بخاری، مسلم، ابوداود، ابن ماجہ، ترمذی، نسائی، سلسلہ صحیحہ البانی میں اردو لفظ / الفاظ تلاش کیجئیے۔

1. سلسلہ احادیث صحیحہ --- فتنے، علامات قیامت اور حشر --- دجال مدینہ منورہ میں داخل نہیں ہو گا ، مدینہ منورہ میں رہنے والے منافق دجال کے پاس کیسے پہنچیں گے ؟ [سلسلہ احادیث صحیحہ]

حدیث نمبر: 3653 --- رقم الحديث ترقيم الباني: 3081... سیدنا جابر بن عبداللہ ؓ کہتے ہیں : ہم رسول اللہ ﷺ کے ساتھ تھے ، آپ ﷺ حرہ کے ایک ٹیلے سے جھانکے اور فرمایا : ”جب دجال کا ظہور ہو گا تو مدینہ بہترین سر زمین ثابت ہو گی ، اس کی طرف آنے والے ہر راستے پر فرشتہ ہو گا ، اس لیے دجال اس میں داخل نہیں ہو سکے گا ۔ جب معاملہ یہ ہو گا تو مدینہ تین دفعہ اپنے باشندوں کو جھٹکا دے گا ، (‏‏‏‏مدینہ میں رہنے والا) ہر منافق مرد اور عورت دجال کی طرف نکل جائے گا ، زیادہ تر جانے والی عورتیں ہوں گی ، یہ ”یوم التخلیص“ ہو گا ۔ اس دن مدینہ اپنے اندر پائی جانے والی خباثت اس طرح نکال دے گا ، جیسے دھونکنی لوہے کی میل کچیل کو صاف کر دیتی ہے ۔ دجال کے ساتھ ستر ہزار (۷۰ ، ۰۰۰) یہودی ہوں گے ، ہر ایک نے زرہ زیب تن کی ہو گی اور ہر ایک کے پاس آراستہ کی ہوئی ایک تلوار ہو گی ، جہاں پانی کے نالے جمع ہوتے ہیں وہاں اس کا ڈیرہ بنایا جائے گا ۔ “ ‏‏‏‏ پھر آپ ﷺ نے فرمایا : ” (‏‏‏‏نہ ماضی میں) ایسا فتنہ تھا اور نہ تاقیامت ہو گا ، جو دجال کے فتنے سے سنگین ہو ۔ ہر نبی نے اپنی امت کو اس سے متنبہ کیا اور میں تمہیں اس کی ایسی علامت بتاتا ہوں جو کسی نبی نے نہیں بتائی ۔ “ پھر آپ ﷺ نے اپنا ہاتھ اپنی آنکھ پر رکھا اور فرمایا : ”میں گواہی دیتا ہوں کہ اللہ تعالیٰ کانا نہیں ہے (‏‏‏‏اور دجال کانا ہو گا) ۔ “

Terms matched: 1 - Score: 176 - 5k

2. سلسلہ احادیث صحیحہ --- فتنے، علامات قیامت اور حشر --- آپس کے فتنے بھی دجال سے کم نہیں [سلسلہ احادیث صحیحہ]

حدیث نمبر: 3629 --- رقم الحديث ترقيم الباني: 3082... سیدنا حذیفہ ؓ بیان کرتے ہیں کہ رسول اللہ ﷺ کے سامنے دجال کا ذکر کیا گیا ، آپ ﷺ نے فرمایا : ”دجال کے فتنے کی بہ نسبت مجھے خود تمہارے بعض افراد کے فتنوں کا زیادہ ڈر ہے ، جو آدمی دجال سے پہلے والے فتنوں سے نجات پا گیا وہ اس کے فتنے سے بھی چھٹکارا حاصل کر لے گا اور ابتدائے دنیا سے جو چھوٹا بڑا فتنہ منظر عام پر آیا وہ فتنہ دجال کی خاطر تھا ۔ “

Terms matched: 1 - Score: 121 - 2k

3. سلسلہ احادیث صحیحہ --- فتنے، علامات قیامت اور حشر --- دجال اور اس کی شکل اور صفات [سلسلہ احادیث صحیحہ]

حدیث نمبر: 3648 --- رقم الحديث ترقيم الباني: 2934... جنادہ بن ابوامیہ دوسی کہتے ہیں : میں اور میرا دوست ایک صحابی رسول کے پاس گئے اور کہا : ہمیں ایسی حدث بیان کرو ، جو تم نے رسول اللہ ﷺ سے خود سنی ہو ، کسی اور سے نہیں ، اگرچہ وہ ہمارے ہاں صادق ہو ۔ انہوں نے کہا : جی ہاں ، رسول اللہ ﷺ ہم میں کھڑے ہوئے اور فرمایا : ”میں تمہیں دجال سے ڈراتا ہوں ، میں دجال سے ڈراتا ہوں ، میں تمہیں دجال سے ڈراتا ہوں ، ہر نبی نے اپنی امت کو اس سے آگاہ کیا ۔ اے میری امت ! وہ تم میں نکلے گا ۔ وہ گھونگھریالے بالوں والا اور گندمی رنگ کا ہو گا ، اس کی بائیں آنکھ مٹی ہوئی ہو گی ، اس کے پاس جنت اور جہنم ہو گی ۔ (‏‏‏‏درحقیقت) اس کی جہنم ، جنت ہو گی اور اس کی جنت ، جہنم ہو گی ۔ اس کے پاس پانی کی نہر اور روٹیوں کا پہاڑ ہو گا ۔ (‏‏‏‏اسے اتنی قدرت دی جائے گی کہ) ایک جان کو قتل کر کے اسے زندہ کر سکے گا ، مزید اسے اس قسم کا تسلط نہیں دیا جائے گا ۔ وہ آسمان سے بارش برسائے گا ، لیکن زمین سے کوئی چیز نہیں اگائے گی ۔ وہ زمین میں چالیس دن ٹھہرے گا ، لیکن ہر جگہ پر پہنچنے گا ۔ وہ چار مساجد کے قریب نہیں آ سکے گا مسجد الحرام ، مسجد نبوی ، مسجد مقدس اور کوہ طور ۔ اگر کچھ اختیارات کی وجہ سے تم پر (‏‏‏‏اس کے اللہ تعالیٰ سے) مشابہت پڑ نے لگے ، تو ذہن میں رکھنا کہ اللہ تعالیٰ کانا نہیں ہے ۔ “ یہ بات دو دفعہ ارشاد فرمائی ۔

Terms matched: 1 - Score: 97 - 5k

4. سلسلہ احادیث صحیحہ --- فتنے، علامات قیامت اور حشر --- دجال اور اس کی شکل اور صفات [سلسلہ احادیث صحیحہ]

حدیث نمبر: 3649 --- رقم الحديث ترقيم الباني: 2862... عمر بن ثابت انصاری کہتے ہیں کہ مجھے ایک صحابی رسول نے بیان کیا کہ ایک دن نبی کریم ﷺ نے انہیں دجال سے آگاہ کرتے ہوئے فرمایا : ”جان لو کہ کوئی بھی اپنے رب کو مرنے سے پہلے نہیں دیکھ سکتا اور اس دجال کی آنکھوں کے درمیان ‏‏‏‏ ”ک ف ر“ لکھا ہو گا ، اس کے عمل کو ناپسند کرنے والا ہر شخص یہ الفاظ پڑھ لے گا ۔ “

Terms matched: 1 - Score: 72 - 2k

5. سلسلہ احادیث صحیحہ --- فتنے، علامات قیامت اور حشر --- دجال اور اس کی شکل اور صفات [سلسلہ احادیث صحیحہ]

حدیث نمبر: 3647 --- رقم الحديث ترقيم الباني: 3542... ربعی بن حراش کہتے ہیں : سیدنا عقبہ بن عمرو ؓ نے سیدنا حذیفہ ؓ سے کہا : آیا آپ ہم کو رسول اللہ ﷺ سے سنی ہوئی کوئی حدیث بیان کریں گے ؟ انہوں نے کہا : میں نے رسول اللہ ﷺ کو فرماتے سنا : ”بیشک جب دجال نکلے گا تو اس کے ساتھ پانی اور آگ ہوں گے ، جو چیز لوگوں کو آگ کی صورت میں نظر آئے گی وہ درحقیقت ٹھنڈا پانی ہو گی اور لوگ جس چیز کو ٹھنڈا پانی تصور کریں گے وہ حقیقت میں جلانے والی آگ ہو گی اگر تم لوگ دجال کو پا لو تو اس میں گرنا ، جو تمہیں آگ کی شکل میں نظر آئے گی ، کیونکہ وہ دراصل میٹھا اور ٹھنڈا پانی ہو گا ۔ “ سیدنا عقبہ نے سیدنا حذیفہ کی تصدیق کرتے ہوئے کہا : میں نے بھی یہ حدیث سنی تھی ۔

Terms matched: 1 - Score: 72 - 3k

6. سلسلہ احادیث صحیحہ --- فتنے، علامات قیامت اور حشر --- فتنہ دجال سے کیسے بچا جا سکتا ہے ؟ [سلسلہ احادیث صحیحہ]

حدیث نمبر: 3657 --- رقم الحديث ترقيم الباني: 582... سیدنا ابودرداء ؓ سے روایت ہے کہ نبی کریم ﷺ نے فرمایا : ”جس نے سورہ کہف کی ابتدائی دس آیات یاد کر لیں وہ دجال کے فتنے سے محفوظ رہے گا ۔ “

Terms matched: 1 - Score: 48 - 1k

7. سلسلہ احادیث صحیحہ --- فتنے، علامات قیامت اور حشر --- دجال اور اس کی شکل اور صفات [سلسلہ احادیث صحیحہ]

حدیث نمبر: 3643 --- رقم الحديث ترقيم الباني: 3983... سیدنا عبداللہ بن عمر ؓ سے روایت ہے کہ رسول اللہ ﷺ نے فرمایا : ”میں نے آج رات اپنے آپ کو خواب میں کعبہ کے پاس دیکھا ، میں نے ایک گندمی رنگ کا آدمی دیکھا تھا ، اس رنگ میں وہ انتہائی خوبصورت آدمی تھا ، اس کی بہت خوبصورت زلفیں تھیں ، اس نے کنگھی کر رکھی تھی اور ان سے پانی کے قطرے ٹپک رہے تھے ، اس نے دو آدمیوں یا دو آدمیوں کے کندھوں پر ٹیک لگا رکھی تھی اور وہ بیت اللہ کا طواف کر رہا تھا ۔ میں نے پوچھا یہ آدمی کون ہے ؟ کہا گیا کہ یہ مسیح بن مریم (‏‏‏‏علیہ السلام) ہیں ۔ پھر اچانک میں نے ایک اور آدمی دیکھا جو چھوٹے گھونگھریالے بالوں والا تھا ، اس کی دائیں آنکھ کانی تھی اور وہ خو شئہ انگور میں ابھرے ہوئے دا نے کی طرح لگتی تھی ۔ میں نے پوچھا : یہ کون ہے ؟ مجھے کہا گیا کہ یہ مسیح دجال ہے ۔ “

Terms matched: 1 - Score: 47 - 3k

8. سلسلہ احادیث صحیحہ --- بیماری، نماز جنازہ، قبرستان --- عذاب قبر [سلسلہ احادیث صحیحہ]

حدیث نمبر: 1703 --- رقم الحديث ترقيم الباني: 159... سیدنا زید بن ثابت ؓ بیان کرتے ہیں کہ نبی کریم ﷺ بنو نجار کے ایک باغ میں اپنے خچر پر سوار جا رہے تھے ، اچانک خچر بدک گیا اور قریب تھا کہ آپ ﷺ گر جائیں ۔ راوی حدیث جریری کے شک کے مطابق ادھر چار یا پانچ یا چھ قبریں تھیں ۔ آپ ﷺ نے فرمایا : ” کون ان قبر والوں کو جانتا ہے ؟ “ ایک آدمی نے کہا : میں جانتا ہوں ۔ آپ ﷺ نے پوچھا : ”یہ لوگ کب مرے تھے ؟ “ اس نے کہا : شرک کی حالت میں ۔ (یہ سن کر) آپ ﷺ نے فرمایا : ” (انسانوں کی) امت کو قبروں میں آزمایا جاتا ہے اور اگر تمہارے دفن نہ کرنے کا اندیشہ نہ ہوتا تو میں اللہ تعالیٰ سے دعا کرتا کہ جو عذاب قبر میں سنتا ہوں وہ تمہیں بھی سنا دے ۔ “ سیدنا زید ؓ کہتے ہیں : پھر آپ ﷺ ہماری طرف متوجہ ہوئے اور کہا : ” اللہ تعالیٰ کی پناہ طلب کرو عذاب قبر سے ۔ “ ہم نے کہا : ہم عذاب قبر سے بچنے کے لیے اللہ تعالیٰ کی پناہ چاہتے ہیں ۔ آپ ﷺ نے پھر فرمایا : ”عذاب قبر سے اللہ تعالیٰ کی پناہ طلب کرو ۔ “ ہم نے کہا : ہم عذاب قبر سے اللہ کی پناہ طلب کرتے ہیں ۔ آپ ﷺ نے پھر فرمایا : ” ظاہری اور باطنی فتنوں سے اللہ کی پناہ طلب کرو ۔ “ ہم نے کہا : ہم ظاہری اور باطنی فتنوں سے بچنے کے لیے اللہ تعالیٰ کی پناہ طلب کرتے ہیں ۔ آپ ﷺ نے پھر فرمایا : ” دجال کے فتنے سے اللہ کی پناہ طلب کرو ۔ “ ہم نے کہا : ہم دجال کے فتنے سے اللہ تعالیٰ کی پناہ چاہتے ہیں ۔

Terms matched: 1 - Score: 47 - 5k

9. سلسلہ احادیث صحیحہ --- فتنے، علامات قیامت اور حشر --- دجال اور اس کی شکل اور صفات [سلسلہ احادیث صحیحہ]

حدیث نمبر: 3645 --- رقم الحديث ترقيم الباني: 3079... سیدہ عائشہ صدیقہ ؓ سے روایت ہے کہ رسول اللہ ﷺ نے دجال کے زمانے کی شدید مزاحمتوں کا ذکر کیا ۔ میں نے کہا : اے اللہ کے رسول ! اس وقت عرب کہاں ہوں گے ؟ آپ ﷺ نے فرمایا : ”عائشہ ! ان دنوں عرب تھوڑے ہوں گے ۔ “ میں نے کہا : تو پھر کون سی چیز مومنوں کو کھانے سے کفایت کرے گی ؟ آپ ﷺ نے فرمایا : ”جو فرشتوں کو کفایت کرتی ہے تسبیح ، تکبیر ، تحمید اور تہلیل ۔ “ ‏‏‏‏ میں نے کہا : ان دنوں میں کون سا مال بہتر ہو گا ؟ آپ ﷺ نے فرمایا : ” ایسا خادم جو اپنے آقاؤں کو پانی پلا دے گا ، رہا مسئلہ کھانے کا تو وہ تو (‏‏‏‏سرے سے) نہیں ہو گا ۔ “