´انصار اور قریش کے فضائل کا بیان`
ابی بن کعب رضی الله عنہ کہتے ہیں کہ رسول اللہ صلی اللہ علیہ وسلم نے فرمایا: ”اگر ہجرت نہ ہوتی تو میں بھی انصار ہی کا ایک فرد ہوتا“ ۱؎۔ اسی سند سے نبی اکرم صلی اللہ علیہ وسلم سے یہ بھی روایت ہے کہ آپ نے فرمایا: ”اگر انصار کسی وادی یا گھاٹی میں چلیں تو میں بھی انہیں کے ساتھ ہوں گا۔‏‏‏‏“ [سنن ترمذي/كتاب المناقب/حدیث: 3899]

اردو حاشہ:
وضاحت:
1؎:
اس فرمان سے انصارکی دل جمعی مقصود ہے،
یعنی انصار کی خوشنودی کے لیے میں یہاں تک جا سکتا ہوں کہ اگر ممکن ہوتا تو میں بھی انصار ہی میں سے ہو جاتا،
مگر نسب کی تبدیلی تو ممکن نہیں یہ بات انصار کی اسلام کے لیے فدائیت اور قربانی کا اعتراف ہے،
اگلا فرمان البتہ ممکن ہے کہ ”اگر انصار کسی وادی میں چلیں تو میں انہی کے ساتھ ہوں گا“ اگر اس کی نوبت آ پاتی تو مہاجرین وانصارکی آپسی محبت چونکہ اللہ اور رسول ﷺ کے حوالے سے تھی ا س لیے ان کی آپس میں اس طرح کی بات ہونے کی نوبت ہی  نہیں آ سکی۔
  رضی اللہ عنہم اجمعین