حدیث نمبر: 2042 --- حکم البانی: صحيح وقد مضى أتم منه ( 62 ) ... انس ؓ کہتے ہیں کہ قبیلہ عرینہ کے کچھ لوگ مدینہ آئے ، انہیں مدینہ کی آب و ہوا راس نہیں آئی ، تو رسول اللہ ﷺ نے انہیں صدقہ کے اونٹوں کے ساتھ (چراگاہ کی طرف) روانہ کیا اور فرمایا : ” تم لوگ اونٹنیوں کے دودھ اور پیشاب پیو “ ۔ امام ترمذی کہتے ہیں : ۱- یہ حدیث حسن صحیح ہے ، ۲- اس باب میں ابن عباس سے بھی روایت ہے ۔ ... (ص/ح)

حدیث نمبر: 6715 --- ‏‏‏‏ سیدنا انس بن مالک ؓ سے روایت ہے ، میں اور رسول اللہ ﷺ دونوں مسجد سے نکل رہے تھے اتنے میں ایک شخص ہم کو ملا مسجد کے سائبان کے پاس اور بولا : یا رسول اللہ ! قیامت کب ہو گی ؟ آپ ﷺ نے فرمایا : ” تو نے کیا سامان تیار کیا ہے قیامت کے لیے ؟ “ یہ سن کر وہ شخص دب گیا ، پھر بولا : یا رسول اللہ ! میں نے تو کچھ بہت نماز اور روزہ اور صدقہ تیار نہیں کیا البتہ میں محبت رکھتا ہوں اللہ سے اور اس کے رسول سے ۔ آپ ﷺ نے فرمایا : ” تو اسی کے ساتھ ہو گا جس سے محبت رکھے ۔ “

حدیث نمبر: 2528 --- رقم الحديث ترقيم الباني: 3088... سیدنا ابن عباس ؓ سے روایت ہے ، وہ کہتے ہیں : رسول اللہ ﷺ نے ولید بن عقبہ بن ابی معیط کو بنو مصطلق کی طرف صدقات کی وصولی کے لیے بھیجا ۔ جب ان لوگوں کو ان کی آمد کی خبر ہوئی تو وہ بہت خوش ہوئے اور رسول اللہ ﷺ کے قاصد کے استقبال کے لیے باہر نکلے ، لیکن جب ولید کو ان کے استقبال کے طور پر باہر نکلنے کا بتلایا گیا تو وہ رسول اللہ ﷺ کے پاس واپس لوٹ آئے اور کہا : اے اللہ کے رسول ! بنو مصطلق نے صدقہ روک لیا ہے ۔ رسول اللہ ﷺ کو اس پہ بہت غصہ آیا ، ابھی آپ ان کے خلاف جہاد کا سوچ ہی رہے تھے کہ (‏‏‏‏بنو مصطلق) کا وفد آپ کے پاس پہنچ گیا اور انہوں نے کہا : اے اللہ کے رسول ! ہمیں پتہ چلا ہے کہ آپ کا قاصد نصف طریق سے واپس لوٹ آیا ہے اور ہم ڈر گئے کہ کہیں ایسا نہ ہو کہ آپ کو ہم پر غصہ آیا ہو ، جس کی وجہ سے آپ نے قاصد کو رقعہ لکھ کر واپس بلا لیا ہو ، ہم تو اللہ اور اس کے رسول ﷺ کے غصہ سے اللہ کی پناہ مانگتے ہیں ۔ رسول اللہ ﷺ نے ان کو راضی کیا ، حالانکہ آپ ﷺ (‏‏‏‏ان کے خلاف جنگ کرنے کا) ارادہ کر چکے تھے ۔ اللہ تعالیٰ نے (‏‏‏‏اپنی) کتاب میں ان کا عذر نازل فرمایا ۔ ”اے ایمان والو ! اگر کوئی فاسق تمہیں کوئی خبر دے تو تم اس کی اچھی طرح تحقیق کر لیا کرو ، کہیں ایسا نہ ہو کہ نادانی میں کسی قوم کو نقصان پہنچا دو پھر اپنے کئے پر پریشان ہونا پڑے ۔ “

حدیث نمبر: 1053 --- حکم البانی: ضعيف... سمرہ بن جندب ؓ نبی اکرم ﷺ سے روایت کرتے ہیں کہ آپ نے فرمایا : ” جو شخص بغیر عذر کے جمعہ چھوڑ دے تو وہ ایک دینار صدقہ کرے ، اگر اسے ایک دینار میسر نہ ہو تو نصف دینار کرے “ ۔ ابوداؤد کہتے ہیں : اسے خالد بن قیس نے اسی طرح روایت کیا ہے ، اور سند میں ان کی مخالفت کی ہے اور متن میں موافقت ۔ ... (ص/ح)

حدیث نمبر: 1208 --- حکم البانی: صحيح ، ابن ماجة ( 2145 ) ... قیس بن ابی غرزہ ؓ کہتے ہیں کہ رسول اللہ ﷺ ہمارے پاس تشریف لائے ، ہم (اس وقت) « سماسرہ » (دلال) کہلاتے تھے ، آپ نے فرمایا : ” اے تاجروں کی جماعت ! خرید و فروخت کے وقت شیطان اور گناہ سے سابقہ پڑ ہی جاتا ہے ، لہٰذا تم اپنی خرید فروخت کو صدقہ کے ساتھ ملا لیا کرو “ ۔ امام ترمذی کہتے ہیں : ۱- قیس بن ابی غرزہ کی حدیث حسن صحیح ہے ، ۲- اسے منصور نے بسند « الأعمش وحبيب بن أبي ثابت » ، اور دیگر کئی لوگوں نے بسند « أبي وائل عن قيس بن أبي غرزۃ » سے روایت کیا ہے ۔ ہم اس کے علاوہ قیس کی کوئی اور حدیث نہیں جانتے جسے انہوں نے نبی اکرم ﷺ سے روایت کی ہو ، ۳- مؤلف نے بسند « أبو معاويۃ عن الأعمش عن شقيق بن سلمۃ وشقيق ہو أبو وائل عن قيس بن أبي غرزۃ عن النبي صلى اللہ عليہ وسلم » اسی جیسی اسی مفہوم کی حدیث روایت کی ہے ، ۴- یہ حدیث صحیح ہے ، ۵- اس باب میں براء بن عازب اور رفاعہ سے بھی احادیث آئی ہیں ۔ ... (ص/ح)

حدیث نمبر: 680 --- حکم البانی: صحيح ، الإرواء ( 834 ) ... ابوہریرہ ؓ کہتے ہیں کہ میں نے رسول اللہ ﷺ کو فرماتے سنا : ” تم میں سے کوئی شخص صبح سویرے جائے اور لکڑیوں کا گٹھر اپنی پیٹھ پر رکھ کر لائے اور اس میں سے (یعنی اس کی قیمت میں سے) صدقہ کرے اور اس طرح لوگوں سے بے نیاز رہے (یعنی ان سے نہ مانگے) اس کے لیے اس بات سے بہتر ہے کہ وہ کسی سے مانگے ، وہ اسے دے یا نہ دے کیونکہ اوپر والا ہاتھ نیچے والے ہاتھ سے افضل ہے ، اور پہلے اسے دو جس کی تم خود کفالت کرتے ہو “ ۔ امام ترمذی کہتے ہیں : ۱- ابوہریرہ کی حدیث حسن صحیح غریب ہے ، ۲- وہ بیان کی حدیث سے جسے انہوں نے قیس سے روایت کی ہے غریب جانی جاتی ہے ، ۳- اس باب میں حکیم بن حزام ، ابو سعید خدری ، زبیر بن عوام ، عطیہ سعدی ، عبداللہ بن مسعود ، مسعود بن عمرو ، ابن عباس ، ثوبان ، زیاد بن حارث صدائی ، انس ، حبشی بن جنادہ ، قبیصہ بن مخارق ، سمرہ اور ابن عمر ؓ سے بھی احادیث آئی ہیں ۔ ... (ص/ح)

حدیث نمبر: 1970 --- حکم البانی: صحيح ، التعليق الرغيب ( 3 / 264 ) ... جابر بن عبداللہ ؓ کہتے ہیں کہ رسول اللہ ﷺ نے فرمایا : ” ہر بھلائی صدقہ ہے ، اور بھلائی یہ بھی ہے کہ تم اپنے بھائی سے خوش مزاجی کے ساتھ ملو اور اپنے ڈول سے اس کے ڈول میں پانی ڈال دو “ ۔ امام ترمذی کہتے ہیں : ۱- یہ حدیث حسن صحیح ہے ، ۲- اس باب میں ابوذر ؓ سے بھی روایت ہے ۔ ... (ص/ح)

حدیث نمبر: 2997 --- حکم البانی: صحيح ، صحيح أبي داود ( 1482 ) ... انس ؓ کہتے ہیں کہ جب یہ آیت : « لن تنالوا البر حتى تنفقوا مما تحبون » یا « من ذا الذي يقرض اللہ قرضا حسنا » نازل ہوئی ۔ اس وقت ابوطلحہ ؓ کے پاس ایک باغ تھا ، انہوں نے کہا : اللہ کے رسول ! میرا باغ اللہ کی رضا کے لیے صدقہ ہے ، اگر میں اسے چھپا سکتا (تو چھپاتا) اعلان نہ کرتا آپ ﷺ نے فرمایا : ” اسے اپنے رشتہ داروں کے لیے وقف کر دو “ ۔ امام ترمذی کہتے ہیں : ۱- یہ حدیث حسن صحیح ہے ، ۲- اس حدیث کو مالک بن انس نے اسحاق بن عبداللہ بن ابوطلحہ کے واسطہ سے انس بن مالک ؓ سے روایت کی ہے ۔ ... (ص/ح)

حدیث نمبر: 3079 --- رقم الحديث ترقيم الباني: 3308... رسول اللہ ﷺ نے فرمایا : کیا میں تمہیں ایسی چیز نہ بتلاؤں جس کے ذریعے تم اپنے سے پہلوں کو پالو گے ، بعد والے تمہارے (‏‏‏‏مرتبے کو) نہ پہنچ سکیں گے اور تم تمام لوگوں میں بہترین قرار پاؤ گے ، مگر وہی شخص جو اسی طرح کا عمل کرے گا ۔ (‏‏‏‏ ‏‏‏‏عمل یہ ہے) تم لوگ ہر نماز کے بعد « سبحان اللہ » ، « الحمد للہ » اور « اللہ اكبر » تینتیس تینتیس دفعہ کہا کرو ۔ “ یہ حدیث سیدنا ابوہریرہ ، سیدنا ابوذر ، سیدنا ابودردا ، سیدنا ابن عباس اور سیدنا ابن عمر ؓ سے مروی ہے ۔ سیدنا ابوہریرہ ؓ کی حدیث ، جسے ان سے ابوصالح نے روایت ہے ، فقراء لوگ ، نبی کریم ﷺ کے پاس آئے اور عرض کیا کہ بلند درجے اور ہمیشہ رہنے والی نعمتیں تو مالدار لوگ لے گئے ، وہ نماز تو ہماری طرح پڑھتے ہیں اور روزہ بھی ہماری طرح رکھتے ہیں ۔ لیکن ان کے لیے مالوں سے حاصل ہونے والی فضیلت زیادہ ہے ، وہ حج کرتے ہیں ، عمرہ کرتے ہیں ، جہاد کرتے ہیں اور صدقہ کرتے ہیں ۔ راوی کہتا ہے : . . . (‏‏‏‏اوپر والی حدیث ذکر کی) (‏‏‏‏تسبیحات کی تعداد کے بارے میں) ہم اختلاف میں پڑھ گئے ، کوئی کہتا کہ تینتیس دفعہ « سبحان اللہ » تینتیس دفعہ « الحمد للہ » اور چونتیس دفعہ « اللہ اكبر » کہنا ہے (‏‏‏‏اور کوئی کچھ اور کہتا) ۔ میں آپ ﷺ کے پاس گیا اور (‏‏‏‏سارا مسئلہ ذکر کیا تو) آپ ﷺ نے فرمایا : ” « سبحان اللہ » ، « الحمد للہ » اور « اللہ اكبر » میں سے ہر ایک تینتیس تینتیس بار کہنا ہے ۔ “

حدیث نمبر: 1141 --- حکم البانی: صحيح... جابر بن عبداللہ ؓ کہتے ہیں کہ نبی اکرم ﷺ عید الفطر کے دن کھڑے ہوئے تو خطبہ سے پہلے نماز ادا کی ، پھر لوگوں کو خطبہ دیا تو جب اللہ کے نبی اکرم ﷺ فارغ ہو کر اترے تو عورتوں کے پاس تشریف لے گئے اور انہیں وعظ و نصیحت کی اور آپ بلال ؓ کے ہاتھ پر ٹیک لگائے ہوئے تھے اور بلال ؓ اپنا کپڑا پھیلائے ہوئے تھے ، جس میں عورتیں صدقہ ڈالتی جاتی تھیں ، کوئی اپنا چھلا ڈالتی تھی اور کوئی کچھ ڈالتی اور کوئی کچھ ۔ ... (ص/ح) ... حدیث متعلقہ ابواب: نماز عید میں خطبہ سے پہلے نماز ادا کرنا ۔