´عورت باہر جانے کے لیے خوشبو لگائے تو کیسا ہے؟`
ابوموسیٰ اشعری رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا: ”جب عورت عطر لگائے پھر وہ لوگوں کے پاس سے اس لیے گزرے تاکہ وہ اس کی خوشبو سونگھیں تو وہ ایسی اور ایسی ہے“ آپ نے (ایسی عورت کے متعلق) بڑی سخت بات کہی۔ [سنن ابي داود/كتاب الترجل /حدیث: 4173]

فوائد ومسائل:
عورت کو خوشبو لگا کر باہر نکلنا حرام ہے۔
سنن نسائی اور جامع ترمذی کی روایات میں ایسی عورت کے لیئے زانیہ اور بد کارہ ہو نے کا ذکر ہے۔
(سنن النسائي، الزینة، حدیث:5169 و  جامع الترمذي، الأدب، حدیث: 2786)