حدیث نمبر: 602 --- حکم البانی: صحيح ، صحيح أبي داود ( 1262 ) ، صفة الصلاة... ابووائل شقیق بن سلمہ کہتے ہیں : ایک شخص نے عبداللہ بن مسعود ؓ سے لفظ « غَيْرِ آسِنٍ » یا « يَاسِنٍ » کے بارے میں پوچھا تو انہوں نے کہا : کیا تم نے اس کے علاوہ پورا قرآن پڑھ لیا ہے ؟ اس نے کہا : جی ہاں ، انہوں نے کہا : ایک قوم اسے ایسے پڑھتی ہے جیسے کوئی خراب کھجور جھاڑ رہا ہو ، یہ ان کے گلے سے آگے نہیں بڑھتا ، میں ان متشابہ سورتوں کو جانتا ہوں جنہیں رسول اللہ ﷺ ملا کر پڑھتے تھے ۔ ابووائل کہتے ہیں : ہم نے علقمہ سے پوچھنے کے لیے کہا تو انہوں نے ابن مسعود ؓ سے پوچھا : انہوں نے بتایا کہ یہ مفصل کی بیس سورتیں ہیں نبی اکرم ﷺ ہر رکعت میں دو دو سورتیں ملا کر پڑھتے تھے ۔ امام ترمذی کہتے ہیں : يَاسِنٍ یہ حدیث حسن صحیح ہے ۔ ... (ص/ح)

حدیث نمبر: 313 --- حکم البانی: صحيح... عبدالرحمٰن بن ابزی سے روایت ہے کہ ایک شخص عمر ؓ کے پاس آیا ، اور کہا کہ میں جنبی ہو گیا ہوں اور مجھے پانی نہیں ملا ، (کیا کروں ؟) عمر ؓ نے کہا : (غسل کئے بغیر) نماز نہ پڑھو ، اس پر عمار بن یاسر ؓ نے کہا : امیر المؤمنین ! کیا آپ کو یاد نہیں کہ میں اور آپ دونوں ایک سریہ (فوجی مہم) میں تھے ، تو ہم جنبی ہو گئے ، اور ہمیں پانی نہیں ملا ، تو آپ نے تو نماز نہیں پڑھی ، اور رہا میں تو میں نے مٹی میں لوٹ پوٹ کر نماز پڑھ لی ، پھر ہم نبی اکرم ﷺ کے پاس آئے ، اور آپ سے ہم نے اس کا ذکر کیا تو نبی اکرم ﷺ نے فرمایا : ” تمہارے لیے بس اتنا ہی کافی تھا “ ، پھر آپ ﷺ نے دونوں ہاتھ زمین پر مارا ، پھر ان میں پھونک ماری ، پھر ان دونوں سے اپنے چہرہ اور دونوں ہتھیلیوں پر مسح کیا - سلمہ کو شک ہے ، وہ یہ نہیں جان سکے کہ اس میں مسح کا ذکر دونوں کہنیوں تک ہے یا دونوں ہتھیلیوں تک - (عمار ؓ کی بات سن کر) عمر ؓ نے کہا : جو تم کہہ رہے ہو ہم تمہیں کو اس کا ذمہ دار بناتے ہیں “ ۔ ... (ص/ح)

حدیث نمبر: 5667 --- ہم سے موسیٰ بن اسماعیل نے بیان کیا ، کہا ہم سے عبدالعزیز بن مسلم نے بیان کیا ، کہا ہم سے سلیمان اعمش نے بیان کیا ، ان سے ابراہیم تیمی نے ، ان سے حارث بن سوید نے اور ان سے عبداللہ بن مسعود ؓ نے بیان کیا کہ میں نبی کریم ﷺ کی خدمت میں حاضر ہوا تو آپ کو بخار آیا ہوا تھا میں نے آپ کا جسم چھو کر عرض کیا کہ آپ کو بڑا تیز بخار ہے ۔ نبی کریم ﷺ نے فرمایا کہ ہاں تم میں کے دو آدمیوں کے برابر ہے ۔ ابن مسعود ؓ نے عرض کیا کہ نبی کریم ﷺ کا اجر بھی دو گنا ہے ۔ کہا ہاں پھر آپ نے فرمایا کہ کسی مسلمان کو بھی جب کسی مرض کی تکلیف یا اور کوئی تکلیف پہنچتی ہے تو اللہ اس کے گناہ کو اس طرح جھاڑ دیتا ہے جس طرح درخت اپنے پتوں کو جھاڑتا ہے ۔

حدیث نمبر: 469 --- ‏‏‏‏ ابوالزبیر نے سنا سیدنا جابر بن عبداللہ انصاری ؓ سے ۔ ان سے پوچھا گیا : لوگوں کے آنے کا حال قیامت کے دن ۔ انہوں نے کہا ۔ ہم آئیں گے قیامت کے دن اس طرح سے دیکھ یعنی یہ اوپر سب آدمیوں کے ، پھر بلائی جائیں گی امتیں اپنے اپنے بتوں اور معبودوں کے ساتھ پہلی امت پھر دوسری امت بعد اس کے ہمارا پروردگار آئے گا اور فرمائے گا : تم کس کو دیکھ رہے ہو ؟ (یعنی امت محمدی ﷺ سے مخاطب ہو کر ارشاد فرمائے گا ۔) وہ کہیں گے : ہم اپنے پروردگار کو دیکھ رہے ہیں (یعنی اس کے منتظر ہیں) پروردگار فرمائے گا : میں تمہارا مالک ہوں وہ کہیں گے : ہم تجھ کو دیکھیں (تو معلوم ہو) پھر دکھائی دے گا پروردگار ان کو ہنستا ہوا اور ان کے ساتھ چلے گا ۔ اور لوگ سب اس کے پیچھے ہوں گے اور ہر ایک آدمی کو خواہ وہ منافق ہو یا مؤمن ایک نور ملے گا لوگ اس کے ساتھ ہوں گے اور جہنم کے پل پر آنکڑے اور کانٹے ہوں گے ۔ وہ پکڑ لیں گے جن کو اللہ چاہے گا ۔ بعد اس کے منافقوں کا نور بجھ جائے گا اور مؤمن نجات پائیں گے ۔ تو پہلا گروہ مؤمنوں کا ان کے منہ چودھویں رات کے چاند کے سے ہوں گے ، ستر ہزار آدمیوں کا ہو گا ۔ جس سے نہ حساب ہو گا ، نہ کتاب ان کے بعد کے گروہ خوب چمکتے تارے کی طرح ہوں گے ۔ پھر ان کے بعد کا ان سے اتر کر یہاں تک کہ شفاعت کا وقت آئے گا اور لوگ شفاعت کریں گے ۔ اور جہنم سے نکالا جائے گا ۔ وہ شخص بھی جس نے « لا الہٰ الا اللہ » کہا تھا اور اس کے دل میں ایک جو برابر نیکی اور بہتری تھی ۔ یہ لوگ جنت کے آنگن میں ڈال ديئے جائیں گے اور جنتی لوگ ان پر پانی چھڑکیں گے ۔ وہ اس طرح پنپیں گے جیسے جھاڑ پانی کے بہاؤ میں پنپتا ہے اور ان کی سوزش اور جلن بالکل جاتی رہے گی ۔ پھر وہ سوال کریں گے اللہ سے اور ہر ایک کو اتنا ملے گا جیسے ساری دنیا بلکہ دس دنیا کے برابر ۔

حدیث نمبر: 130 --- ‏‏‏‏ ابومالک سے روایت ہے کہ اس نے سنا اپنے باپ سے ، کہا : سنا میں نے رسول اللہ ﷺ سے ، آپ ﷺ فرماتے تھے : ”جس شخص نے « لَآ اِلٰہَ اِلَّا اﷲُ » کہا اور انکار کیا ان چیزوں کا جن کو پوجتے ہیں سوائے اللہ کے (آدمی ہوں یا جن ، اوتار ، جھاڑ ، پہاڑ یا بت وغیرہ) تو حرام ہو گیا مال اس کا اور خون اس کا ، اور اس کا حساب اللہ پر ہے ۔ “

حدیث نمبر: 7034 --- تو عبداللہ بن عباس ؓ نے کہا کہ مجھ سے کہا گیا ہے کہ نبی کریم ﷺ نے فرمایا کہ میں نے خواب میں دیکھا کہ دو سونے کے کنگن میرے ہاتھ میں رکھے گئے ہیں تو مجھے اس سے تکلیف پہنچی اور ناگوار ہوئی پھر مجھے اجازت دی گئی اور میں نے ان پر پھونک ماری اور وہ دونوں اڑ گئے ۔ میں نے اس کی تعبیر لی کہ دو جھوٹے پیدا ہوں گے ۔ عبیداللہ نے بیان کیا کہ ان میں سے ایک تو العنسی تھا جسے یمن میں فیروز نے قتل کیا اور دوسرا مسیلمہ ۔

حدیث نمبر: 6203 --- ہم سے مسدد نے بیان کیا ، کہا ہم سے عبدالوارث نے بیان کیا ، ان سے ابوالتیاح نے اور ان سے انس ؓ نے بیان کیا کہ نبی کریم ﷺ حسن اخلاق میں سب لوگوں سے بڑھ کر تھے ، میرا ایک بھائی ابوعمیر نامی تھا ۔ بیان کیا کہ میرا خیال ہے کہ بچہ کا دودھ چھوٹ چکا تھا ۔ نبی کریم ﷺ جب تشریف لاتے تو اس سے مزاحاً فرماتے « يا أبا عمير ما فعل النغير » اکثر ایسا ہوتا کہ نماز کا وقت ہو جاتا اور نبی کریم ﷺ ہمارے گھر میں ہوتے ۔ آپ اس بستر کو بچھانے کا حکم دیتے جس پر آپ بیٹھے ہوئے ہوتے ، چنانچہ اسے جھاڑ کر اس پر پانی چھڑک دیا جاتا ۔ پھر آپ کھڑے ہوتے اور ہم آپ کے پیچھے کھڑے ہوتے اور آپ ہمیں نماز پڑھاتے ۔

حدیث نمبر: 5647 --- ہم سے محمد بن یوسف نے بیان کیا ، کہا ہم سے سفیان ثوری نے بیان کیا ، ان سے اعمش نے ، ان سے ابراہیم تیمی نے ، ان سے حارث بن سوید نے اور ان سے عبداللہ بن مسعود ؓ نے کہ میں رسول اللہ ﷺ کی خدمت میں آپ کے مرض کے زمانہ میں حاضر ہوا نبی کریم ﷺ اس وقت بڑے تیز بخار میں تھے ۔ میں نے عرض کیا : (یا رسول اللہ !) آپ کو بڑا تیز بخار ہے ۔ میں نے یہ بھی کہا کہ یہ بخار آپ کو اس لیے اتنا تیز ہے کہ آپ کا ثواب بھی دوگنا ہے آپ ﷺ نے فرمایا کہ ہاں جو مسلمان کسی بھی تکلیف میں گرفتار ہوتا ہے تو اللہ تعالیٰ اس کی وجہ سے اس کے گناہ اس طرح جھاڑ دیتا ہے جیسے درخت کے پتے جھڑ جاتے ہیں ۔ ... حدیث متعلقہ ابواب: بیماری کو برا نہیں کہنا چاہئے ۔ بیماریاں اور تکلیفیں مسلمانوں کو گناہوں سے پاک کرنے اور درجات بلند کرنے کا باعث بنتی ہے ۔

حدیث نمبر: 4450 --- ہم سے اسماعیل نے بیان کیا ، کہا مجھ سے سلیمان بن بلال نے بیان کیا ، کہا ہم سے ہشام بن عروہ نے بیان کیا ، انہیں ان کے والد نے خبر دی اور انہیں عائشہ ؓ نے کہ مرض الموت میں رسول اللہ ﷺ پوچھتے رہتے تھے کہ کل میرا قیام کہاں ہو گا ، کل میرا قیام کہاں ہو گا ؟ آپ عائشہ ؓ کی باری کے منتظر تھے ، پھر ازواج مطہرات ؓ ن نے عائشہ ؓ کے گھر قیام کی اجازت دے دی اور آپ کی وفات انہیں کے گھر میں ہوئی ۔ عائشہ ؓ نے بیان کیا کہ آپ کی وفات اسی دن ہوئی جس دن قاعدہ کے مطابق میرے یہاں آپ کے قیام کی باری تھی ۔ رحلت کے وقت سر مبارک میرے سینے پر تھا اور میرا تھوک آپ کے تھوک کے ساتھ ملا تھا ۔ انہوں نے بیان کیا کہ عبدالرحمٰن بن ابی بکر ؓ داخل ہوئے اور ان کے ہاتھ میں استعمال کے قابل مسواک تھی ۔ آپ ﷺ نے اس کی طرف دیکھا تو میں نے کہا : عبدالرحمٰن ! یہ مسواک مجھے دے دو ۔ انہوں نے مسواک مجھے دے دی ۔ میں نے اسے اچھی طرح چبایا اور جھاڑ کر آپ ﷺ کو دی ، پھر آپ نے وہ مسواک کی ، اس وقت آپ میرے سینے سے ٹیک لگائے ہوئے تھے ۔

حدیث نمبر: 4375 --- ہم سے اسحاق بن نصر نے بیان کیا ، کہا ہم سے عبدالرزاق نے بیان کیا ، ان سے معمر نے ان سے ہمام نے اور انہوں نے ابوہریرہ ؓ سے سنا ، انہوں نے بیان کیا کہ رسول اللہ ﷺ نے فرمایا ” خواب میں میرے پاس زمین کے خزانے لائے گئے اور میرے ہاتھوں میں سونے کے دو کنگن رکھ دئیے گئے ۔ یہ مجھ پر بڑا شاق گزرا ۔ اس کے بعد مجھے وحی کی گئی کہ میں ان میں پھونک ماروں ۔ میں نے پھونکا تو وہ اڑ گئے ۔ میں نے اس کی تعبیر دو جھوٹوں سے لی جن کے درمیان میں ، میں ہوں یعنی صاحب صنعاء (اسود عنسی) اور صاحب یمامہ (مسیلمہ کذاب) ۔ “