حدیث نمبر: 325 --- حکم البانی: صحيح دون المرفقين والذراعين... حجاج اعور کہتے ہیں کہ شعبہ نے اسی سند سے یہی حدیث بیان کی ہے ، اس میں ہے پھر آپ ﷺ نے اس میں پھونک ماری اور اپنے چہرے اور اپنی دونوں ہتھیلیوں پر کہنیوں یا ذراعین تک پھیرا ۔ شعبہ کا بیان ہے کہ سلمہ کہتے تھے : دونوں ہتھیلیوں ، چہرے اور ذراعین پر پھیرا ، تو ایک دن منصور نے ان سے کہا : جو کہہ رہے ہو خوب دیکھ بھال کر کہو ، کیونکہ تمہارے علاوہ ذراعین کو اور کوئی ذکر نہیں کرتا ۔ ... (ص/ح)

حدیث نمبر: 5935 --- ‏‏‏‏ سیدنا عبداللہ بن عباس ؓ سے روایت ہے ، مسیلمہ کذاب (جو نبوت کا جھوٹا دعویٰ کرتا تھا اور اسی وجہ سے اس کا لقب کذاب ہوا اور رسول اللہ ﷺ کی وفات کے بعد مع اپنے تابعین کے مارا گیا) رسول اللہ ﷺ کے زمانے میں مدینہ منورہ آیا اور کہنے لگا : اگر محمد اپنے بعد اپنی خلافت مجھ کو دیں تو میں ان کی پیروی کرتا ہوں ۔ مسیلمہ اپنے ساتھ بہت سے اپنی قوم کے لوگ لے کر آیا تھا ۔ رسول اللہ ﷺ اس کے پاس تشریف لائے اور آپ ﷺ کے ساتھ ثابت بن قیس بن شماس تھے اور آپ ﷺ کے ہاتھ میں ایک لکڑی کا ٹکڑا تھا ۔ آپ ﷺ مسیلمہ کے لوگوں کے پاس ٹھہرے اور فرمایا : ”اے مسیلمہ ! اگر تو مجھ سے یہ لکڑی کا ٹکڑا مانگے تو تجھ کو نہ دوں گا اور میں اللہ کے حکم کے خلاف تیرے باب میں کرنے والا نہیں اور اگر تو میرا کہنا نہ مانے گا تو اللہ تجھ کو قتل کرے گا (یہ فرمانا آپ ﷺ کا صحیح ہو گیا) اور یقناً میں تجھے وہی جانتا ہوں جو مجھ کو خواب میں دکھلایا گیا اور یہ ثابت تجھے میری طرف سے جواب دے گا ۔ “ پھر آپ ﷺ وہاں سے چلے گئے ۔ سیدنا ابن عباس ؓ نے کہا : میں نے لوگوں سے پوچھا یہ نبی ﷺ نے کیا فرمایا : ”تو وہی ہے جو خواب میں مجھے دکھلایا گیا ۔ “ سیدنا ابوہریرہ ؓ نے مجھ سے بیان کیا کہ رسول اللہ ﷺ نے فرمایا : ”میں سو رہا تھا میں نے اپنے ہاتھ سے سونے کے دو کنگن دیکھے ، وہ مجھ کو برے معلوم ہوئے ، خواب میں ہی مجھ کو حکم ہوا ان کو پھونک مار ، میں نے پھونکا ، وہ دونوں اڑ گئے ، میں نے ان کی تعبیر یہ کہی کہ وہ دونوں جھوٹے ہیں جو میرے بعد نکلیں گے ایک ان میں عنسی تھا صنعا والا اور دوسرا مسیلمہ تھا یمامہ والا ۔ “

حدیث نمبر: 4588 --- ‏‏‏‏ سیدنا عمر بن خطاب ؓ سے روایت ہے ، جس دن بدر کی لڑائی ہوئی رسول اللہ ﷺ نے مشرکوں کو دیکھا وہ ایک ہزار تھے اور آپ ﷺ کے اصحاب تین سو انیس تھے ۔ رسول اللہ ﷺ نے مشرکوں کو دیکھا اور قبلہ کی طرف منہ کیا ، پھر دونوں ہاتھ پھیلائے ، اور پکار کر دعا کرنے لگے اپنے پروردگار سے ۔ (اس حدیث سے یہ نکلا کہ دعا میں قبلہ کی طرف منہ کرنا اور ہاتھ پھیلانا مستحب ہے) « اللَّہُمَّ أَنْجِزْ لِى مَا وَعَدْتَنِى اللَّہُمَّ آتِ مَا وَعَدْتَنِى اللَّہُمَّ إِنْ تَہْلِكْ ہَذِہِ الْعِصَابَۃُ مِنْ أَہْلِ الإِسْلاَمِ لاَ تُعْبَدْ فِى الأَرْضِ » ”یااللہ ! پورا کر جو تو نے وعدہ کیا مجھ سے ، یااللہ ! دے مجھ کو جو وعدہ کیا تو نے مجھ سے ، یااللہ ! اگر تو تباہ کر دے گا اس جماعت کو تو پھر نہ پوجا جائے گا تو زمین میں ۔ “ (بلکہ جھاڑ پہاڑ پوجے جائیں گے) پھر آپ ﷺ برابر دعا کرتے رہے اپنے ہاتھ پھیلائے ہوئے یہاں تک کہ آپ کی چادر مبارک مونڈھوں سے اتر گئی سیدنا ابوبکر ؓ آئے اور آپ ﷺ کی چادر مونڈھے پر ڈال دی ، پھر پیچھے سے ہٹ گئے اور فرمایا اے نبی اللہ تعالیٰ کے بس ، آپ کی اتنی دعا کافی ہے اب اللہ تعالیٰ پورا کرے گا وہ وعدہ جو کیا آپ سے ۔ تب اللہ تعالیٰ نے یہ آیت اتاری « إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّى مُمِدُّكُمْ بِأَلْفٍ مِنَ الْمَلاَئِكَۃِ مُرْدِفِينَ » (۸-الأنفال : ۹) ”یعنی جب تم اللہ تعالیٰ سے دعا کرتے تھے اور اس نے قبول کی دعا تمہاری اور فرمایا میں تمہاری مدد کروں گا ایک ہزار فرشتے لگاتار سے ، “ پھر اللہ تعالیٰ نے مدد کی آپ ﷺ کی فرشتوں سے ۔ ابوزمیل نے کہا : مجھ سے حدیث بیان کی سیدنا ابن عباس ؓ نے کہ اس روز ایک مسلمان ایک کافر کے پیچھے دوڑ رہا تھا جو اس کے آگے تھا اتنے میں کوڑے کی آواز اس کے کان میں آئی اوپر سے اور ایک سوار کی آواز سنائی دی اوپر سے ۔ وہ کہتا تھا بڑھ اے حیزدم (حیزدم اس فرشتے کے گھوڑے کا نام تھا) پھر جو دیکھا تو وہ کافر چت گر پڑا اس مسلمان کے سامنے ، مسلمان نے جب اس کو دیکھا کہ اس کی ناک پر نشان تھا اور اس کا منہ پھٹ گیا تھا جیسے کوئی کوڑا مارتا ہے اور سب سبز ہو گیا تھا ۔ (کوڑے کی زہر سے) ، پھر مسلمان انصاری رسول اللہ ﷺ کے پاس آیا اور قصہ بیان کیا ۔ آپ ﷺ نے فرمایا : ”تو سچ کہتا ہے یہ مدد تیسرے آسمان سے آئی تھی ۔ “ آخر مسلمانوں نے اسی دن ...

حدیث نمبر: 6025 --- ‏‏‏‏ سیدنا انس بن مالک ؓ سے روایت ہے ، رسول اللہ ﷺ نے فرمایا : رات کو میرا ایک لڑکا پیدا ہوا جس کا نام میں نے اپنے باپ ابراہیم کا نام رکھا ، پھر آپ نے وہ لڑکا ام سیف کو دیا جو لوہار کی عورت تھی اور لوہار کا نام ابوسیف تھا ۔ آپ ایک روز چلے ابوسیف کے پاس ، میں بھی آپ کے ساتھ گیا ۔ جب ابوسیف کے گھر پر پہنچے تو وہ اپنی دھونکنی پھونک رہا تھا اور سارا گھر دھویں سے بھر گیا تھا میں دوڑ کر آپ کے آگے گیا اور میں نے کہا : اے ابوسیف ! ذرا ٹھہر جا ، رسول اللہ ﷺ تشریف لائے وہ ٹھہر گیا ۔ آپ نے بچے کو بلایا اور اپنے سے چمٹا لیا اور جو اللہ کو منظور تھا وہ فرمایا ۔ سیدنا انس ؓ نے کہا میں نے اس بچےکو دیکھا وہ اپنا دم چھوڑ رہا تھا ۔ رسول اللہ ﷺ کے سامنے یہ دیکھ کر آپ کی آنکھوں سے آنسو نکلے اور فرمایا آنکھ روتی ہے اور دل رنج کرتا ہے لیکن زبان سے ہم کچھ نہیں کہتے سوا اس کے جو اللہ تعالیٰ کو پسند ہے (یعنی اس کی تعریف کرتے ہیں اور صبر کی دعا مانگتے ہیں) قسم اللہ کی ، اے ابراہیم ! ہم تیرے سبب سے رنج میں ہیں ۔

حکم بن عبدالرحمٰن کہتے ہیں کہ ایک آدمی جنبی ہو گیا تو وہ عمر ؓ کے پاس آیا اور کہنے لگا : میں جنبی ہو گیا ہوں اور مجھے پانی نہیں ملا (تو میں کیا کروں ) انہوں نے کہا : (جب تک پانی نہ ملے) نماز نہ پڑھو اس پر عمار ؓ نے ان سے کہا : کیا آپ کو یاد نہیں کہ جب ہم لوگ ایک سریہ (فوجی مہم) میں تھے تو ہم جنبی ہو گئے تھے تو رہے آپ تو آپ نے نماز نہیں پڑھی تھی اور رہا میں تو میں نے زمین پر لوٹ پوٹ لیا پھر نماز پڑھ لی پھر میں نبی اکرم ﷺ کے پاس آیا اور آپ سے ذکر کیا تو آپ ﷺ نے فرمایا : ” تمہارے لیے بس اتنا ہی کافی تھا “ شعبہ نے اپنی ہتھیلی (گھٹنوں پر) ایک مرتبہ ماری اور اس میں پھونک ماری پھر ایک کو دوسرے سے رگڑا پھر ان دونوں سے اپنے چہرے کا مسح کیا اس پر عمر ؓ نے کہا میں ایسی چیز (سن رہا ہوں) جو مجھے معلوم نہیں تو عمار ؓ نے کہا : اگر آپ چاہیں تو میں اسے بیان نہ کروں سلمہ نے اس سند میں ابو مالک سے کچھ اور بھی چیزوں کا ذکر کیا ہے اور سلمہ نے یہ اضافہ کیا ہے کہ عمر ؓ نے کہا : بلکہ اس سلسلہ میں جو کچھ تم کہہ رہے ہو ہم تم کو اس کا ذمہ دار بناتے ہیں

حدیث نمبر: 276 --- ہم سے عبدان نے بیان کیا ، کہا ہم سے ابوحمزہ (محمد بن میمون) نے ، کہا میں نے اعمش سے سنا ، انہوں نے سالم بن ابی الجعد سے ، انہوں نے کریب سے ، انہوں نے ابن عباس سے ، آپ نے کہا کہ میمونہ ؓ نے فرمایا کہ میں نے نبی کریم ﷺ کے لیے غسل کا پانی رکھا اور ایک کپڑے سے پردہ کر دیا ۔ پہلے آپ ﷺ نے اپنے دونوں ہاتھوں پر پانی ڈالا اور انہیں دھویا ۔ پھر اپنے داہنے ہاتھ سے بائیں ہاتھ میں پانی لیا اور شرمگاہ دھوئی ۔ پھر ہاتھ کو زمین پر مارا اور دھویا ۔ پھر کلی کی اور ناک میں پانی ڈالا اور چہرے اور بازو دھوئے ۔ پھر سر پر پانی بہایا اور سارے بدن کا غسل کیا ۔ اس کے بعد آپ ﷺ مقام غسل سے ایک طرف ہو گئے ۔ پھر دونوں پاؤں دھوئے ۔ اس کے بعد میں نے آپ ﷺ کو ایک کپڑا دینا چاہا ۔ تو آپ ﷺ نے اسے نہیں لیا اور آپ ﷺ ہاتھوں سے پانی جھاڑنے لگے ۔

حدیث نمبر: 5748 --- ہم سے عبدالعزیز بن عبداللہ اویسی نے بیان کیا ، کہا ہم سے سلیمان بن بلال نے بیان کیا ، ان سے یونس بن یزید ایلی نے ، ان سے ابن شہاب زہری نے ، ان سے عروہ بن زبیر نے اور ان سے عائشہ ؓ نے بیان کیا کہ رسول اللہ ﷺ جب اپنے بستر پر آرام فرمانے کے لیے لیٹتے تو اپنی دونوں ہتھیلیوں پر « قل ہو اللہ أحد » اور « قل أعوذ برب الناس » اور « قل أعوذ برب الفلق » سب پڑھ کر دم کرتے پھر دونوں ہاتھوں کو اپنے چہرہ پر اور جسم کے جس حصہ تک ہاتھ پہنچ پاتا پھیرتے ۔ عائشہ ؓ نے کہا کہ پھر جب آپ بیمار ہوتے تو آپ مجھے اسی طرح کرنے کا حکم دیتے تھے ۔ یونس نے بیان کیا کہ میں نے ابن شہاب کو بھی دیکھا کہ وہ جب اپنے بستر پر لیٹتے اسی طرح ان کو پڑھ کر دم کیا کرتے تھے ۔ ... حدیث متعلقہ ابواب: سونے سے قبل اور جاگنے کے بعد کی دعائیں ۔

حدیث نمبر: 1213 --- ہم سے سلیمان بن حرب نے بیان کیا ، انہوں نے کہا کہ ہم سے حماد بن زید نے بیان کیا ، ان سے ایوب سختیانی نے ، ان سے نافع نے ، ان سے عبداللہ بن عمر ؓ نے کہ نبی کریم ﷺ نے ایک دفعہ مسجد میں قبلہ کی طرف رینٹ دیکھی ۔ آپ ﷺ مسجد میں موجود لوگوں پر بہت ناراض ہوئے اور فرمایا کہ اللہ تعالیٰ تمہارے سامنے ہے اس لیے نماز میں تھوکا نہ کرو ، یا یہ فرمایا کہ رینٹ نہ نکالا کرو ۔ پھر آپ ﷺ اترے اور خود ہی اپنے ہاتھ سے اسے کھرچ ڈالا ۔ ابن عمر ؓ نے کہا کہ جب کسی کو تھوکنا ضروری ہو تو اپنی بائیں طرف تھوک لے ۔

حدیث نمبر: 7415 --- ‏‏‏‏ سیدنا ابوہریرہ ؓ سے روایت ہے ، رسول اللہ ﷺ نے فرمایا : ”تمام آدمی کے بدن کو زمین کھا جاتی ہے سوائے ڈھڈی کی ہڈی کے ۔ اس سے آدمی پہلے بنایا گیا اور اسی سے پھر جوڑا جائے گا ۔ “

حدیث نمبر: 5749 --- ہم سے موسیٰ بن اسماعیل نے بیان کیا ، کہا ہم سے ابوعوانہ نے بیان کیا ، ان سے ابوبشر (جعفر) ان سے ابوالمتوکل علی بن داؤد نے اور ان سے ابو سعید خدری ؓ نے کہ رسول اللہ ﷺ کے چند صحابہ (300 نفر) ایک سفر کے لیے روانہ ہوئے جسے انہیں طے کرنا تھا راستے میں انہوں نے عرب کے ایک قبیلہ میں پڑاؤ کیا اور چاہا کہ قبیلہ والے ان کی مہمانی کریں لیکن انہوں نے انکار کیا ، پھر اس قبیلہ کے سردار کو بچھو نے کاٹ لیا اسے اچھا کرنے کی ہر طرح کی کوشش انہوں نے کر ڈالی لیکن کسی سے کچھ فائدہ نہیں ہوا ۔ آخر انہیں میں سے کسی نے کہا کہ یہ لوگ جنہوں نے تمہارے قبیلہ میں پڑاؤ کر رکھا ہے ان کے پاس بھی چلو ، ممکن ہے ان میں سے کسی کے پاس کوئی منتر ہو ۔ چنانچہ وہ صحابہ کے پاس آئے اور کہا لوگو ! ہمارے سردار کو بچھو نے کاٹ لیا ہے ہم نے ہر طرح کی بہت کوشش اس کے لیے کر ڈالی لیکن کسی سے کوئی فائدہ نہیں ہوا کیا تم لوگوں میں سے کسی کے پاس اس کے لیے منتر ہے ؟ صحابہ میں سے ایک صاحب (ابو سعید خدری ؓ ) نے کہا کہ ہاں واللہ میں جھاڑنا جانتا ہوں لیکن ہم نے تم سے کہا تھا کہ ہماری مہمانی کرو (ہم مسافر ہیں) تو تم نے انکار کر دیا تھا اس لیے میں بھی اس وقت تک نہیں جھاڑوں گا جب تک تم میرے لیے اس کی مزدوری نہ ٹھہرا دو ۔ چنانچہ ان لوگوں نے کچھ بکریوں (30) پر معاملہ کر لیا ۔ اب یہ صحابی روانہ ہوئے ۔ یہ زمین پر تھوکتے جاتے اور « الحمد للہ رب العالمين » پڑھتے جاتے اس کی برکت سے وہ ایسا ہو گیا جیسے اس کی رسی کھل گئی ہو اور وہ اس طرح چلنے لگا جیسے اسے کوئی تکلیف ہی نہ رہی ہو ۔ بیان کیا کہ پھر وعدہ کے مطابق قبیلہ والوں نے ان صحابی کی مزدوری (30 بکریاں) ادا کر دی بعض لوگوں نے کہا کہ ان کو تقسیم کر لو لیکن جنہوں نے جھاڑا تھا انہوں نے کہا کہ ابھی نہیں ، پہلے ہم رسول اللہ ﷺ کی خدمت میں حاضر ہوں پوری صورت حال آپ کے سامنے بیان کر دیں پھر دیکھیں نبی کریم ﷺ ہمیں کیا حکم فرماتے ہیں ۔ چنانچہ سب لوگ نبی کریم ﷺ کی خدمت میں حاضر ہوئے تو آپ سے اس کا ذکر کیا آپ ﷺ نے فرمایا کہ تمہیں کیسے معلوم ہو گیا تھا کہ اس سے دم کیا جا سکتا ہے ؟ تم نے اچھا کیا جاؤ ان کو تقسیم کر لو اور میرا بھی اپنے ساتھ ایک حصہ لگاؤ ۔