´میدہ کا بیان۔`
ام ایمن رضی اللہ عنہا کہتی ہیں کہ انہوں نے آٹا چھانا، اور نبی اکرم صلی اللہ علیہ وسلم کے لیے اس کی روٹی بنائی، آپ نے پوچھا: یہ کیا ہے؟ انہوں نے جواب دیا: یہ وہ کھانا ہے جو ہم اپنے علاقہ میں بناتے ہیں، میں نے چاہا کہ اس سے آپ کے لیے بھی روٹی تیار کروں، آپ صلی اللہ علیہ وسلم نے فرمایا: ”اسے (چھان کر نکالی گئی بھوسی) اس میں ڈال دو، پھر اسے گوندھو۔‏‏‏‏“ [سنن ابن ماجه/كتاب الأطعمة/حدیث: 3336]

اردو حاشہ:
فوائد و مسائل:
(1)
آٹے کی بھوسی (پنجابی:
چھان)
غذائی لحاظ سے مفید ہے اور بے چھنے آٹے کی روٹی جلد ہضم ہوتی ہے۔

(2)
کھانے پینے کی اشیاء میں تکلفات سے پر ہیز کرنا چاہیے۔