سورۃ آل عمران، آیت نمبر 139 - ولا تهنوا ولا تحزنوا وأنتم الأعلون إن كنتم مؤمنين

تفسیر القرآن الکریم

سورة آل عمران

وَ لَا تَہِنُوۡا وَ لَا تَحۡزَنُوۡا وَ اَنۡتُمُ الۡاَعۡلَوۡنَ اِنۡ کُنۡتُمۡ مُّؤۡمِنِیۡنَ ﴿۱۳۹﴾

اور نہ کمزور بنو اور نہ غم کرو اور تم ہی غالب ہو، اگر تم مومن ہو۔[139]

تفسیر القرآن الکریم

(آیت 139) {وَ لَا تَهِنُوْا وَ لَا تَحْزَنُوْا …:} اوپر کی آیت { ”قَدْ خَلَتْ“ } اس بشارت کی تمہید تھی اور { ”وَ اَنْتُمُ الْاَعْلَوْنَ“ } کے لیے ایک طرح کی دلیل کہ پہلی امتوں کی تاریخ اس بات پر شاہد ہے کہ اہل باطل کو اگرچہ غلبہ حاصل ہوا مگر عارضی، آخر کار وہ تباہ و برباد ہو گئے۔ یہی حال تمھارا ہے، اس لیے کسی قسم کے { ”وَهْنٌ“ } (کمزوری) سے کام نہ لو، غم نہ کرو، اگر تم مومن ہو تو تمھی غالب رہو گے۔ چنانچہ اس کے بعد ہر لڑائی میں مسلمان غالب ہوتے رہے۔

Back ⬅️