اس سند سے بھی ابوسعید ؓ سے اسی طرح کی حدیث مرفوعاً مروی ہے

حدیث نمبر: 3528 --- حکم البانی: صحيح... ام المؤمنین عائشہ ؓ سے روایت ہے کہ نبی اکرم ﷺ دعا پڑھ کر (منتر) کو پھونکا کرتے تھے ۔ ... (ص/ح)

حدیث نمبر: 3892 --- حکم البانی: ضعيف... ابو الدرداء ؓ کہتے ہیں کہ میں نے رسول اللہ ﷺ کو فرماتے ہوئے سنا : ” تم میں سے جو بیمار ہو یا جس کا کوئی بھائی بیمار ہو تو چاہیئے کہ وہ کہے : « ربنا اللہ الذي في السماء تقدس اسمك أمرك في السماء والأرض كما رحمتك في السماء فاجعل رحمتك في الأرض اغفر لنا حوبنا وخطايانا أنت رب الطيبين أنزل رحمۃ من رحمتك وشفاء من شفائك على ہذا الوجع » ” ہمارے رب ! جو آسمان کے اوپر ہے تیرا نام پاک ہے ، تیرا ہی اختیار ہے آسمان اور زمین میں ، جیسی تیری رحمت آسمان میں ہے ویسی ہی رحمت زمین پر بھی نازل فرما ، ہمارے گناہوں اور خطاؤں کو بخش دے ، تو (رب پروردگار) ہے پاک اور اچھے لوگوں کا ، اپنی رحمتوں میں سے ایک رحمت اور اپنی شفاء میں سے ایک شفاء اس درد پر بھی نازل فرما “ تو وہ صحت یاب ہو جائے گا “ ۔ ... (ض) ... حدیث متعلقہ ابواب: مسنون اذکار ۔

حدیث نمبر: 3901 --- حکم البانی: صحيح... خارجہ بن صلت تمیمی اپنے چچا سے روایت کرتے ہیں ، وہ کہتے ہیں ہم رسول اللہ ﷺ کے پاس سے چلے اور عرب کے ایک قبیلہ کے پاس آئے تو وہ لوگ کہنے لگے : ہمیں معلوم ہوا ہے کہ آپ اس شخص کے پاس سے آ رہے ہیں جو خیر و بھلائی لے کر آیا ہے تو کیا آپ کے پاس کوئی دوا یا منتر ہے ؟ کیونکہ ہمارے پاس ایک دیوانہ ہے جو بیڑیوں میں جکڑا ہوا ہے ، ہم نے کہا : ہاں ، تو وہ اس پاگل کو بیڑیوں میں جکڑا ہوا لے کر آئے ، میں اس پر تین دن تک سورۃ فاتحہ پڑھ کر دم کرتا رہا ، وہ اچھا ہو گیا جیسے کوئی قید سے چھوٹ گیا ہو ، پھر انہوں نے مجھے اس کی اجرت دی ، میں نے کہا : میں نہیں لوں گا جب تک میں رسول اللہ ﷺ سے پوچھ نہ لوں ، چنانچہ میں نے رسول اللہ ﷺ سے پوچھا تو آپ نے فرمایا : ” کھاؤ ، قسم ہے میری عمر کی لوگ تو جھوٹا منتر کر کے کھاتے ہیں تم نے تو جائز منتر کر کے کھایا ہے “ ۔ ... (ص/ح)

حدیث نمبر: 3885 --- حکم البانی: ضعيف الإسناد... ثابت بن قیس ؓ کہتے ہیں کہ رسول اللہ ﷺ ان کے پاس تشریف لائے ، وہ بیمار تھے تو آپ نے فرمایا : « اكشف الباس رب الناس ‏ ‏ ‏.‏ عن ثابت بن قيس » ” لوگوں کے رب ! اس بیماری کو ثابت بن قیس سے دور فرما دے “ پھر آپ نے وادی بطحان کی تھوڑی سی مٹی لی اور اسے ایک پیالہ میں رکھا پھر اس میں تھوڑا سا پانی ڈال کر اس پر دم کیا اور اسے ان پر ڈال دیا ۔ ابوداؤد کہتے ہیں : ابن سرح کی روایت میں یوسف بن محمد ہے اور یہی صحیح ہے ۔ ... (ض) ... حدیث متعلقہ ابواب: مسنون اذکار ۔

حدیث نمبر: 3902 --- حکم البانی: صحيح... ام المؤمنین عائشہ ؓ فرماتی ہیں کہ رسول اللہ ﷺ جب بیمار ہوتے تو آپ اپنے اوپر معوذات پڑھ کر دم فرماتے تھے ، پھر جب آپ ﷺ کی تکلیف بڑھ گئی تو میں اسے آپ پر پڑھ کر دم کرتی اور برکت کی امید سے آپ کا ہاتھ آپ کے جسم پر پھیرتی ۔ ... (ص/ح)

حدیث نمبر: 3891 --- حکم البانی: صحيح... عثمان ؓ کہتے ہیں کہ وہ نبی اکرم ﷺ کے پاس آئے ، عثمان کہتے ہیں : اس وقت مجھے ایسا درد ہو رہا تھا کہ لگتا تھا کہ وہ مجھے ہلاک کر دے گا ، تو رسول اللہ ﷺ نے فرمایا : ” اپنا داہنا ہاتھ اس پر سات مرتبہ پھیرو اور کہو : « أعوذ بعزۃ اللہ وقدرتہ من شر ما أجد » ” میں اللہ کی عزت اور اس کی قدرت کی پناہ چاہتا ہوں اس چیز کی برائی سے جو میں پاتا ہوں “ ۔ میں نے اسے کیا تو اللہ تعالیٰ نے مجھے جو تکلیف تھی وہ دور فرما دی اس وقت سے میں برابر اپنے گھر والوں کو اور دوسروں کو اس کا حکم دیا کرتا ہوں ۔ ... (ص/ح) ... حدیث متعلقہ ابواب: مسنون اذکار ۔

حدیث نمبر: 3894 --- حکم البانی: صحيح... یزید بن ابی عبید کہتے ہیں کہ میں نے سلمہ ؓ کی پنڈلی میں چوٹ کا ایک نشان دیکھا تو میں نے پوچھا : یہ کیا ہے ؟ انہوں نے کہا : مجھے یہ چوٹ خیبر کے دن لگی تھی ، لوگ کہنے لگے تھے : سلمہ ؓ کو ایسی چوٹ لگی ہے (اب بچ نہیں سکیں گے) تو مجھے نبی اکرم ﷺ کے پاس لایا گیا ، آپ نے تین بار مجھ پر دم کیا اس کے بعد سے اب تک مجھے اس میں کوئی تکلیف نہیں محسوس ہوئی ۔ ... (ص/ح)

اس سند سے بھی ابوسعید سے اسی طرح کی حدیث مرفوعاً مروی ہے ابن ماجہ کہتے ہیں : (ابن ابی المتوکل کے بجائے) صحیح ابوالمتوکل ہی ہے

حدیث نمبر: 3588 --- حکم البانی: صحيح ، الصحيحة ( 1258 ) ... ثابت بنانی اپنے شاگرد محمد بن سالم سے کہتے ہیں کہ جب تمہیں درد ہو تو جہاں درد اور تکلیف ہو وہاں ہاتھ رکھو پھر پڑھو : « بسم اللہ أعوذ بعزۃ اللہ وقدرتہ من شر ما أجد من وجعي ہذا » ” اللہ کے نام سے اللہ کی عزت و قدرت کے سہارے میں اپنی اس تکلیف کے شر سے جو میں محسوس کر رہا ہوں پناہ چاہتا ہوں “ ۔ ، پھر (درد کی جگہ سے) ہاتھ ہٹا لو پھر ایسے ہی طاق (تین یا پانچ یا سات) بار کرو ، کیونکہ انس بن مالک نے مجھ سے بیان کیا ہے کہ رسول اللہ ﷺ نے ان سے ایسا ہی بیان کیا ۔ امام ترمذی کہتے ہیں : یہ حدیث اس سند سے حسن غریب ہے ، اور محمد بن سالم یہ بصریٰ شیخ ہیں ۔ ... (ص/ح)