الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 3703
1
حدیث حاشیہ:
فوائد ومسائل:
ابو عمرو،
جس کو ابو حفص بھی کہتے ہیں اوراس کے باپ کو حفص بن مغیرہ اور عمرو بن مغیرہ کہتے ہیں حضرت خالد بن ولید کا چچا زاد بھائی تھا اس نے اپنی بیوی کو پہلے دو طلاقیں الگ الگ دے کر رجوع کر لیا تھا پھر بعد میں تیسری بھی دے دی جس کے بعد رجوع نہیں ہو سکتا اس لیے بعض راویوں نے اس کو البتہ سے تعبیر کیا،
بعض نے طَلَّقَها کہا اور بعض نے طَلَّقَهَاثَلَاثًا کہا اور درحقیقت یہ آخری تیسری طلاق تھی جس کے بعد رجوع کی گنجائش نہیں رہتی جیسا کہ مذکورہ بالا روایت میں صراحت ہے کہ یہ تین طلاقوں میں سے آخری طلاق تھی۔
تحفۃ المسلم شرح صحیح مسلم، حدیث\صفحہ نمبر: 3703
