فوائد ومسائل:
غزوہ حنین سے فارغ ہونے کے بعد رسول اللہ صلی اللہ علیہ وسلم نے شوال 8 ہجری میں طائف کا رخ کیا۔
وہ لوگ قلعہ بند ہوگئے۔
تو ان کا محاصرہ کیا گیا۔
جو کہ اٹھارہ بیس دن یا بعض رواایات کے مطابق چالیس دن تک رہا۔
رسول اللہ صلی اللہ علیہ وسلم کے مدینہ پہنچنے سے پہلے ہی ان کے سردار عروہ بن مسعود ثقفی نے آپ صلی اللہ علیہ وسلم کی خدمت میں حاضر ہوکر السلام قبول کرلیا۔
مگر اس کی قوم نے رمضان 9 ہجری میں اپنا باقاعدہ وفد بھیج کر اسلام قبول کیا۔

2۔
یہ قبیلہ بھی بذریعہ جنگ مغلوب نہیں ہوا تھا۔
بلکہ وفد بھیج کراسلام قبول کیا تھا۔

3۔
رسول اللہ صلی اللہ علیہ وسلم تو بہر حال اللہ کے رسول صلی اللہ علیہ وسلم تھے۔
آپ صلی اللہ علیہ وسلم کے فیصلے وحی اور الہام پر مبنی ہوتےتھے۔
تاہم داعی اسلام کا یہ فیصلہ حکمت ودانائی پر مبنی تھا۔

4۔
تالیف قلوب کے لئے مبتدی لوگوں کی کوئی مناسب رعایت دینے میں کوئی حرج نہیں مگر دین کی حقیقت واضح کرنے میں بھی غفلت نہیں ہونی چاہیے۔