1. سنن ابن ماجہ --- کتاب: طب کے متعلق احکام و مسائل --- باب : جائز دم ( جھاڑ پھونک ) کا بیان ۔ [سنن ابن ماجہ]
حدیث نمبر: 3515 --- حکم البانی: صحيح... جابر ؓ کہتے ہیں کہ انصار کا آل عمرو بن حزم نامی گھرانہ زہریلے ڈنک پر جھاڑ پھونک کیا کرتا تھا ، جبکہ رسول اللہ ﷺ نے جھاڑ پھونک کرنے سے منع فرمایا تھا ، چنانچہ ان لوگوں نے آپ کی خدمت میں حاضر ہو کر عرض کیا کہ اللہ کے رسول ! آپ نے دم کرنے سے روک دیا ہے حالانکہ ہم لوگ زہریلے ڈنک پر جھاڑ پھونک کرتے ہیں ؟ تو آپ ﷺ نے فرمایا : ” اپنا جھاڑ پھونک (منتر) مجھے سناؤ “ ، تو انہوں نے آپ ﷺ کو پڑھ کر سنایا ، آپ ﷺ نے فرمایا : ” اس میں کوئی مضائقہ نہیں ، یہ تو « اقرارات ہیں » (یعنی ثابت شدہ ہیں) “ ۔ ... (ص/ح)
2. سنن ابن ماجہ --- کتاب: طب کے متعلق احکام و مسائل --- باب : جائز دم ( جھاڑ پھونک ) کا بیان ۔ [سنن ابن ماجہ]
حدیث نمبر: 3516 --- حکم البانی: صحيح... انس ؓ سے روایت ہے کہ نبی اکرم ﷺ نے زہریلے ڈنک ، نظر بد اور نملہ پر جھاڑ پھونک کی اجازت دی ہے ۔ ... (ص/ح)
3. سنن ابن ماجہ --- کتاب: طب کے متعلق احکام و مسائل --- باب : سانپ اور بچھو کے جھاڑ پھونک کا بیان ۔ [سنن ابن ماجہ]
حدیث نمبر: 3519 --- حکم البانی: ضعيف الإسناد... عمرو بن حزم ؓ کہتے ہیں کہ میں نے رسول اللہ ﷺ کے پاس سانپ کے ڈسے ہوئے کو پیش کیا ، تو آپ ﷺ نے اس پر دم (جھاڑ پھونک) کرنے کی اجازت دے دی ۔ ... (ض)
4. سنن ابن ماجہ --- کتاب: طب کے متعلق احکام و مسائل --- باب : دم ( جھاڑ پھونک ) کرتے وقت پھونکنے کا بیان ۔ [سنن ابن ماجہ]
حدیث نمبر: 3529 --- حکم البانی: صحيح... ام المؤمنین عائشہ ؓ سے روایت ہے کہ نبی اکرم ﷺ جب بیمار پڑے تو اپنے اوپر معوذات پڑھتے اور پھونک لیتے ، لیکن جب آپ کا مرض شدت اختیار کر گیا تو میں آپ ﷺ کے اوپر پڑھتی اور برکت کی امید سے آپ ہی کا ہاتھ آپ پر پھیرتی ۔ ... (ص/ح)
5. سنن ابن ماجہ --- کتاب: طب کے متعلق احکام و مسائل --- باب : اللہ تعالیٰ نے ایسی کوئی بیماری نہیں اتاری جس کا علاج نہ اتارا ہو ۔ [سنن ابن ماجہ]
حدیث نمبر: 3437 --- حکم البانی: ضعيف... ابوخزامہ ؓ کہتے ہیں کہ رسول اللہ ﷺ سے عرض کیا گیا : بتائیے ان دواؤں کے بارے میں جن سے ہم علاج کرتے ہیں ، ان منتروں کے بارے میں جن سے ہم جھاڑ پھونک کرتے ہیں ، اور ان بچاؤ کی چیزوں کے بارے میں جن سے ہم بچاؤ کرتے ہیں ، کیا یہ چیزیں اللہ تعالیٰ کی تقدیر کو کچھ بدل سکتی ہیں ؟ تو آپ ﷺ نے فرمایا : ” یہ خود اللہ تعالیٰ کی تقدیر میں شامل ہیں “ ۔ ... (ض)
6. سنن ابن ماجہ --- کتاب: طب کے متعلق احکام و مسائل --- باب : آگ یا لوہا سے بدن داغنے کا بیان ۔ [سنن ابن ماجہ]
حدیث نمبر: 3489 --- حکم البانی: صحيح... مغیرہ ؓ کہتے ہیں کہ نبی اکرم ﷺ نے فرمایا : ” جس نے (آگ یا لوہا سے بدن) داغنے یا منتر (جھاڑ پھونک) سے علاج کیا ، وہ توکل سے بری ہو گیا “ ۔ ... (ص/ح)
7. سنن ابن ماجہ --- کتاب: طب کے متعلق احکام و مسائل --- باب : جائز دم ( جھاڑ پھونک ) کا بیان ۔ [سنن ابن ماجہ]
حدیث نمبر: 3513 --- حکم البانی: صحيح... بریدہ ؓ کہتے ہیں کہ رسول اللہ ﷺ نے فرمایا : ” نظر بد لگنے یا ڈنک لگنے کے سوا کسی صورت میں دم کرنا درست نہیں ہے “ ۔ ... (ص/ح)
8. سنن ابن ماجہ --- کتاب: طب کے متعلق احکام و مسائل --- باب : جائز دم ( جھاڑ پھونک ) کا بیان ۔ [سنن ابن ماجہ]
حدیث نمبر: 3514 --- حکم البانی: ضعيف... ابوبکر بن محمد سے روایت ہے کہ خالدہ بنت انس ام بنی حزم ساعدیہ ؓ نبی اکرم ﷺ کی خدمت میں حاضر ہوئیں ، اور آپ کے سامنے کچھ منتر پیش کیا ، تو آپ ﷺ نے انہیں اس کی اجازت دے دی “ ۔ ... (ص/ح)
9. سنن ابن ماجہ --- کتاب: طب کے متعلق احکام و مسائل --- باب : دم ( جھاڑ پھونک ) کرتے وقت پھونکنے کا بیان ۔ [سنن ابن ماجہ]
حدیث نمبر: 3528 --- حکم البانی: صحيح... ام المؤمنین عائشہ ؓ سے روایت ہے کہ نبی اکرم ﷺ دعا پڑھ کر (منتر) کو پھونکا کرتے تھے ۔ ... (ص/ح)
10. سنن ابن ماجہ --- کتاب: طب کے متعلق احکام و مسائل --- باب : سانپ اور بچھو کے جھاڑ پھونک کا بیان ۔ [سنن ابن ماجہ]
حدیث نمبر: 3518 --- حکم البانی: صحيح... ابوہریرہ ؓ کہتے ہیں کہ ایک آدمی کو بچھو نے ڈنک مار دیا تو وہ رات بھر نہیں سو سکا ، نبی اکرم ﷺ سے عرض کیا گیا کہ فلاں شخص کو بچھو نے ڈنک مار دیا ہے ، اور وہ رات بھر نہیں سو سکا ہے تو آپ ﷺ نے فرمایا : ” اگر وہ شام کے وقت ہی یہ دعا پڑھ لیتا « أعوذ بكلمات اللہ التامات من شر ما خلق » یعنی ” میں اللہ تعالیٰ کے مکمل کلمات کے ذریعہ پناہ مانگتا ہوں ہر اس چیز کے شر سے جو اس نے پیدا کیا “ ، تو بچھو کا اسے ڈنک مارنا صبح تک ضرر نہ پہنچاتا “ ۔ ... (ص/ح)
11. سنن ابن ماجہ --- کتاب: کھانوں کے متعلق احکام و مسائل --- باب : کھانے میں پھونک مارنے کا بیان ۔ [سنن ابن ماجہ]
حدیث نمبر: 3288 --- حکم البانی: ضعيف وقد صح من قوله صلى الله عليه وسلم... عبداللہ بن عباس ؓ کہتے ہیں کہ رسول اللہ ﷺ کھانے پینے کی چیزوں میں نہ پھونک مارتے تھے ، اور نہ ہی برتن کے اندر سانس لیتے تھے ۔ ... (ض)
12. سنن ابن ماجہ --- کتاب: اسلامی آداب و اخلاق --- باب : تسبیح ( سبحان اللہ ) کہنے کی فضیلت ۔ [سنن ابن ماجہ]
حدیث نمبر: 3813 --- حکم البانی: ضعيف... ابوالدرداء ؓ کہتے ہیں کہ رسول اللہ ﷺ نے مجھ سے فرمایا : ” تم « سبحان اللہ والحمد للہ ولا إلہ إلا اللہ واللہ أكبر » کہنے کو اپنے اوپر لازم کر لو ، کیونکہ یہ کلمے گناہوں کو ایسے جھاڑ دیتے ہیں جیسے درخت اپنے (پرانے) پتے جھاڑ دیتا ہے “ ۔ ... (ض)
13. سنن ابن ماجہ --- کتاب: دعا کے فضائل و آداب اور احکام و مسائل --- باب : بستر پر لیٹتے وقت کیا دعا پڑھے ؟ [سنن ابن ماجہ]
حدیث نمبر: 3875 --- حکم البانی: صحيح... ام المؤمنین عائشہ ؓ کہتی ہیں کہ نبی اکرم ﷺ جب اپنے بستر پر لیٹتے تو اپنے دونوں ہاتھوں میں پھونک مارتے ، اور معوذتین : « قل أعوذ برب الفلق » و « قل أعوذ برب الناس » پڑھتے ، اور انہیں اپنے جسم پر پھیر لیتے ۔ ... (ص/ح)
14. سنن ابن ماجہ --- کتاب: تیمم کے احکام و مسائل --- باب : تیمم میں زمین پر ضرب ( ہاتھ مارنا ) ایک بار ۔ [سنن ابن ماجہ]
حدیث نمبر: 569 --- حکم البانی: صحيح... عبدالرحمٰن بن ابزی ؓ فرماتے ہیں کہ ایک آدمی عمر بن خطاب ؓ کے پاس آیا ، اور کہا کہ میں جنبی ہو گیا اور پانی نہیں پایا ، تو عمر ؓ نے کہا : نماز نہ پڑھو ، اس پر عمار بن یاسر ؓ نے کہا : امیر المؤمنین ! کیا آپ کو یاد نہیں کہ جب میں اور آپ ایک لشکر میں تھے ، ہم جنبی ہو گئے ، اور ہمیں پانی نہ مل سکا تو آپ نے نماز نہیں پڑھی ، اور میں مٹی میں لوٹا ، اور نماز پڑھ لی ، جب میں نبی اکرم ﷺ کے پاس آیا ، اور آپ سے اس کا ذکر کیا ، تو آپ نے فرمایا : ” تمہارے لیے بس اتنا کافی تھا “ ، اور نبی اکرم ﷺ نے اپنے دونوں ہاتھ زمین پر مارے ، پھر ان دونوں میں پھونک ماری ، اور اپنے چہرے اور دونوں پہنچوں پر اسے مل لیا ۔ ... (ص/ح)
15. سنن ابن ماجہ --- کتاب: تیمم کے احکام و مسائل --- باب : تیمم میں زمین پر ضرب ( ہاتھ مارنا ) ایک بار ۔ [سنن ابن ماجہ]
حدیث نمبر: 570 --- حکم البانی: صحيح دون رواية مرفقيه فإنها منكرة... حکم اور سلمہ بن کہیل نے عبداللہ بن ابی اوفی ؓ سے تیمم کے بارے میں پوچھا ، تو انہوں نے کہا نبی اکرم ﷺ نے عمار ؓ کو اس طرح کرنے کا حکم دیا ، پھر عبداللہ بن ابی اوفی ؓ نے اپنے ہاتھ زمین پر مارے ، اور انہیں جھاڑ کر اپنے چہرے پر مل لیا ۔ حکم کی روایت میں « يديہ » اور سلمہ کی روایت میں « مرفقيہ » کا لفظ ہے ۔ ... (ض)
16. سنن ابن ماجہ --- کتاب: مشروبات کے متعلق احکام و مسائل --- باب : مشروب میں پھونکنے کا بیان ۔ [سنن ابن ماجہ]
حدیث نمبر: 3429 --- حکم البانی: صحيح... عبداللہ بن عباس ؓ کہتے ہیں کہ رسول اللہ ﷺ نے برتن میں پھونک مارنے سے منع فرمایا ہے ۔ ... (ض)
17. سنن ابن ماجہ --- کتاب: مشروبات کے متعلق احکام و مسائل --- باب : مشروب میں پھونکنے کا بیان ۔ [سنن ابن ماجہ]
حدیث نمبر: 3430 --- حکم البانی: ضعيف... عبداللہ بن عباس ؓ کہتے ہیں کہ رسول اللہ ﷺ مشروب میں پھونک نہیں مارتے تھے ۔ ... (ص/ح)
حدیث نمبر: 3335 --- حکم البانی: صحيح... ابوحازم کہتے ہیں کہ میں نے سہل بن سعد ؓ سے پوچھا : کیا آپ نے میدہ دیکھا ہے ؟ انہوں نے جواب دیا کہ میں نے رسول اللہ ﷺ کی وفات تک میدہ نہیں دیکھا تھا ، تو میں نے پوچھا : کیا لوگوں کے پاس رسول اللہ ﷺ کے زمانے میں چھلنیاں نہ تھیں ؟ انہوں نے جواب دیا : میں نے کوئی چھلنی نہیں دیکھی یہاں تک کہ رسول اللہ ﷺ کی وفات ہو گئی ، میں نے عرض کیا : آخر کیسے آپ لوگ بلا چھنا جو کھاتے تھے ؟ فرمایا : ہاں ! ہم اسے پھونک لیتے تو اس میں اڑنے کے لائق چیز اڑ جاتی اور جو باقی رہ جاتا اسے ہم گوندھ لیتے ۔ ... (ص/ح)
19. سنن ابن ماجہ --- کتاب: شکار کے احکام و مسائل --- باب : چھپکلی مارنے کا حکم ۔ [سنن ابن ماجہ]
حدیث نمبر: 3231 --- حکم البانی: صحيح... فاکہ بن مغیرہ کی لونڈی سائبہ کہتی ہیں کہ وہ ام المؤمنین عائشہ ؓ کے پاس آئیں تو انہوں نے آپ کے گھر ایک برچھا رکھا ہوا دیکھا ، تو عرض کیا : ام المؤمنین ! آپ اس برچھے سے کیا کرتی ہیں ؟ کہا : ہم اس سے ان چھپکلیوں کو مارتے ہیں ، کیونکہ نبی اکرم ﷺ نے ہمیں بتایا ہے کہ جب ابراہیم علیہ السلام کو آگ میں ڈالا گیا تو روئے زمین کے تمام جانوروں نے آگ بجھائی سوائے چھپکلی کے کہ یہ اسے (مزید) پھونک مارتی تھی ، اسی لیے رسول اللہ ﷺ نے اس کے قتل کا حکم دیا ۔ ... (ض)
20. سنن ابن ماجہ --- کتاب: خواب کی تعبیر سے متعلق احکام و مسائل --- باب : خواب کی تعبیر کا بیان ۔ [سنن ابن ماجہ]
حدیث نمبر: 3922 --- حکم البانی: صحيح... ابوہریرہ ؓ کہتے ہیں کہ رسول اللہ ﷺ نے فرمایا : ” میں نے خواب میں سونے کے دو کنگن دیکھے ، پھر میں نے انہیں پھونک ماری (تو وہ اڑ گئے) ، پھر میں نے اس کی تعبیر یہ سمجھی کہ اس سے مراد نبوت کے دونوں جھوٹے دعوے دار مسیلمہ اور عنسی ہیں ۔ ... (ص/ح)
|