تو وہ فائدہ جو وہ دیے جاتے تھے، ان کے کس کام آئے گا؟[207]
تفسیر عبدالرحمٰن کیلانی
207۔ تو بھی وہ سامان عیش و عشرت جس [121] سے وہ لطف اندوز ہو رہے تھے۔ ان کے کچھ کام نہ آئے گا
[121] اتمام حجت کے بعد ہی عذاب آتا ہے:۔
یہ کافروں کے مہلت کے مطالبہ کا دوسرا جواب ہے یعنی ہم نے انھیں دنیا میں سال ہا سال تک مہلت دی تو کیا اس مہلت سے انہوں نے کچھ فائدہ اٹھایا؟ اور اگر ہم انھیں دوبارہ مہلت دے بھی دیں۔ پھر بھی یہ لوگ اس مہلت سے کچھ فائدہ نہیں اٹھائیں گے جب بڑی ہوئی مہلت میں ان کا سامان عیش و عشرت ان کے کسی کام نہ آئے گا تو اس سالہا سال تک دی ہوئی مہلت کو وہ بالکل تھوڑی مدت سمجھیں گے اور یہ خیال کریں گے کہ ہم بہت جلد پکڑے لئے گئے۔
