تو ہم نے اسے اور اس کے گھر والوں کو بچا لیا مگر اس کی بیوی، وہ پیچھے رہنے والوں میں سے تھی۔[83]
تفسیر عبدالرحمٰن کیلانی
83۔ چنانچہ ہم نے لوط اور اس کے اہل خانہ کو بچا لیا بجز اس کی بیوی کے کہ وہ باقی ماندہ [88] ہلاک ہونے والوں سے تھی
[88] لوطؑ کی بیوی کا کردار:۔
چونکہ لوطؑ کی بیوی ان بد کرداروں سے پوری ساز باز رکھتی تھی۔ گھر میں کوئی مہمان آتا تو فوراً خفیہ طور پر اطلاع کر دیتی اور ان لوگوں کو اس مہمان سے بدکرداری کرنے کی ترغیب دیا کرتی تھی لہٰذا وہ بھی قوم کے جرم میں برابر کی شریک تھی اور اسے بھی اسی عذاب سے دو چار ہونا پڑا جو اس قوم پر نازل ہوا اور اس کی وجہ یہ تھی کہ لوطؑ کی بیوی بھی انہی کی قوم سے تعلق رکھتی تھی اور لوطؑ بابل سے ہجرت کر کے یہاں مقیم ہوئے تھے۔
