مولانا عطا الله ساجد حفظ الله، فوائد و مسائل، سنن ابن ماجه، تحت الحديث1855
´بہترین عورت کا بیان۔`
عبداللہ بن عمرو رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”دنیا متاع (سامان) ہے، اور دنیا کے سامانوں میں سے کوئی بھی چیز نیک اور صالح عورت سے بہتر نہیں ہے۔“ [سنن ابن ماجه/كتاب النكاح/حدیث: 1855]
اردو حاشہ:
فوائدو مسائل:
(1)
دنیا کی چیزں سے حلال طریقے سے فائدہ حاصل کرنا جائز ہے۔
ترک دنیا جائز نہیں۔
(2)
دنیا کی چیزیں اس انداز سے استعمال کرنی چاہیيں کہ آخرت میں فائدہ حاصل ہو۔
نیک عورت ایک بڑی نعمت ہے کیونکہ وہ دنیا کے معاملات میں بھی اچھی مشیر ثابت ہوتی ہے، اچھی شریک حیات ہوتی ہے اور آخرت کے معاملات میں بھی خاوند سے تعاون کرتی ہے۔
اس طرح دونوں کو بلند درجات حاصل ہو جاتے ہیں۔
نیک مرد بھی عورت کے لیے ایک ایسی ہی نعمت ہے۔
سنن ابن ماجہ شرح از مولانا عطا الله ساجد، حدیث\صفحہ نمبر: 1855
