`
عبداللہ بن جعفر رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: جعفر کے گھر والوں کے لیے کھانا تیار کرو کیونکہ ان پر ایک ایسا امر (حادثہ و سانحہ) پیش آ گیا ہے جس نے انہیں اس کا موقع نہیں دیا ہے ۱؎۔‏‏‏‏ [سنن ابي داود/كتاب الجنائز /حدیث: 3132]
فوائد ومسائل:
اس حدیث سے استدلال کرتے ہوئے کچھ لوگ کہتے ہیں۔
کہ اہل میت کے گھر میں تین دن تک کھانا پکانا جائز نہیں۔
لیکن نبی کریمﷺ کا یہ فرمان تو عین وقت کےلئے تھا۔
اسے تین دن تک لمبا کرنا تو شرعا صحیح معلوم نہیں ہوتا۔
علاوہ ازیں اس سے اصل مقصود اہل میت سے اظہار ہمدردی تھا۔
محض کھانا پکانے کی ممانعت نہیں۔
اس لئے اس سے استدلال کرکے اہل میت کے گھر کھانا پکانے کو یکسر ممنوع قرار دینا بھی صحیح نہیں۔
البتہ ایک اور رواج جوعام ہوگیا ہے۔
شرعا محل نظر ہے۔
اور وہ ہے جنازے میں شریک ہونے والوں کے لئے کھانا پکانا او دعوت عام کا اہتمام کرنا۔
جنازے میں شریک ہونے والے دو قسم کے لوگ ہوتے ہیں۔
ایک تو قریبی اعزہ۔
جو دوردراز کے علاقوں میں۔
(مختلف شہروں) سےآتے ہیں۔
وہ فورا ً واپس نہیں جا سکتے۔
اور میت سے خصوصی تعلق کی وجہ سے ان کا فورا واپس چلے جانا مناسب بھی نہیں ہوتا۔
دوسری قسم کے لوگ جو تعداد میں عام طور پر قریبی اعزہ سے زیادہ ہوتے ہیں۔
جو دوست احباب اہل محلہ واہل مسلک پر مشتمل ہوتے ہیں۔
ان کی شرکت نماز جنازہ یا زیادہ سے زیادہ تدفین تک ہوتی ہے۔
اس کے بعد یہ اپنے اپنے گھروں کو چلے جاتے ہیں۔
اول الزکر قسم کے لوگوں کے لئے کھانا تیارکرنا تو یقینا جائز ہے۔
کیوکہ وہ میت کے نہایت قریبی ہوتے ہیں۔
اور ان کا قیام بھی اہل میت کے پاس ہوتا ہے۔
لیکن ثانی الذکر لوگوں کےلئے بھی کھانا تیار کرنا ان کو دعوتوں کی طرح کھانا کھلانا یا انہیں کھانے پر مجبور کرنا یا دعوت عام کی منادی کرنا تکلیف مالایطاق ہے۔
جو شرعا محل نظر ہے۔
یہ طریقہ اصحاب ثروت نے شروع کیا ہے جن کے لئے چند دیگیں پکا لینا کوئی مشکل امرنہیں۔
لیکن اس رواج نے کم وسائل والے لوگوں کےلئے مشکلات پیدا کردی ہیں۔
بنا بریں اس موقع پر تمام شرکائے جنازہ کےلئے دعوت عام کا اہمتام کرنا قابل اصلاح ہے، کھانے کا یہ اہتمام صرف قریبی اعزہ کےلئے ہونا چاہیے۔
دوسرو ں کےلئے اس کا اہتمام کیا جائے۔
نہ دوسرے لوگ اس میں شریک ہوں۔
   سنن ابی داود شرح از الشیخ عمر فاروق سعدی، حدیث\صفحہ نمبر: 3132   

http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.