´حذیفہ بن یمان رضی الله عنہ کے مناقب کا بیان`
حذیفہ رضی الله عنہ کہتے ہیں کہ لوگوں نے عرض کیا: اللہ کے رسول! کاش! آپ اپنا جانشین مقرر فرما دیتے، آپ نے فرمایا: ”اگر میں نے اپنا جانشین مقرر کر دیا اور تم نے اس کی نافرمانی کی تو تم عذاب دیئے جاؤ گے، البتہ حذیفہ جو کچھ تم سے کہیں تم ان کی تصدیق کرو“، اور جو عبداللہ (عبداللہ بن مسعود) ۱؎ تمہیں پڑھائیں انہیں پڑھ لو۔‏‏‏‏“ [سنن ترمذي/كتاب المناقب/حدیث: 3812]

اردو حاشہ:
وضاحت:
1؎:
یہ حدیث شریک اور ابوالیقظان کی وجہ سے سنداً ضعیف ہے،
مگر خلافت کے بارے میں ابن مسعود ؓ کی وصیت کی بابت ایک صحیح حدیث (رقم:3818) گزر چکی ہے،
اس حدیث کا ماحصل یہ ہے کہ آپﷺ نے واضح طور پر اپنے جانشین کا نام تو نہیں بتایا،
مگر حذیفہ رضی اللہ کی طرف  اشارہ کر دیا کہ جو حذیفہ بتائیں،
وہی میری بات ہے،
ابوحذیفہ نے ابوبکر رضی اللہ عنہ کے بارے میں بعد میں بتا دیا،
(نیز دیکھئے حدیث رقم: 2/38)

نوٹ:
(سند میں ابوالیقظان اور شریک القاضی دونوں ضعیف راوی ہیں،
ابوالیقظان شیعی بھی ہے)