جریر، عیسیٰ بن یونس اور سفیان سب نے اعمش سے اسی سند کے ساتھ حدیث بیان کی اور جریر اور عیسیٰ بن یونس کی حدیث میں ہے: "کیونکہ اس نے قتل کا طریقہ نکالا تھا۔" ان دونوں نے "اول" کا لفظ بیان نہیں کیا
امام صاحب اپنے تین اور اساتذہ کی سندوں سے اعمش کی مذکورہ بالا سند سے یہی روایت بیان کرتے ہیں، جریر اور عیسیٰ بن یونس کی حدیث میں یہ لفظ ہے ”کیونکہ اس نے قتل کا طریقہ جاری کیا۔“ اوّل
الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 4380
1
حدیث حاشیہ: فوائد ومسائل: معروف و مشہور یہ ہے کہ حضرت آدم کے بیٹے قابیل نے اپنے بھائی ہابیل کو قتل کر ڈالا تھا، اگرچہ بعض افراد نے ہابیل کو قاتل ٹھہرایا ہے، تورات سے اکثریت کے قول ہی کی تصدیق ہوتی ہے۔ اور قرآن کے بیان سے معلوم ہوتا ہے، اس کا پس منظر محض حسد و عناد ہے کہ ہابیل کی قربانی کیوں قبول ہوئی، میری قربانی کیوں قبول نہیں ہوئی، اس طرح حسد و عناد کی بنیاد پر قتل کی دھمکی دی، واقعہ کی تفصیل سورہ مائدہ کی آیات میں موجود ہے اور اس حدیث سے یہ اصول اور قاعدہ ثابت ہوتا ہے کہ اگر کوئی انسان برے کام کا آغاز کرتا ہے اور اسے دیکھ کر دوسرے افراد اس جرم و گناہ کے مرتکب ہوتے ہیں تو اس کو ان سب افراد کے جرم و گناہ میں سے حصہ ملتا ہے، کیونکہ یہ سبب یا باعث بنا ہے، دوسروں کو اس نے یہ راہ دکھائی ہے۔
