حدیث نمبر: 1314 --- حکم البانی: صحيح... سعید بن جبیر نے ایک ایسے شخص سے جو ان کے نزدیک پسندیدہ ہے روایت کی ہے کہ ام المؤمنین عائشہ ؓ نے خبر دی ہے کہ رسول اللہ ﷺ نے فرمایا : ” کوئی شخص جو رات کو تہجد پڑھتا ہو اور کسی رات اس پر نیند غالب آ جائے (اور وہ نہ اٹھ سکے) تو اس کے لیے نماز کا ثواب لکھا جائے گا ، اس کی نیند اس پر صدقہ ہو گی “ ۔ ... (ص/ح)

حدیث نمبر: 1951 --- حکم البانی: ضعيف الضعيفة ( 1887 ) // ضعيف الجامع الصغير ( 4642 ) //... جابر بن سمرہ ؓ کہتے ہیں کہ رسول اللہ ﷺ نے فرمایا : ” اپنے لڑکے کو ادب سکھانا ایک صاع صدقہ دینے سے بہتر ہے “ ۔ امام ترمذی کہتے ہیں : ۱- یہ حدیث غریب ہے ، ۲- راوی ناصح کی کنیت ابوالعلا ہے ، اور یہ کوفہ کے رہنے والے ہیں ، محدثین کے نزدیک قوی نہیں ہیں ، یہ حدیث صرف اسی سند سے معروف ہے ، ۳- ناصح ایک دوسرے شیخ بھی ہیں جو بصرہ کے رہنے والے ہیں ، عمار بن ابوعمار وغیرہ سے حدیث روایت کرتے ہیں ، اور یہ ان سے زیادہ قوی ہیں ۔ ... (ض)

حدیث نمبر: 1583 --- حکم البانی: حسن... ابی بن کعب ؓ کہتے ہیں کہ نبی اکرم ﷺ نے مجھے صدقہ وصول کرنے کے لیے بھیجا ، میں ایک شخص کے پاس سے گزرا ، جب اس نے اپنا مال اکٹھا کیا تو میں نے اس پر صرف ایک بنت مخاض کی زکاۃ واجب پائی ، میں نے اس سے کہا : ایک بنت مخاض دو ، یہی تمہاری زکاۃ ہے ، وہ بولا : بنت مخاض میں نہ تو دودھ ہے اور نہ وہ اس قابل ہے کہ (اس پر) سواری کی جا سکے ، یہ لو ایک اونٹنی جوان ، بڑی اور موٹی ، میں نے اس سے کہا : میں ایسی چیز کبھی نہیں لے سکتا جس کے لینے کا مجھے حکم نہیں ، البتہ رسول اللہ ﷺ تو تم سے قریب ہیں اگر تم چاہو تو ان کے پاس جا کر وہی بات پیش کرو جو تم نے مجھ سے کہی ہے ، اب اگر آپ ﷺ قبول فرما لیتے ہیں تو میں بھی اسے لے لوں گا اور اگر آپ واپس کر دیتے ہیں تو میں بھی واپس کر دوں گا ، اس نے کہا : ٹھیک ہے میں چلتا ہوں اور وہ اس اونٹنی کو جو اس نے میرے سامنے پیش کی تھی ، لے کر میرے ساتھ چلا ، جب ہم رسول اللہ ﷺ کے پاس پہنچے تو اس نے آپ ﷺ سے کہا : اللہ کے نبی ! آپ کا قاصد میرے پاس مال کی زکاۃ لینے آیا ، قسم اللہ کی ! اس سے پہلے کبھی نہ رسول اللہ ﷺ نے میرے مال کو دیکھا اور نہ آپ کے قاصد نے ، میں نے اپنا مال اکٹھا کیا تو اس نے کہا : تجھ پر ایک بنت مخاض لازم ہے اور بنت مخاض نہ دودھ دیتی ہے اور نہ ہی وہ سواری کے لائق ہوتی ہے ، لہٰذا میں نے اسے ایک بڑی موٹی اور جوان اونٹنی پیش کی ، لیکن اسے لینے سے اس نے انکار کر دیا اور وہ اونٹنی یہ ہے جسے لے کر میں آپ کی خدمت میں آیا ہوں ، اللہ کے رسول ! اسے لے لیجئے ، رسول اللہ ﷺ نے اس سے فرمایا : ” تم پر واجب تو بنت مخاض ہی ہے ، لیکن اگر تم خوشی سے اسے دے رہے ہو تو اللہ تمہیں اس کا اجر عطا کرے گا اور ہم اسے قبول کر لیں گے “ ، وہ شخص بولا : اے اللہ کے رسول ! اسے لے لیجئے ، یہ وہی اونٹنی ہے پھر رسول اللہ ﷺ نے اسے لے لینے کا حکم دیا اور اس کے لیے اس کے مال میں برکت کی دعا کی ۔ ... (ص/ح) ... حدیث متعلقہ ابواب: زکاۃ دینے والا اپنی مرضی سے زیادہ زکاۃ ادا کرے تو اس کے لیے بہت زیادہ ثواب ہے ۔

حدیث نمبر: 1567 --- حکم البانی: صحيح... حماد کہتے ہیں میں نے ثمامہ بن عبداللہ بن انس سے ایک کتاب لی ، وہ کہتے تھے : یہ ابوبکر ؓ نے انس ؓ کے لیے لکھی تھی ، اس پر رسول اللہ ﷺ کی مہر لگی ہوئی تھی ، جب آپ نے انہیں صدقہ وصول کرنے کے لیے بھیجا تھا تو یہ کتاب انہیں لکھ کر دی تھی ، اس میں یہ عبارت لکھی تھی : ” یہ فرض زکاۃ کا بیان ہے جو رسول اللہ ﷺ نے مسلمانوں پر مقرر فرمائی ہے اور جس کا حکم اللہ تعالیٰ نے اپنے نبی اکرم ﷺ کو دیا ہے ، لہٰذا جس مسلمان سے اس کے مطابق زکاۃ طلب کی جائے ، وہ اسے ادا کرے اور جس سے اس سے زائد طلب کی جائے ، وہ نہ دے : پچیس (۲۵) سے کم اونٹوں میں ہر پانچ اونٹ پر ایک بکری ہے ، جب پچیس اونٹ پورے ہو جائیں تو پینتیس (۳۵) تک میں ایک بنت مخاض ہے ، اگر بنت مخاض نہ ہو تو ابن لبون دیدے ، اور جب چھتیس (۳۶) اونٹ ہو جائیں تو پینتالیس (۴۵) تک میں ایک بنت لبون ہے ، جب چھیالیس (۴۶) اونٹ پورے ہو جائیں تو ساٹھ (۶۰) تک میں ایک حقہ واجب ہے ، اور جب اکسٹھ (۶۱) اونٹ ہو جائیں تو پچہتر (۷۵) تک میں ایک جذعہ واجب ہو گی ، جب چھہتر (۷۶) اونٹ ہو جائیں تو نو ے (۹۰) تک میں دو بنت لبون دینا ہوں گی ، جب اکیانوے (۹۱) ہو جائیں تو ایک سو بیس (۱۲۰) تک دو حقہ اور جب ایک سو بیس (۱۲۰) سے زائد ہوں تو ہر چالیس (۴۰) میں ایک بنت لبون اور ہر پچاس (۵۰) میں ایک حقہ دینا ہو گا ۔ اگر وہ اونٹ جو زکاۃ میں ادا کرنے کے لیے مطلوب ہے ، نہ ہو ، مثلاً کسی کے پاس اتنے اونٹ ہوں کہ اسے جذعہ دینا ہو لیکن اس کے پاس جذعہ نہ ہو بلکہ حقہ ہو تو حقہ ہی لے لی جائے گی ، اور ساتھ ساتھ دو بکریاں ، یا بیس درہم بھی دیدے ۔ یا اسی طرح کسی کے پاس اتنے اونٹ ہوں کہ ان میں حقہ دینا ہو لیکن اس کے پاس حقہ نہ ہو بلکہ جذعہ ہو تو اس سے جذعہ ہی قبول کر لی جائے گی ، البتہ اب اسے عامل (زکاۃ وصول کرنے والا) بیس درہم یا دو بکریاں لوٹائے گا ، اسی طرح سے کسی کے پاس اتنے اونٹ ہوں کہ ان میں حقہ دینا ہو لیکن اس کے پاس حقہ کے بجائے بنت لبون ہوں تو بنت لبون ہی اس سے قبول کر لی جائے گی “ ۔ ابوداؤد کہتے ہیں : میں موسیٰ سے حسب منشاء اس عبارت سے « ويجعل معہا شاتين إن استيسرتا لہ ، أو عشرين درہمًا » سے لے کر « ومن بلغت عندہ صدقۃ بنت لبون وليس عندہ إلا حقۃ فإنہا تقبل منہ » تک اچھی ضبط نہ کر سکا ، پھر آگے مجھے اچھی طرح یاد ہے : یعنی اگر اسے میسر...

حدیث نمبر: 7420 --- ‏‏‏‏ مطرف سے روایت ہے ، انہوں نے سنا اپنے باپ سے ، وہ کہتے تھے : میں رسول اللہ ﷺ کے پاس آیا آپ ﷺ « أَلْہَاكُمُ التَّكَاثُرُ » پڑھ رہے تھے ، آپ ﷺ نے فرمایا : ”آدمی کہتا ہے مال میرا ، مال میرا اور اے آدمی ! تیرا مال کیا ہے ؟ تیرا مال وہی ہے جو تو نے کھایا اور فنا کیا یا پہنا اور پرانا کیا یا صدقہ دیا اور چھٹی کی ۔ “

حدیث نمبر: 2391 --- حکم البانی: صحيح ، الإرواء ( 887 ) ... ابوہریرہ یا ابو سعید خدری ؓ کہتے ہیں کہ رسول اللہ ﷺ نے فرمایا : ” سات قسم کے لوگ ایسے ہیں جنہیں اللہ تعالیٰ اس دن کہ جب اس کے (عرش کے) سائے کے علاوہ کوئی سایہ نہ ہو گا اپنے عرش کے سائے میں جگہ دے گا : ان میں سے ایک انصاف کرنے والا حکمراں ہے ، دوسرا وہ نوجوان ہے جو اللہ کی عبادت میں پلا بڑھا ، تیسرا وہ شخص ہے جس کا دل مسجد میں لگا ہوا ہو چوتھا وہ دو آدمی جنہوں نے صرف اللہ کی رضا کے لیے ایک دوسرے کے ساتھ محبت کی ، اسی کے واسطے جمع ہوتے ہیں اور اسی کے واسطے الگ ہوتے ہیں ، پانچواں وہ آدمی جو تنہائی میں اللہ کا ذکر کرے اور عذاب الٰہی کے خوف میں آنسو بہائے ، چھٹا وہ آدمی جسے خوبصورت عورت گناہ کی دعوت دے ، لیکن وہ کہے کہ مجھے اللہ کا خوف ہے ، ساتواں وہ آدمی جس نے کوئی صدقہ کیا تو اسے چھپایا یہاں تک کہ اس کے بائیں ہاتھ کو بھی نہ پتہ چلے کہ دائیں ہاتھ نے کیا خرچ کیا ۔ امام ترمذی کہتے ہیں : ۱- یہ حدیث حسن صحیح ہے ، ۲- یہ حدیث امام مالک بن انس سے اس کے علاوہ دوسری سندوں سے بھی اسی کے مثل مروی ہے ، ان میں بھی راوی نے شک کا اظہار کیا ہے اور کہا ہے « عن أبي ہريرۃ أو عن أبي سعيد » اور عبیداللہ بن عمر عمری نے اس حدیث کو خبیب بن عبدالرحمٰن سے بغیر شک کے روایت کیا ہے ، اس میں انہوں نے صرف « عن أبي ہريرۃ » کہا ہے ۔ ... (ص/ح)

حدیث نمبر: 7268 --- ‏‏‏‏ سیدنا حذیفہ ؓ سے روایت ہے ، ہم سیدنا عمر ؓ کے پاس بیٹھے تھے ، انہوں نے کہا : تم میں سے کس کو رسول اللہ ﷺ کی حدیث یاد ہے فتنے کے باب میں ؟ میں نے کہا : مجھ کو یاد ہے سیدنا عمر ؓ نے کہا : تم بڑے بہادر ہو بھلا کہو آپ ﷺ نے کیا فرمایا ؟ میں نے کہا : میں نے سنا رسول اللہ ﷺ سے ، آپ ﷺ فرماتے تھے : ” آدمی کو جو فتنہ ہوتا ہے اس کے گھر والوں ، مال ، جان ، اولاد اور ہمسایہ سے اس کا کفارہ ہو جاتا ہے روزہ ، نماز ، صدقہ ، اچھی بات کا حکم کرنا اور بری بات سے منع کرنا ۔ “ سیدنا عمر ؓ نے کہا : میں اس فتنہ کو نہیں پوچھتا میں تو اس فتنہ کو پوچھتا ہوں جو موج مارے گا دریا کی موج کی طرح (یعنی اس کا اثر سب مسلمانوں کو پہنچے گا) میں نے کہا : اے امیرالمؤمنین ! آپ کو اس فتنہ سے کیا غرض ہے آپ کے اور اس کے درمیان تو ایک بند دروازہ ہے ۔ سیدنا عمر ؓ نے کہا : وہ دروازہ ٹوٹ جائے گا یا کھل جائے گا ؟ میں نے کہا : نہیں وہ ٹوٹ جائے گا ۔ سیدنا عمر ؓ نے کہا : ایسا ہے تو پھر کبھی بند نہ ہو گا (کیونکہ جب دروازہ ٹوٹ گیا تو بند کیسے ہو سکتا ہے) ۔ شقیق نے کہا : ہم لوگوں نے سیدنا حذیفہ ؓ سے کہا : کیا سیدنا عمر ؓ کو معلوم تھا ۔ فرمایا ہاں ، جیسے یہ معلوم تھا کہ کل کہ دن کے بعد رات ہے ۔ اور میں نے ان سے ایک حدیث بیان کی تھی جو لغو نہ تھی ۔ شقیق نے کہا : ہم لوگ ڈرے سیدنا حذیفہ ؓ سے یہ پوچھنے میں کہ وہ دروازہ کون ہے ؟ ہم نے مسروق سے کہا : تم پوچھو ۔ انہوں نے حذیفہ ؓ سے پوچھا : حذیفہ ؓ نے کہا : وہ دروازہ عمر ؓ کی ذات تھی ۔

حدیث نمبر: 2536 --- رقم الحديث ترقيم الباني: 3242... سیدنا براء بن عازب ؓ سے روایت ہے ، وہ کہتے ہیں : رسول اللہ ﷺ غزوہ احزاب اور ایک روایت کے مطابق غزوہ خندق والے دن ہمارے ساتھ مٹی ا‏‏‏‏ٹھا رہے تھے ، مٹی نے آپ ﷺ کے پیٹ مبارک کی سفیدی کو (‏‏‏‏اور ایک روایت کے مطابق سینہ مبارک کے بالوں کو) چھپا دیا تھا ، آپ ﷺ بہت زیادہ بالوں والے تھے اور اس وقت آپ سیدنا عبداللہ بن رواحہ کے (‏‏‏‏‏‏‏‏درج ذیل) رجزیہ اشعار پڑھ رہے تھے : ”اللہ کی قسم ! اگر آپ نہ ہوتے تو ہمیں ہدایت نہ ملتی ، نہ ہم صدقہ کرتے اور نہ ہی نماز پڑھتے (‏‏‏‏اے اللہ !) ہم پر سکینت نازل فرما اور اگر (‏‏‏‏دشمن سے) مڈبھیڑ ہو جائے تو ہمیں ثابت قدم رکھنا ، بےشک ظالموں نے ہم پر زیادتی کی ہے ، جب وہ (‏‏‏‏ہمارے دین میں) فتنہ ڈالنا چاہیں گے ، تو ہم انکار کر دیں گے ، انکار کر دیں گے ۔ “ یہ جملہ کہتے وقت آپ ﷺ اپنی آواز بلند کرتے تھے ۔

حدیث نمبر: 1962 --- حکم البانی: ضعيف الضعيفة ( 1119 ) ، نقد الكتاني ( 33 / 33 ) // ضعيف الجامع الصغير ( 2833 ) //... ابو سعید خدری ؓ کہتے ہیں کہ رسول اللہ ﷺ نے فرمایا : ” مومن کے اندر دو خصلتیں بخل اور بداخلاقی جمع نہیں ہو سکتیں “ ۔ امام ترمذی کہتے ہیں : ۱- یہ حدیث غریب ہے ، ہم اسے صرف صدقہ بن موسیٰ کی روایت سے ہی جانتے ہیں ۔ ۲- اس باب میں ابوہریرہ ؓ سے بھی روایت ہے ۔ ... (ض)

حدیث نمبر: 1965 --- حکم البانی: صحيح ، الصحيحة ( 982 ) ... ابومسعود انصاری ؓ سے روایت ہے کہ نبی اکرم ﷺ نے فرمایا : ” آدمی کا اپنے بال بچوں پر خرچ کرنا صدقہ ہے “ ۔ امام ترمذی کہتے ہیں : ۱- یہ حدیث حسن صحیح ہے ، ۲- اس باب میں عبداللہ بن عمرو ، عمرو بن امیہ ضمری اور ابوہریرہ ؓ سے بھی احادیث آئی ہیں ۔ ... (ص/ح)