صحيح مسلم
كِتَاب الْأَشْرِبَةِ -- مشروبات کا بیان
23. باب أَكْلِ الْقِثَّاءِ بِالرُّطَبِ:
باب: کھجور کے ساتھ ککڑی کھانا۔
حدیث نمبر: 5330
حَدَّثَنَا يَحْيَي بْنُ يَحْيَي التَّمِيمِيُّ ، وَعَبْدُ اللَّهِ بْنُ عَوْنٍ الْهِلَالِيُّ ، قَالَ يَحْيَي: أَخْبَرَنَا، وقَالَ ابْنُ عَوْنٍ: حَدَّثَنَا إِبْرَاهِيمُ بْنُ سَعْدٍ ، عَنْ أَبِيهِ ، عَنْ عَبْدِ اللَّهِ بْنِ جَعْفَرٍ ، قَالَ: " رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَأْكُلُ الْقِثَّاءَ بِالرُّطَبِ ".
حضرت عبد اللہ بن جعفر رضی اللہ عنہ سے روایت ہے، کہا: میں رسول اللہ صلی اللہ علیہ وسلم کو تازہ کھجور کے ساتھ ککڑی کھا تے ہو ئے دیکھا۔
حضرت عبداللہ بن جعفر رضی اللہ تعالیٰ عنہما بیان کرتے ہیں، میں نے رسول اللہ صلی اللہ علیہ وسلم کو کھیرے کے ساتھ تازہ کھجوریں کھاتے دیکھا۔
الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 5330
1
حدیث حاشیہ:
فوائد ومسائل:
کھیرا یا ککڑی ٹھنڈی ہوتی ہے اور کھجور گرم ہے،
دونوں کے امتزاج سے اعتدال اور توازن ہوتا ہے،
اس سے معلوم ہوتا ہے،
ایک دوسرے میں اعتدال و توازن پیدا کرنے والی خوراک کھانا بہتر ہے،
اس لیے حضرت عائشہ رضی اللہ عنہا فرماتی ہیں،
شادی کے بعد مجھے کھیرا اور کھجور ملا کر کھلائی گئیں تو میں اس سے موٹی ہو گئی اور اس سے یہ بھی معلوم ہوتا ہے،
مختلف انواع کے کھانے کھائے جا سکتے ہیں اور کھانوں میں وسعت و فراوانی جائز ہے،
بشرطیکہ حد اعتدال سے نہ بڑھے اور انسان پیٹو نہ بنے۔
تحفۃ المسلم شرح صحیح مسلم، حدیث/صفحہ نمبر: 5330
