علامه صفي الرحمن مبارك پوري رحمه الله، فوائد و مسائل، تحت الحديث بلوغ المرام 1143
´(کھانے کے متعلق احادیث)` سیدنا ابوقتادہ رضی اللہ عنہ سے حمار وحشی کے قصہ کے سلسلہ میں مروی ہے کہ نبی کریم صلی اللہ علیہ وسلم نے اس کا گوشت تناول فرمایا۔ (بخاری و مسلم) «بلوغ المرام/حدیث: 1143»
تخریج: «أخرجه البخاري ومسلم كما تقدم:599.»
تشریح: 1. اس حدیث سے ثابت ہوا کہ جنگلی گدھا حلال ہے اور اس کی حلت پر اجماع ہے۔ (سبل السلام) 2.حضرت ابوقتادہ رضی اللہ عنہ کی یہ حدیث پہلے کتاب الحج ‘ باب الاحرام (۵۹۹) کے تحت کچھ تفصیل سے گزر چکی ہے۔
بلوغ المرام شرح از صفی الرحمن مبارکپوری، حدیث/صفحہ نمبر: 1143