´خیبر کی زمینوں کے حکم کا بیان۔`
سہل بن ابی حثمہ رضی اللہ عنہ کہتے ہیں کہ رسول اللہ صلی اللہ علیہ وسلم نے خیبر کو دو برابر حصوں میں تقسیم کیا: ایک حصہ تو اپنی حوائج و ضروریات کے لیے رکھا اور ایک حصہ کے اٹھارہ حصے کر کے مسلمانوں میں تقسیم کر دیا۔ [سنن ابي داود/كتاب الخراج والفيء والإمارة /حدیث: 3010]

فوائد ومسائل:
تفصیلات پہلے گزر چکی ہیں۔
نبی کریمﷺ نے خیبر کی زمینوں کو اس طرح دو حصو ں میں تقسیم فرمایا جس طرح وہ حاصل ہوئیں۔
جو جنگ کے نتیجے میں ملیں۔
وہ آپ نے تقسیم فرما دیں۔
اور تقریبا اتنی ہی زمینیں بغیر لڑے معاہدہ صلح کے نتیجے میں حاصل ہوئیں۔
ان کی آمدنی قرآن کے حکم کے مطابق آپ کے لئے تھی۔
آپ ﷺ نے اسے مسلمانوں کے اتفاقی اخراجات کےلئے اور تھوڑا سا حصہ ذاتی اور خاندانی ضروریات کےلئے مختص فرما دیا۔
حکومتوں اور رفاہی جمعیتوں اور انجمنوں کے پاس خاص محفوظ فنڈ ز جمع رہے تو بہت عمد ہ ہے۔
تاکہ اتفاقی اخراجات پورے کرنے میں آسانی رہے۔