5272. سیدنا جابر ؓ سے روایت ہے انہوں نے فرمایا کہ میں بھی ان لوگوں میں شامل تھا جنہوں نے اسے سنگسار کیا تھا۔ ہم نے اسے مدینہ طیبہ کی عید گاہ میں رجم کیا تھا جب اسے پتھر پڑے تو بھاگ نکلا لیکن ہم نے اسے حرہ میں دھر لیا اور وہاں سنگسار کیا حتیٰ کہ وہ فوت ہو گیا۔ [صحيح بخاري، حديث نمبر:5272]

حدیث حاشیہ:
یہ حضرت ماعز اسلمی رضی اللہ عنہ تھے۔
اللہ ان سے راضی ہوا، وہ اللہ سے راضی ہوئے۔

5272. سیدنا جابر ؓ سے روایت ہے انہوں نے فرمایا کہ میں بھی ان لوگوں میں شامل تھا جنہوں نے اسے سنگسار کیا تھا۔ ہم نے اسے مدینہ طیبہ کی عید گاہ میں رجم کیا تھا جب اسے پتھر پڑے تو بھاگ نکلا لیکن ہم نے اسے حرہ میں دھر لیا اور وہاں سنگسار کیا حتیٰ کہ وہ فوت ہو گیا۔ [صحيح بخاري، حديث نمبر:5272]

حدیث حاشیہ:
(1)
یہ حضرت ماعز بن مالک اسلمی رضی اللہ عنہ تھے جنہوں نے خود کو پیش کیا اور جان دینا گوارا کرلی مگرآخرت کا عذاب پسند نہ کیا۔
ایک روایت میں ہے کہ جب رسول اللہ صلی اللہ علیہ وسلم نے اس کے بھاگ جانے کا سنا تو فرمایا:
”تم نے اسے چھوڑ کیوں نہ دیا؟ شاید وہ توبہ کرتا اور اللہ تعالیٰ اس کا گناہ معاف کر دیتا۔
“ (سنن أبي داود، الحدود، حدیث: 4419) (2)
ان احادیث کے مطابق رسول اللہ صلی اللہ علیہ وسلم نے حضرت ماعز رضی اللہ عنہ سے دریافت کیا:
”کیا تجھے جنون ہے؟“ امام بخاری رحمہ اللہ نے ان الفاظ سے عنوان ثابت کیا ہے کہ اگر وہ دیوانہ ہوتا تو اس کا اقرار معتبر نہ ہوتا۔
جب حدود میں اس کا اقرار معتبر نہیں ہے تو طلاق میں بھی قابل اعتبار نہیں ہوگا کیونکہ طلاق میں عاقل ہونا بنیادی شرط ہے۔
واللہ اعلم