´جنت کے احوال و صفات کا بیان۔`
ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”تم میں سے ہر ایک کے دو ٹھکانے ہیں: ایک ٹھکانا جنت میں اور ایک ٹھکانا جہنم میں، جب وہ مرتا ہے اور جہنم میں چلا جاتا ہے تو جنت والے اس کے حصے کو لاوارث سمجھ کر لے لیتے ہیں، اللہ تعالیٰ کے قول: «أولئك هم الوارثون» ”یہی لوگ وارث ہوں گے“ (سورة المومنون: 1) کا یہی مطلب ہے۔ [سنن ابن ماجه/كتاب الزهد/حدیث: 4341]

اردو حاشہ:
فوائد و مسائل:
(1)
ہر شخص کا گھر جنت میں بھی ہے اور جہنم میں بھی اس سے اللہ تعالی کے بے مثال عدل اور بے انتہا رحمت کا پتہ چلتا ہے۔

(2)
ہر مرنے والے کو یہ گھر اس وقت دکھائے جاتے ہیں جب وہ قبر میں پہنچتا ہے۔ دیکھیے:   (حدیث 4268)

(3)
جہنم میں جانے والے کا گھر جنت میں خالی رہ جاتا ہے وہ کسی جنتی کو دے دیا جاتا ہے یہ بھی اللہ کی رحمت اور اس کے فضل کا ا ظہار ہے۔