جو کام کرنا ہو اس میں دیر نہ کرنا۔ آج کا کام کل پر نہ چھوڑنا۔ سستی نہ کرنا۔ کام کو وقت پر یا ذرا پہلے کرنا۔ اور یہ صفت محمود ہے۔ اور اس کی ضد بَطَأَ ہے۔ یعنی دیر کرنا ( بوجہ سستی وغیرہ) ہے۔ جہاں جلدی کرنا بہتر اور درست ہو وہاں کرنا۔

کسی چیز کو اس کے وقت سے پہلے حاصل کرنے کی کوشش کرنا، جلد بازی کرنا۔ اور یہ صفت مذموم ہے۔ جہاں جلدی نہ کرنا چاہیے وہاں کرنا۔

کسی کام کے سرانجام دینے میں جتنا وقت درکار ہو۔ اس وقت میں کمی کر کے کام کو پہلے کر لینا۔ حدیث میں ہے : ”لَا تُبَادِرُوْنِي بِالرُّكُوْعِ وَالسُّجُوْد“ [احمد ، ابوداؤد ، ابن ماجه]

فَارَ یعنی ابلنا اور جوش مارنا۔ اور فَوْر بمعنی جلدی کرنا۔ کہا جاتا ہے۔ رَجَعَ مِنْ فَوْرِہٖ۔ وہ بلا توقف بہت جلدی واپس ہوا۔ یعنی فورا اسی دم جوش کے ساتھ کوئی کام کرنا۔

سَ اور سَوْفَ علاؤہ ازیں سَ اور سَوْفَ مضارع پر داخل ہوکر جلدی کا معنی پیدا کر دیتے ہیں۔ اور مضارع کو مستقبل سے مختص کر دیتے ہیں۔ ان دونوں میں صرف یہ فرق ہے کہ س مستقبل قریب کے لئے آتا ہے اور اس کا بمعنی اب سے کیا جاتا ہے۔