حدیث حاشیہ:
حضرت عمرؓ کے قول کا مطلب یہ ہے کہ گوابی بن کعب ؓ ہم سب سے زیادہ قرآن مجید کے قاری ہیں مگر بعض آیتیں وہ ایسی بھی پڑھتے ہیں جن کی تلاو ت منسوخ ہوگئی ہے کیونکہ ان کو نسخ کی خبر نہیں پہنچی۔
حضرت عمرؓ کے اس قول سے صاف ثابت ہوتا ہے کہ کوئی کیسا ہی بڑا عالم ہو مگر اس کی سب باتیں ماننے کے قابل نہیں ہوتیں۔
خطا اور لغزش ہر ایک عالم سے ممکن ہے۔
بڑا ہو یا چھاٹا، معصوم عن الخطاء صرف اللہ کے نبی و رسول ہوتے ہیں جو براہ راست اللہ سے ہم کلامی کا شرف پاتے ہیں، باقی کوئی نہیں ہے۔
مقلدین ائمہ اربعہ کو اس سے سبق لینا چاہئیے۔
جن کی تقلید پر جمود نے مذاہب اربعہ کو ایک مستقل چار دینوں کی حیثیت دے رکھی ہے۔
ہرحنفی، شافعی کو بنظر حقارت دیکھتا ہے اور ہر شافعی، حنفی کو دیکھ کر چرغ پاہوجاتا ہے، الاماشاء اللہ۔
یہ کس قدر افسوسناک بات ہے۔
حضرت امام ابوحنیفہ اور حضرت امام شافعی ؒ ہر گز ایسا تصور نہیں رکھتے تھے کہ ان کے ناموں پر فقہی مسلک کو ایک مستقل دین کی حیثیت دے کر امت ٹکڑے ٹکڑے ہوجائے۔
کہنے والے نے سچ کہا ہے دین حق راچارمذہب ساختند رخنہ درد ین نبی اندا ختند ہر امام بزرگ کا یہی آخری قول ہے کہ اصل دین قرآن وحدیث ہیں جو ان کی بات قرآن کے موافق ہو، ہو سر آنکھو ں سے قبول کی جائیں، جو بات ان کی قرآن وحدیث کے خلاف ہوا سے چھوڑ دیا جائے اور یہی عقیدہ رکھا جائے کہ غلطی کا امکان ہر کسی سے ہے صرف انبیاء ورسل ہی معصوم عن الخطاء ہوتے ہیں۔

حدیث حاشیہ:
1۔
حضرت عمرؓ کے فرمان کا مطلب یہ ہے کہ گو حضرت ابی بن کعب ؓ ہم سب سے زیادہ قرآن کریم کے ماہرقاری ہیں لیکن وہ بعض آیات ایسی بھی پڑھتے ہیں جن کی تلاوت منسوخ ہو چکی ہے مگر انھیں تخ کی خبر نہیں پہنچی۔
2۔
تخ کے اعتبار سے آیات کی چند قسمیں حسب ذیل ہیں۔
تلاوت اور حکم دونوں منسوخ ہو چکے ہیں۔
جن کا حکم تو منسوخ ہے لیکن تلاوت باقی ہے۔
۔
جن کی تلاوت منسوخ لیکن حکم باقی ہے۔
قرآن کریم کا پیشتر حصہ محکم آیات پر مشتمل ہے یعنی ان کا حکم اور تلاوت دونوں باقی ہیں۔
3۔
حضرت عمرؓ کے فرمان سے یہ بھی ثابت ہوتا ہے کہ کتنا ہی بڑا عالم کیوں نہ ہو، لیکن اس کی تمام باتیں ماننے کے قابل نہیں ہوتیں، خطا اور لغزش ہر ایک عالم سے ممکن ہے۔
اللہ کے بندوں میں صرف انبیائے کرام ؑ ہی معصوم ہوتے ہیں جنھیں براہ راست اللہ تعالیٰ سے احکام ملتے ہیں۔
باقی رہے آئمہ دین اور محدثین عظام، ان کی خدمات کا اعتراف کرنے کے باوجود ان کی حیثیت حضرات انبیاء ؑ سے مختلف ہے۔
ان کی جو بات قرآن و حدیث کے موافق ہو، وہ سر آنکھوں پر اور جو بات قرآن و حدیث کے خلاف ہو اسے چھوڑ دیا جائے گا۔
ان بزرگوں کی بھی یہی تعلیم ہے۔
غلطی کا امکان ہر کسی سے ہے معصوم عن الخطا صرف انبیاء اور رسولوں کی جماعت ہے۔
4۔
کفار ومشرکین رسول اللہ ﷺ پر یہ بھی اعتراض کرتے تھے کہ یہ نبی بھی عجیب ہے۔
آج ایک کام کرنے کا حکم دیتا ہے، کل اسے سے منع کر دیتا ہے، اس اعتراض کے دور میں مذکورہ آیت نازل ہوئی کہ جب ہم کسی آیت کو منسوخ کرتے ہیں تومصلحت وقت کے اعتبار سے لوگوں کی ہمت کے موافق پہلے حکم سے بہتر یا اس جیسا کوئی اور حکم نازل کر دیتے ہیں۔
واضح رہے کہ شاہ ولی اللہ محدث دہلویؒ کی تحقیق کے مطابق قرآن کریم کی صرف پانچ آیات منسوخ ہیں۔
واللہ اعلم۔