5529. سیدنا عمرو بن دینار سے روایت ہے انہوں نے کہا کہ میں سیدنا جابر بن زید ؓ سے کہا: لوگ کہتے ہیں کہ رسول اللہ ﷺ نے پالتو گدھوں سے منع کر دیا ہے؟ جابر ؓ نے کہا کہ حکم بن عمروغفاری ؓ نے ہمیں بصرہ میں یہی بتایا تھا لیکن علم کے سمندر سیدنا ابن عباس ؓ سے انکار کیا اور آیت تلاوت فرمائی ہے: ”جو کچھ میری طرف وحی کی گئی ہے اس میں، مین حرام نہیں پاتا ہوں۔۔۔۔۔“ [صحيح بخاري، حديث نمبر:5529]

حدیث حاشیہ:
اس آیت میں حرام ماکولات کا ذکر ہے جس میں مذکورہ گدھے کا ذکر نہیں ہے۔
شاید ابن عباس رضی اللہ عنہما کو ان احادیث کا علم نہ ہوا ہو ورنہ وہ کبھی ایسا نہ کہتے یہ بھی ممکن ہے کہ انہوں نے اس خیال سے بعد میں رجوع کر لیا ہو، واللہ أعلم بالصواب۔

5529. سیدنا عمرو بن دینار سے روایت ہے انہوں نے کہا کہ میں سیدنا جابر بن زید ؓ سے کہا: لوگ کہتے ہیں کہ رسول اللہ ﷺ نے پالتو گدھوں سے منع کر دیا ہے؟ جابر ؓ نے کہا کہ حکم بن عمروغفاری ؓ نے ہمیں بصرہ میں یہی بتایا تھا لیکن علم کے سمندر سیدنا ابن عباس ؓ سے انکار کیا اور آیت تلاوت فرمائی ہے: ”جو کچھ میری طرف وحی کی گئی ہے اس میں، مین حرام نہیں پاتا ہوں۔۔۔۔۔“ [صحيح بخاري، حديث نمبر:5529]

حدیث حاشیہ:
(1)
حضرت ابن عباس رضی اللہ عنہ کے استدلال کی بنیاد یہ ہے کہ مذکورہ آیت کریمہ میں حرام چیزوں کا ذکر حصر کے ساتھ بیان ہوا ہے۔
ان چیزوں کے علاوہ ہر چیز حلال ہے، ان میں گدھے بھی شامل ہیں، لہذا یہ حرام نہیں ہیں۔
گدھوں کے متعلق ان کا موقف شاید اس وجہ سے ہو کہ انہیں وضاحت کے ساتھ احادیث نہ پہنچی ہوں، چنانچہ ایک روایت میں ہے، انہوں نے کہا:
مجھے معلوم نہیں کہ خیبر کے موقع پر رسول اللہ صلی اللہ علیہ وسلم نے گدھوں کا گوشت کھانے سے منع کیا تھا کہ کہیں لوگ سواریوں سے محروم نہ ہو جائیں یا انہیں حرام قرار دیا تھا۔
(صحیح البخاري، المغازي، حدیث: 4227) (2)
حافظ ابن حجر رحمہ اللہ لکھتے ہیں کہ آیت کریمہ سے اس وقت استدلال کیا جا سکتا ہے جب رسول اللہ صلی اللہ علیہ وسلم سے وضاحت کے ساتھ گدھوں کی حرمت منقول نہ ہو، اس لیے متعدد احادیث کے پیش نظر گھریلو گدھوں کا گوشت حرام ہے۔
(فتح الباري: 811/9)