[8] علماء انبیاء کے وارث ہیں:۔

یہاں وراثت سے مراد علم دین کی وراثت ہے۔ کیونکہ انبیاء کی یہی وراثت ہوتی ہے۔ جیسا کہ ارشاد نبوی صلی اللہ علیہ وسلم ہے «ان العلماء هم ورثة الانبياء» [بخاري، كتاب العلم، باب العلم قبل القول والعمل]

”یعنی علماء حضرات ہی انبیاء کے وارث ہوتے ہیں“ پھر میرے اس لڑکے کو اپنا پسندیدہ بھی بنایا اس کا یہ مطلب ہے کہ اس کے اخلاق و کردار اس قدر پاکیزہ ہوں کہ وہ سب لوگوں کی نظر میں مقبول و محبوب اور پسندیدہ ہو۔