تفسیر القران عبدالرحمن کیلانی - سورۃ يوسف آیت نمبر 104

تفسیر عبدالرحمٰن کیلانی

سورة يوسف

وَ مَا تَسۡـَٔلُہُمۡ عَلَیۡہِ مِنۡ اَجۡرٍ ؕ اِنۡ ہُوَ اِلَّا ذِکۡرٌ لِّلۡعٰلَمِیۡنَ ﴿۱۰۴﴾٪

حالانکہ تو ان سے اس پر کوئی مزدوری نہیں مانگتا۔ یہ تو جہانوں کے لیے ایک نصیحت کے سوا کچھ نہیں۔[104]

تفسیر عبدالرحمٰن کیلانی

104۔ آپ اس (تبلیغ) پر ان سے کچھ بھی نہیں مانگتے یہ تو تمام [99] اہل عالم کے لئے نصیحت ہے

[99] کفار کی ہٹ دھرمی:۔

یعنی اگر یہ لوگ نہیں مانتے تو نہ مانیں۔ یہ قرآن صرف ان کے لیے نہیں بلکہ تمام اہل عالم کے لیے نصیحت ہے۔ انھیں نہیں تو کوئی دوسروں کو اس سے ایمان نصیب ہو جائے گا پھر اگر یہ نہیں مانتے تو آپ کا اس میں کچھ نقصان بھی نہیں۔ آپ ان سے کچھ معاوضہ تھوڑے مانگ رہے تھے جو یہ بند کر دیں گے۔

Back ⬅️