3154. حضرت ابن عمر ؓ سے روایت ہے، انھوں نے فرمایا کہ ہم غزوات کے دوران میں شہد اور انگور پاتے تو انھیں کھالیتے تھے اور اسے اٹھا نہ رکھتے تھے۔ [صحيح بخاري، حديث نمبر:3154]

حدیث حاشیہ:
اس حدیث سے یہ نکلا کہ کھانے پینے کی جو چیزیں رکھنے سے خراب ہوتی ہیں تقسیم سے پہلے ان کے استعمال میں کوئی حرج نہیں۔
جیسے ترکاریاں، میوے وغیرہ۔

3154. حضرت ابن عمر ؓ سے روایت ہے، انھوں نے فرمایا کہ ہم غزوات کے دوران میں شہد اور انگور پاتے تو انھیں کھالیتے تھے اور اسے اٹھا نہ رکھتے تھے۔ [صحيح بخاري، حديث نمبر:3154]

حدیث حاشیہ:
کھانے پینے والی وہ چیزیں جو غذا کا کام دیں جیسے شہد وغیرہ یا جن کے خراب ہونے کا اندیشہ ہو جیسے انگور یا ترکاریاں انھیں تقسیم سے پہلے کھاپی لینے میں کوئی حرج نہیں۔
استعمال کرنے کے لیے امام وقت کی اجازت بھی ضروری نہیں۔
البتہ مال غنیمت میں خیانت کرنا بہت بڑا جرم ہے۔
اس بنا پر حد سے تجاوز نہیں کرنا چاہیےجن اشیاء کے استعمال کی گنجائش ہے رخصت صرف اس حد تک دینی چاہیے۔
(فتح الباري: 307/6)